ទំព័រដើម

(ភ្នំពេញ)៖ ជនល្មើស៤នាក់ មានជនជាតិចិន២នាក់ ត្រូវបានកម្លាំងនគរបាលការិយាល័យព្រហ្មទណ្ឌកំរិតស្រាល នៃស្នងការដ្ឋាននគរបាលរាជធានីភ្នំពេញ សហការជាមួយកម្លាំង នៃអធិការដ្ឋាននគរបាលខណ្ឌច្បារអំពៅ ស្រាវជ្រាវឃាត់ខ្លួន ពាក់ព័ន្ធករណីចាប់ជំរិតទារប្រាក់ និងអំពើឃាតកម្មគិតទុកជាមុន កាលពីរសៀលថ្ងៃទី១ ខែមិថុនា ឆ្នាំ២០២៦។ ក្រុមជនល្មើសបានប្រព្រឹត្តបទល្មើស នៅចំណុចផ្ទះសំណាក់១៦៨D ផ្លូវបេតុង ភូមិកោះក្របី សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ កាលពីថ្ងៃទី២៣ ខែឧសភា ឆ្នាំ២០២៦ វេលាម៉ោង ២៣៖៣០នាទី។ ប្រតិបត្តិការនេះបានធ្វើឡើងក្រោមការបញ្ជាផ្ទាល់ពីលោកឧត្តមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ, លោកឧត្តមសេនីយ៍ទោ ប៊ុន សត្យា ស្នងការរងនគរបាលរាជធានីភ្នំពេញទទួលការងារព្រហ្មទណ្ឌ។ យោងតាមរបាយការណ៍របស់នគរបាលការិយាល័យព្រហ្មទណ្ឌកំរិតស្រាល បានបញ្ជាក់ថា ជនរងគ្រោះទាំង២នាក់ រួមមាន៖ *ទី១៖ ឈ្មោះ តាំង ស៊ីម៉េង ភេទប្រុស (ភេទទី៣) អាយុ៣៥ឆ្នាំ មុខរបរ បុគ្គលិកក្រុមហ៊ុន ស្នាក់នៅ ភូមិ៦ សង្កាត់អូរឫស្សីទី២ ខណ្ឌ៧មករា *ទី២៖ ឈ្មោះ អែម គីមស្រ៊ុន […]

ព្រះសីហនុ+ ក្រុមលទ្ធកម្មនៃមន្ទីរព័ត៌មានខេត្ត សេចក្តីជូនដំណឹងស្តីពីការអញ្ជើញចូលរួមពិគ្រោះថ្លៃ សម្រាប់ឆ្នាំ២០២៦មន្ទីរព័ត៌មាន ខេត្តព្រះសីហនុ សូមជូនដំណឹងដល់បណ្ដាលក្រុមហ៊ុន/សហគ្រាស (គិតទាំងសហគ្រាសឯកបុគ្គល ទាំងអស់ដែល បានចុះបញ្ជីត្រឹមត្រូវក្នុងព្រះរាជាណាចក្រម្ពុជា ឲ្យបានជ្រាបថា + មន្ទីរព័ត៌មានខេត្ត នឹងដាក់ឲ្យពិគ្រោះថ្លៃជាសាធារណៈ ដើម្បីផ្គត់ផ្គង់នូវ+ រេងឥន្ធនៈ និងប្រេងរំអិល ការងារជួសជុលពង្រីកអគាររដ្ឋបាលទំហំ៩ម គុណ ១៤ម(ដំណាក់កាលទី២)កាលបរិច្ឆេទឈប់ទទួល និងបើកសំណើរពិគ្រោះថ្លៃ ថ្ងៃទី ១៦ ខែ មីនា ឆ្នាំ២០២៥ វេលាម៉ោង ៨: ៣០០នាទី។ មន្ទីរព័ត៌មានខេត្តព្រះសីហនុ បានរៀបចំឯកសារសម្រាប់ក្រុមហ៊ុន/ សហគ្រាសបំពេញ ដើម្បីចូលរួមពិគ្រោះថ្លៃនឹងមានដាក់លក់នៅក្រុមលទ្ធកម្មរបស់មន្ទីរព័ត៌មានខេត្តព្រះសីហនុ ដែលមានអាសយដ្ឋានមន្ទីរព័ត៌មានខេត្តព្រះសីហនុ ចាប់ពីថ្ងៃទី០២ ខែមីនា ឆ្នាំ២០២៦ តទៅរៀងរាល់ម៉ោងធ្វើការ (ទូរស័ព្ទលេខ ០៦៩ ៨៨៨ ៣៣៦)។ កាលបរិច្ឆេកឈប់ទទួលនិងបើកសំណើពិគ្រោះថ្លៃនឹងប្រព្រឹត្តទៅនៅក្រុមលទ្ធកម្មតាមពេលវេលានិងអាសយដ្ឋានខាងលើ។ ក្រុមហ៊ុន/ សហត្រាស ដែលមានសម្ព័ន្ធភាពជាមួយគ្នា ឬមានប្រភពតែមួយ អាចដាក់សំណើពិគ្រោះថ្លៃបានតែមួយគត់។ក្រុមហ៊ុន/ សហគ្រាស ដែលមានបំណងចូលរួមពិគ្រោះថ្លៃ សូមអញ្ជើញទាក់ទងជាមួយក្រុមលទ្ធកម្ម ដើម្បីទិញឯកសារពិគ្រោះថ្លៃ៕

១. ការព្យាបាលដោយមិនគិតថ្លៃ ដែលមានចែងក្នុងគោលនយោបាយសុខាភិបាលសាធារណៈ ២. ការថែទាំធ្មេញ (ការសម្អាតធ្មេញ ការប៉ះធ្មេញ និង ការដាក់ធ្មេញ) ៣. ការព្យាបាល និង ការវះកាត់ប្តូរភេទ ៤. ការផ្សំ ឬប្តូរសរីរាង្គផ្សេងៗ ៥. សេវាបង្កកំណើតដោយសិប្បនិម្មិត ៦. ការព្យាបាលដោយខ្លួនឯង ៧. ការព្យាបាល ឬ ការវះកាត់ដើម្បីជាប្រយោជន៍នៃការកែលម្អផ្នែកណាមួយនៃរាងកាយ ៨. ការវះកាត់ដោយដាក់គ្រាប់ភ្នែកសិប្បនិម្មិត ឧបករណ៍ជំនួយភ្នែក និង ភ្នែកសិប្បនិម្មិត ៩. ការព្យាបាលដោយកាំរស្មីឡាស៊ែរ ១០. ការព្យាបាលញៀនសុរា និង ផ្តាច់គ្រឿងញៀន ១១. ការព្យាបាលអសមត្ថភាពផ្តល់កំណើត ១២. ការវះកាត់បេះដូង និង សរសៃឈាមបេះដូង ១៣. ការលាងឈាម ១៤. ការពិនិត្យសុខភាពទូទៅ។

ភ្នំពេញ ៖ ឧត្តមសេនីយ៍ឯក ហែម សុវត្ថិ អគ្គស្នងការរងនគរបាលជាតិ ណែនាំឱ្យនាយកដ្ឋានប្រឆាំងបទល្មេីសល្បែងពាណិជ្ជកម្ម ចុះបង្ក្រាបនូវរាល់ទីតាំងល្បែងសុីសងខុសច្បាប់ទាំងអស់ និងបានជំរុញឱ្យមន្ត្រីជំនាញត្រូវបន្តសហការជាមួយកម្លាំងជំនាញនៅតាមបណ្តារាជធានី-ខេត្ត ស្រាវជ្រាវ តាមដានភូមិសាស្រ្តដែលមានលបលួចបេីកល្បែងសុីសងខុសច្បាប់ ជាមួយគ្នានោះត្រូវដាក់ចេញនូវផែនការបង្ក្រាប ជាពិសេសល្បែងភ្នាល់តាមអនឡាញ ដោយយកការងារនេះជាការងារស្នូលសម្រាប់នាយកដ្ឋាន។ ការណែនាំនេះ ក្នុងកិច្ចប្រជុំត្រួតពិនិត្យលទ្ធផលការងារ នាយកដ្ឋានប្រឆាំងបទល្មេីសល្បែងពាណិជ្ជកម្មប្រចាំឆ្នាំ២០២៥ និងលេីកទិសដៅការងារឆ្នាំ២០២៦ នារសៀលថ្ងៃទី២៧ ខែមករា ឆ្នាំ២០២៦នេះ នៅសាលប្រជុំនាយកដ្ឋានប្រឆាំងបទល្មើស ល្បែងពាណិជ្ជកម្ម។ លោកបានបន្តថា ការងារដែលនៅសេសសល់ត្រូវពិនិត្យមេីល ដេីម្បីដាក់ចេញផែនការដោះស្រាយ, ត្រូវធ្វេីរបាយការណ៍ស្តីពីវឌ្ឍនភាពការអនុវត្តចំណារ និងគោលការណ៍របស់ថ្នាក់ដឹកនាំរៀងរាល់សប្តាហ៍ និងប្រចាំខែ, ត្រូវបន្តតាមដាន និងយកចិត្តទុកដាក់ចំពោះព័ត៌មានជាតិ និងអន្តរជាតិពាក់ព័ន្ធScam Online និងផ្សព្វផ្សាយបន្តពាក់ព័ន្ធការគ្រប់គ្រងសន្តិសុខ សុវត្ថិភាពតាមទីតាំងប្រមូលផ្តុំ ជាពិសេសអនុវត្តន៍ឱ្យបានមុឺងម៉ាត់តាមអនុសាសន៍សម្តេចមហាបវរធិបតី លេីការងារចូលរួមសាមគ្គីលុបបំបាត់ឧក្រិដ្ឋកម្មឆបោកតាមប្រព័ន្ធបច្ចេកវិទ្យា, ត្រូវបន្តអនុវត្តន៍បទបញ្ជាដ៏ម៉ឺងម៉ាត់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ បង្កេីនការស្រាវជ្រាវស៊េីបអង្កេត និងត្រូវចាត់វិធានការបន្ទាន់ ចុះអន្តរាគមន៍តាមសំណេីពីគ្រប់ប្រភព ជាពិសេសសំណេីពីគ្រប់ស្ថានតំណាង រឺស្ថានទូតនានាលេីបទល្មេីសគ្រប់ប្រភេទ(បទល្មេីសតាមប្រព័ន្ធបច្ចេកវិទ្យា)។ ដើម្បីពង្រឹងប្រសិទ្ធភាពការងារបន្ថែមទៀត ឯកឧត្តម ឧត្តមសេនីយ៍ឯក ហែម សុវត្ថិ បានផ្ដល់អនុសាសន៍ដឹកនាំមួយចំនួនដូចខាងក្រោម ៖ […]

ថ្មីៗនេះចៅក្រមជំនុំជម្រះសាលាដំបូងរាជធានីភ្នំពេញ បានប្រកាសសាលក្រមផ្តន្ទាទោសអតីតឧកញ៉ា ហេង សិទ្ធី ភេទប្រុស អាយុ៣៦ ឆ្នំា មានចំនួន៤សំណុំកាលពីថ្ងៃទី២២ ខែមករា ឆ្នាំ២០២៦ ។ សំណុំរឿងទី១ បទហឹង្សាដោយចេតនា ដាក់ពន្ធនាគារកំណត់២ ឆ្នាំ, សំណុំរឿងទី២ បទបរិហារកេរ្តិ៍ និងបទញុះញង់ឱ្យមានការរើសអើង ដាក់ពន្ធនាគារកំណត់១ឆ្នាំ៦ខែ, សំណុំរឿង៣ បទញុះញង់បង្កឲ្យមានភាពវឹកវរធ្ងន់ធ្ងរដល់សណ្ដាប់ធ្នាប់សង្គម