ខេត្តព្រះសីហនុ៖ ករណីលោកវរសេនីយ៍ត្រី អ៊ុក ផាន់ណារ៉េត នាយប៉ុស្តិ៍រដ្ឋបាល សង្កាត់លេខលេខ៣ ក្រុងព្រះសីហនុ ប្រើអំពើហិង្សា ចាប់វ៉ៃខ្នោះទាត់ធាក់លើជនរងគ្រោះ ឈ្មោះ រ័ត្ន គន្ធី (អ្នករត់ផាស់អ៊ែប)កាលពីយប់ថ្ងៃទី១៦ ខែកក្កដាឆ្នាំ២០២៤ ត្រូវបាន អយ្យការសាលាដំបូងខេត្តព្រះសីហនុឲ្យលោកអ៊ុកផាន់ណារ៉េត ចូលបំភ្លឺនៅថ្ងៃទី១៣ ខែសីហា ឆ្នាំ២០២៤ នេះហើយ តាមបណ្តឹងជនរងគ្រោះ។
លោកធុច បញ្ចសន្តិភាព  ព្រះរាជអាជ្ញារង និងជាអ្នកនាំពាក្យអយ្យការសាលាដំបូងខេត្តព្រះសីហនុ បានប្រាប់អ្នកសារព័ត៌មានតាមសារតេឡេក្រាមថាសូមជម្រាបលោកដែរថា ៖  ” ក្រោយពីទទួលពាក្យបណ្តឹងផ្ទាល់របស់ជនរងគ្រោះនៅថ្ងៃទី១៥ ខែកក្កដាភ្លាម អយ្យការអមសាលាដំបូងខេត្តព្រះសីហនុ បានចាត់ការតាមនីតិវិធី អ្វីដែលលោកបានដឹងគឺមិនខុសទេ។ (លោកមេប៉ុស្តិ៍ចូលខ្លួនបំភ្លឺហើយនៅថ្ងៃទី១៣ ខែសីហា ឆ្នាំ២០២៤) ។

ចំពោះករណីនេះ លោកឧត្តមសេនីយ៍ឯក ស រដ្ឋា អគ្គស្នងការរង និងជាស្នងការនរគបាលខេត្តព្រះសីហនុ លោកធ្លាប់បានបញ្ជាក់តាមទូរស័ព្ទ កាលពីព្រឹក ថ្ងៃ៧ ខែសីហា ឆ្នាំ២០២៤ ទៅអ្នកសារព័ត៌មានថា ពាក់ព័ន្ធនឹងបញ្ហានេះលោកកំពុងបន្ដរនិតិវិធី ហើយបើសិនជារកឃើញដូចការចោទប្រកាន់ លោកនាយប៉ុស្ដិ៍រូបនោះអាចប្រឈមនឹងវិន័យកងកម្លាំងនរគបាលជាតិលេខ០០៦ ។

គូសបញ្ជាក់ថា ករណីហិង្សានេះកើតឡើងកាលពីយប់ថ្ងៃទី៦ ខែកក្កដា ឆ្នាំ២០២កន្លងទៅ នៅចំណុចក្រោយអនុវិទ្យាល័យ សម្តេចឪ ស្ថិតក្នុងភូមិ២ សង្កាត់លេខ៣ ក្រុងព្រះសីហនុ៕ ដោយ​៖ VD7NEWS