ខេត្តព្រះសីហនុ ៖ មហោស្រពតន្ត្រីលំដាប់អន្តរជាតិលើកដំបូង Element Countdown Music Festival 2023 នៅឆ្នេរសមុទ្រ Bay of Lights បានមកដល់ខេត្តព្រះសីហនុ រួមជាមួយនឹងកម្មវិធីនៃការរាប់ថយក្រោយ ដើម្បីអបអរសាទរពិធីបុណ្យចូលឆ្នាំថ្មី ឆ្នាំសកល ដែលឧបត្ថម្ភធំដោយស្រាបៀរ Chang ជាស្រាបៀរលំដាប់ឈានមុខគេរបស់ប្រទេសថៃ ដែលបានប្រព្រឹត្តិទៅកាលពីថ្ងៃទី ៣០ និង ៣១ ខែធ្នូ ឆ្នាំ២០២៣ កន្លងមកនេះ និងមានឌីជេលំដាប់ពិភពលោក ចូលរួមដូចជា ៖ DJ Yellow Claw និង DJ NERVO អមជាមួយវត្តមានឌីជេល្បីឈ្មោះក្នុងតំបន់ជាច្រើនរូបទៀតមានដូចជា ៖ DJ Wukong, ក្រុម Hypertrain, DJ 22 Bullets រួមទាំងសិល្បករល្បីឈ្មោះជាច្រើនរូបទៀត ។
រយៈពេល ២ ថ្ងៃនៃព្រឹត្តិការណ៍នេះ បានផ្តល់បទពិសោធន៍ដ៏អស្ចារ្យ ថ្មីប្លែក ដល់ភ្ញៀវជាតិ និងអន្តរជាតិ បានរីករាយជាមួយនឹងការប្រគំតន្ត្រី ការរាប់ថយក្រោយ ដើម្បីស្វាគមន៍ឆ្នាំថ្មី និងការកម្សាន្តក្នុងកម្មវិធីយ៉ាងសម្បូរបែប អមជាមួយអាហារដែលមានឱជារសឆ្ងុយឆ្ងាញ់ និងបា.ញ់កាំជ្រួចនៅមាត់ឆ្នេរដ៏អស្ចារ្យ ព្រមទាំងមានរង្វាន់ជាច្រើននៅ Summer Bay Beach Club & Cabins ក្នុងកម្មវិធីឆ្លងឆ្នាំផងដែរ ។ មិនទាន់អស់ទេ ! ភ្ញៀវជាតិ និងអន្តរជាតិក៏បានរីករាយនឹងការជិះទោង Reverse Bungee ដែលមានតែមួយគត់នៅកម្ពុជា និងកម្សាន្តអារម្មណ៍ជាមួយកីឡាទឹកជាច្រើនប្រភេទផងដែរ ។
ក្រោយព្រឹត្តិការណ៍ត្រូវបានបញ្ចាប់ គ្រប់គ្នាសុទ្ធតែត្រឡប់ទៅវិញដោយស្នាមញញឹម និងការចងចាំដ៏រីករាយមួយនេះ ។ ជាមួយគ្នានេះផងដែរ មហាព្រឹត្តិការណ៍ប្រគំតន្ត្រី និងការកម្សាន្តយ៉ាងសម្បូរបែប លើឆ្នេរសមុទ្រ ក្នុងខេត្តព្រះសីហនុ សង្ឃឹមថា ភ្ញៀវជាតិនិងអន្តរជាតិ នឹងជួបគ្នាម្តងទៀតក្នុងឱកាសក្រោយនៅ Bay Of Lights !
សូមជម្រាបជូនផងដែរថា កម្មវិធីដ៏ធំអស្ចារ្យនេះ អាចរៀបចំទៅបានដោយមានការចូលរួមពីក្រុម One Asia Ventures ជាក្រុមការងារបម្រើផ្នែកប្រឹក្សាកម្មវិធីធំឈានមុខគេក្នុងប្រទេសថៃ ធ្លាប់មានបទពិសោធន៍ផ្តល់ជូននូវការកម្សាន្ត និងការរៀបចំជាច្រើនទម្រង់ដល់អតិថិជនទាំងក្នុងស្រុក និងអន្តរជាតិ រួមទាំងសហការពី Unseen, Siam Songkran និង Creamfields Thailand គឺជាកម្លាំងជំរុញនៅពីក្រោយកម្មវិធីដ៏អស្ចារ្យដំបូងគេបង្អស់នៅក្នុងប្រទេសកម្ពុជាយើងដែរ ។ ការរៀបចំការតុបតែង និងរចនាឆាកនៃកម្មវិធី Element Countdown 2023 គឺមានការចូលរួមចំណែកពីក្រុមអ្នករចនាតុបតែងជំនាញៗ ដែលសម្រិតសម្រាំងពីប្រទេសថៃ ធ្លាប់ត្រូវបានគេស្គាល់ថាជាអ្នករៀបចំឆាកធំលំដាប់ទូទាំងតំបន់អាស៊ីដែរ ។

Bay of Lights គឺជាគម្រោងអភិវឌ្ឍន៍លំដាប់ពិភពលោកមានទំហំវិនិយោគ ១៦ ពាន់លានដុល្លារអាមេរិក លាតសន្ធឹងលើផ្ទៃដីទំហំ ៩៣៤ ហិកតា នៅលើដែនដីនៃឈូងសមុទ្ររាម ។ ទទួលយកបទពិសោធន៍នៃការរស់នៅជាមួយការកម្សាន្តប្រកបដោយទេសភាពធម្មជាតិដ៏ស្រស់ត្រកាល ។ ចូលរួមជាមួយពួកយើងក្នុងការបើកទំព័រថ្មីនៃគម្រោងអភិវឌ្ឍន៍ទីក្រុងដ៏ល្អឯករបស់កម្ពុជា ។  ។

One Asia Ventures គឺជាក្រុមហ៊ុនរៀបចំព្រឹត្តិការណ៍កម្សាន្ត ដ៏មានកេរ្តិ៍ឈ្មោះមួយក្នុងតំបន់អាស៊ី ដែលមានបទពិសោធន៍ជាង ៩ ឆ្នាំមកហើយ ។ ក្នុងរយៈពេល ៦ ឆ្នាំចុងក្រោយនេះ One Asia Ventures បានរៀបចំព្រឹត្តិការណ៍ធំជុំវិញពិភពលោក ហើយបើគិតចាប់តាំងពីព្រឹត្តិការណ៍ដំបូងមក អ្នកចូលរួមគឺមានសរុបជិត ១ លាននាក់ទៅហើយ ។ ព្រឹត្តិការណ៍ធំៗមួយចំនួនដែល One Asia Ventures បានរៀបចំនាពេលកន្លងមក មានដូចជាពិធីប្រគំតន្ត្រី Unseen Music Festival ឆ្នាំ ២០២២ ដែលមានអ្នកចូលរួមជាង ២ ម៉ឺននាក់ និងព្រឹត្តិការណ៍ប្រគំតន្ត្រី SIAM Songkran Music Festival ឆ្នាំ ២០២៣ ដែលមានអ្នកចូលរួមជាង ១ ម៉ឺននាក់ ៕