ដាក់ពន្ធនាគារកំណត់២ ឆ្នាំ និង សំណុំរឿងទី៤ បទកំរាមកំហែងហែកកេរ្តិ៍មានស្ថានទម្ងន់ទោស ដាក់ពន្ធនាគារកំណត់៨ ឆ្នាំ ។ ដូច្នោះទោសសរុបទាំង៤ សំណុំរឿង ជនជាប់ចោទត្រូវអនុវត្តក្នុងពន្ធនាគារចំនួន១៣ ឆ្នាំ ៦ខែ ដែលបច្ចុប្បន្នជនជាប់ចោទអតីតឧកញ៉ា ហេង សិទ្ធី កំពុងជាប់ឃុំនៅពន្ធនាគារ(ម៣)ត្រពាំងផ្លុង ខេត្តត្បូងឃ្មុំ។ កាលពីព្រឹកថ្ងៃទី២០ ខែវិច្ឆិកា ឆ្នាំ២០២៥ សាលាដំបូងរាជធានីភ្នំពេញ បានលើកយកសំណុំរឿង អតីតឧកញ៉ា #ហេងសិទ្ធី មកបើកសវនាការជំនុំជម្រះទោសជាសាធារណៈ ពាក់ពន្ធបទល្មើសចំនួន២ ៖ ១.សំណុំរឿងព្រហ្មទណ្ឌបទហិង្សាដោយចេតនា និង ២.សំណុំរឿងព្រហ្មទណ្ឌពីបទ.គំរាមកំហែងហែកកេរ្តិ៍។ សូមជម្រាបថា ៖ សាលាដំបូងរាជធានីភ្នំពេញ […]

ក្រោយសមត្ថកិច្ច ចាប់ខ្លួនលោក Chen Zhi បញ្ជូនទៅចិនកាលពីថ្ងៃទី៦មករា ឆ្នាំ២០២៦មក ថ្ងៃនេះ៨មករាឆ្នាំ២០២៦ ធនាគារជាតិនៃកម្ពុជា មិនអនុញ្ញាតឲ្យធនាគារព្រីនស៍ បន្ដធ្វើប្រតិបត្តិការទៀតឡើយ តែចំពោះអតិថិជនដែលបានដាក់ប្រាក់បញ្ញើ អាចដកប្រាក់បានជាធម្មតា និងអតិថិជនដែលបានកម្ចីប្រាក់ត្រូវបន្ដបង់ប្រាក់ជាធម្មតា ៕ សូមអានសេចក្ដីបប្រកាសខាងក្រោម

(ភ្នំពេញ)៖ អ្នកជំនួញ ធ្លាប់មានសញ្ជាតិកម្ពុជា អ្នកឧកញ៉ា ចេនហ្ស៊ី ត្រូវបានសមត្ថកិច្ចរបស់កម្ពុជា និងចិនចាប់ខ្លួនហើយនៅវេលាម៉ោង៣ព្រឹកថ្ងៃពុធ ទី៦ ខែមករា ឆ្នាំ២០២៦នេះ។ រួមមាន ឈ្មោះ Chen Zhi, Xu Ji Liang និង Shao Ji Hui ។ ប្រភពព័ត៌មានបានបញ្ជាក់ថា បន្ទាប់ពីចាប់ខ្លួនអ្នកឧកញ៉ា ចេនហ្ស៊ី នឹងត្រូវបញ្ជូនខ្លួនទៅកាន់ប្រទេសចិនផងដែរ។ លោក Chen Zhi ត្រូវបានដកសញ្ជាតិខ្មែរហើយ កាលពីខែធ្នូ ឆ្នាំ២០២៥ ។ ប្រភព៖ ក្រសួងមហាផ្ទៃ ៕

