ខេត្តរតនគិរី៖ បើទោះជាក្នុងខេត្តមិនមានបង្កអសន្តិសុខណាមួយធំយ៉ាងណាក៏ដោយ ក៏ស្នងការនគរបាលខេត្តរតនគិរី កាន់តែពង្រឹងកងកម្លាំងត្រៀមលក្ខណៈប្រុងប្រយ័ត្នខ្ពស់ ក្នុងការបំរើសេវាជូនប្រជាពលរដ្ឋ ការពារសន្តិសុសុខជូនប្រជាជន និងរក្សាសន្តិសុខ សណ្ដាប់ធ្នាប់ជូនភ្ញៀវទេសជាប្រចាំផងដែរ។

យ៉ាងណាមិញ តាំងពីលោក អ៊ុង សុភាព ឡើងកាន់តំណែងជាស្នងការនគរបាលខេត្តរតនគិរី លោកតែងតែពង្រឹង និងយកចិត្តទុកដាក់លើកងកម្លាំងទាំងអស់នៅតាមបណ្ដាស្រុក និងកងកម្លាំងតាមបន្ទាត់ព្រំដែនកម្ពុជា វៀតណាមជាប្រចាំផងដែរ។ ម្យ៉ាងវិញទៀត កម្លាំងអន្តរាគមន៍ លោកលោកស្នងការតែងតែត្រៀមជាប្រចាំរាល់មានហេតុការណាមួយកើតឡើង។

ថ្មីៗនេះ គេសង្កេតឃើញថា ការជួបជុំប្រជុំជួរកងកម្លាំង គោរពទង់ជាតិ គឺលោកស្នងការតែងតែអនុវត្តជាប្រចាំរៀងរាល់ព្រឹក ដើម្បីធានាបានរាល់បញ្ហាកើតឡើងនៅក្នុងខេត្ត ធ្វើយ៉ាងណាបំរើប្រជាពលរដ្ឋឲ្យបានល្អប្រសើរ ការពាររាជរដ្ឋាភិបាលស្របច្បាប់ឲ្យបានគង់វង់ទៀតផង៕ ដោយ ភួង ផុន