មន្ត្រីច្រកត្រពាំងថ្លុង ធ្វើតាមអំពើចិត្ត លលើទំនិញឲ្យបង់លុយមិនប្រក្រតី04/01/2026 ច្រកទ្វារព្រំដែនអន្តរជាតិត្រពាំងផ្លុង បានអោយដឹងថា សម្រាប់បន្លែផ្លែឈើ១រ៉ឺម៉ក ត្រូវបង់លុយចាប់ពី៨ម៉ឺនរៀល ទៅ១០ ម៉ឺនរៀល .រថយន្តសាំយ៉ុងត្រូវបង់ចាប់ពី២០ ម៉ឺនរៀលទៅ៣០ ម៉ឺនរៀល និងរថយន្តធំបង់ចាប់ពី៣០មុឺន រៀលទៅ៥០ មុឺនរៀល តាមការកំណត់របស់ នាយប៉ុស្តិ៍នគរបាលអន្តោប្រវេសន៍ច្រកទ្វារព្រំដែនអន្តរ ជាតិត្រពាំងផ្លុងជាកំហិត។ ប្រភពពីក្រុមឈ្មួញនិងអាជីវករបានបន្តថា នាយប៉ុស្តិ៍នគរបាលអន្តោប្រវេសន៍ច្រកទ្វារព្រំដែនអន្តរ ជាតិត្រពាំងផ្លុង ដាក់ពង្រាយមន្រ្តីនគរបាលក្រោមឱវាទនិង ជនសុីវិលគាបយកលុយពីពួកគាត់ដោយគ្មានការយោគយល់ឡើយ ហើយបើកដៃអោយមេឈ្មួញធំៗនាំចូលទំនិញគេចពន្ធ ទំនិញបង់ពន្ធមិនគ្រប់នឹងទំនិញខុសច្បាប់តាមអំពើចិត្ត។ ហេតុនេះហើយទើបក្រុមឈ្មួញ និងអាជីវករតូច តាចអំពាវនាវដល់ថ្នាក់ដឹកនាំក្រសួងមហាផ្ទៃ ពិសេសឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃនិងឯកឧត្តម ឧត្តមសេនីយ៍ឯក សុខ វាសនា អគ្គនាយកនៃអគ្គនាយកដ្ឋាននគរបាលអន្តោប្រវេសន៍នៃក្រសួងមហាផ្ទៃ មេត្តាជួយពិនិត្យចាត់វិធានការស្រាវជ្រាវទប់ស្កាត់ភាពមិនប្រក្រតីរបៀបពុក រលួយរបស់នាយប៉ុស្តិ៍ និងបក្ខពួក ដែលប្រព្រឹត្តរបៀបអំពើពុករលួយផងទាន។ ប្រភពដដែលបានបន្តអោយទៀតថា បន្លែផ្លែឈើនិងទំនិញឈ្មួញនាំចូលពីប្រទេសវៀតណាមចូលមកប្រទេសខ្មែរតាមច្រកទ្វារព្រំដែនអន្តរជាតិត្រពាំងផ្លុង ប្រឈមនឹងការលំបាកកាន់តែខ្លាំងដោយ សារសមត្ថកិច្ចច្រើនស្ថាប័នប្រចាំការនៅច្រកមួយនេះនិងសមត្ថកិច្ចតាមដងផ្លូវច្រើនទៀតគាបយកលុយលើតុក្រោមតុច្រើនៗតាមការកំណតជាពិសេសនាយប៉ុស្តិ៍នគរបាលអន្តោប្រវេសន៍នេះតែម្តងមិនអាចរំលងបានធ្វើអោយពួកគាត់ជួបហានីភ័យខ្លាំងជាងពេលមុនៗ។ បញ្ហានេះសូមឯកឧត្តម ឧត្តមសេនីយ៍ឯក សុខ វាសនា អគ្គនាយកនៃអគ្គនាយកដ្ឋាននគរបាលអន្តោប្រវេសន៍គួរដាក់មន្រ្តីជំនាញចុះស្រាវជ្រាវទប់ស្កាត់នូវភាពមិនប្រក្រតីរបៀបពុករលួយរបស់ នាយប៉ុស្តិ៍នគរបាលអន្តោប្រវេសន៍ច្រកទ្វារព្រំដែនអន្តរជាតិត្រពាំងផ្លុងដែលប្រព្រឹត្តរបៀបពុករលួយ។មួយរយៈចុងក្រោយនេះ នាយប៉ុស្តិ៍ និងបក្ខពួកប្រើជនសុីវិលអង្គុយចាំរាប់ក្បាលរថយន្តឈ្មួញដឹក ទំនិញគេចពន្ធទំនិញបង់ពន្ធមិនគ្រប់ចេញពីប្រទេសវៀតណាមចូលមកប្រទេសខ្មែរគាបយក លុយតាមអំពើចិត្ត ហើយគ្មានឈ្មួញឬអាជីវករណាហ៊ានតវ៉ាជាមួយ […]

ទោះបីជាយន្តហោះចម្បាំង ផលិតដោយកូរ៉េខាងត្បូង តែយន្តហោះ T-50TH នេះ ក៏មានប្រើប្រាស់បច្ចេកវិទ្យាស្នូលរបស់សហរដ្ឋអាមេរិកដែរ ដូចជាម៉ាស៊ីន GE F404 និងប្រព័ន្ធរ៉ាដា។ ដូច្នេះ ការទិញយន្តហោះ T-50TH ពីកូរ៉េខាងត្បូងរបស់កងទ័ពអាកាសថៃ មិនមែនជាកិច្ចសន្យាទិញ-លក់ធម្មតាឡើយ ប៉ុន្តែវាជាកិច្ចព្រមព្រៀងកម្រិតរដ្ឋាភិបាល ដែលមានចងភ្ជាប់នូវលក្ខខណ្ឌសំខាន់ៗ។ បើនិយាយត្រឹមលក្ខខណ្ឌនៃការប្រើប្រាស់ កិច្ចព្រមព្រៀងនោះបានចងថា៖ ប្រសិនបើថៃយកយន្តហោះនេះទៅប្រើប្រាស់ក្នុងសកម្មភាពដែលរំលោភលើច្បាប់អន្តរជាតិធ្ងន់ធ្ងរ កូរ៉េខាងត្បូង និងអាមេរិកមានសិទ្ធិកាត់ផ្ដាច់ ការផ្គត់ផ្គង់គ្រឿងបន្លាស់ ដែលធ្វើឲ្យយន្តហោះមិនអាចហោះហើរបាន។ ដ្បិតផលិតដោយក្រុមហ៊ុន KAI របស់កូរ៉េខាងត្បូង ប៉ុន្តែគ្រឿងបន្លាស់ស្នូលជាង ៥០% ទៅ ៦០% គឺជាបច្ចេកវិទ្យារបស់អាមេរិក។ ដូច្នេះ ក្នុងករណីថៃ យក T-50 វាយប្រហារទៅលើប្រទេសជិតខាងដោយគ្មានមូលហេតុច្បាស់លាស់ ឬមិនមែនជាការការពារខ្លួនតាមច្បាប់អង្គការសហប្រជាជាតិទេនោះ កូរ៉េខាងត្បូងនិងអាមេរិក មានសិទ្ធិអនុវត្តវិធានការកាត់ផ្ដាច់។ ការប្រើប្រាស់យន្តហោះដើម្បីទម្លាក់គ្រាប់បែកលើជនស៊ីវិល មន្ទីរពេទ្យ ឬតំបន់បេតិកភណ្ឌវប្បធម៌ ដូចជាប្រាសាទបុរាណ សុទ្ធតែជាការបំពានលក្ខខណ្ឌ។ 🚨របៀបនៃការ «កាត់ផ្ដាច់» ការកាត់ផ្ដាច់នោះមិនមែនជាការចុចប៊ូតុងបិទយន្តហោះពីចម្ងាយទេ! ជារឿងចាំបាច់ណាស់ ដែលយន្តហោះនេះត្រូវតែផ្លាស់ប្តូរគ្រឿងបន្លាស់ជាប្រចាំបន្ទាប់ពីហោះហើរបានប៉ុន្មានម៉ោង។ បើគ្មានគ្រឿងបន្លាស់ពីកូរ៉េខាងត្បូងឬអាមេរិកទេ យន្តហោះនឹងត្រូវចតចោលហើយ។ ម្យ៉ាង បើកូរ៉េខាងត្បូងឬអាមេរិក បិទប្រព័ន្ធ […]