ខេត្តព្រះសីហនុ៖ សាច់ញាតិរបស់ជនរងគ្រោះដោយអំពើ.ហិង្សាពី លោក អ៊ុកផាន់ណារ៉េត(មេប៉ុស្តិ៍៣) បានសម្តែងការហួសចិត្ត ខណៈតុលាការកំពុងដំណើរសំណុំការរឿង ព្រហ្មទណ្ឌនេះស្រាប់តែបែកធ្លាយចេញដីការកោះលើកទី២ មិនដឹងលើកទី១នៅទីណា? ឲ្យទៅនណា? របស់ស្នងការដ្ឋាននគរបាលខេត្តព្រះសីហនុ ផ្នែកព្រហ្មទណ្ឌកំរិតធ្ងន់ តាមបណ្តឹងរបស់ឈ្មោះ អ៊ុក ផាន់ណារ៉េត (មេប៉ុស្តិ៍៣) បានប្តឹងឈ្មោះរត្ន័គន្ធី កាលពីថ្ងៃទី៧ ខែកក្កដា ឆ្នាំ២០២៤ ទៅវិញ ក្នុងដីការឲ្យជនរងគ្រោះ ចូលបំភ្លឺនៅរសៀលថ្ងៃសុក្រ ដែលជាថ្ងៃចុងសប្តាហ៍ទៀត ហើយរឿងហិង្សានោះវាបានកើតឡើងកាលពីយប់ថ្ងៃទី៦ខែកក្កដាឆ្នាំដដែល ករណីនេះមើលទៅលោកមេប៉ុស្តិ៍៣ ប្រហែលជាសុីលៀសល្អៀសខ្លួន ឬកន្លេលធំបន្លំដេក ហើយមើលទៅបានជាវ៉ៃគេហើយប្តឹងគេទៀត (នៅលើគោកសុទ្ធ) ! ពលរដ្ឋសួរថា ឯណាទៅគោលនយោបាយ ភូមិឃុំមានសុវត្ថិទាំង៥ចំណុច ”? ទុកចិតឯណាបាន បើអ្នកដែលវ៉ៃពលរដ្ឋក្នុងមូលដ្ឋានគឺជាមេប៉ុស្តិ៍ ! ។

បើតាមដីការកោះ របស់ស្នងការដ្ឋាននគរបាលខេត្តព្រះសីហនុ ផ្នែកព្រហ្មទណ្ឌកំរិតធ្ងន់ លើកទី២ លេខ: ២៤៤២/២៤ល.ក.ហ ចុះថ្ងៃទី១៦ ខែសីហា ឆ្នាំ២០២៤ កោះហៅឈ្មោះ រត្ន័ គន្ធី ភេទប្រុស ជនជាតិខ្មែរ អាយុ៣៧ឆ្នាំ រស់នៅសង្កាត់លេខ២ ក្រុងព្រះសីហនុ ខេត្តព្រះសីហនុ ។
ឲ្យចូលរួមបំភ្លឺពាក្យបណ្តឹង ចុះថ្ងៃទី៧ ខែសីហា ឆ្នាំ២០២៤ របស់ឈ្មោះ អ៊ុក ផាន់ណារ៉េត នៅវេលាម៉ោង១៤និង៣០នាទីរសៀលថ្ងៃទី២៣ត្រូវនិងថ្ងៃសុក្រខែសីហាឆ្នា២០២៤ នេះ។

ទាក់ទងនឹងរឿងពាក្យបណ្តឹងនេះអ្នកសារព័ត៌មាន យើងក៏ធ្លាប់បានសួរទៅ លោកឧត្តមសេនីយ៍ត្រី ណុបបញ្ញា ស្នងការរងទទួលផែនព្រហ្មទណ្ឌកំរិតធ្ងន់ នៃស្នងការរដ្ឋាននគរបាលខេត្តព្រះសីហនុ កាលពីថ្ងៃទី៧ខែសីហាឆ្នាំ២០២៤ តាមប្រពន្ធ័តេលេក្រាម ថា! ខ្ញុំសូមសួរព័ត៌មានបងមួយ ករណីអ្នករត់ផាស់អ៊ែបបានប្តឹងលោកមេប៉ុស្តិ៍៣ រឿងប្រើហិស្សា ប៉ុន្តែថ្មីៗនេះខ្ញុំ បានទទួលព័ត៌មាន១ថា លោកមេប៉ុស្តិ៍ ៣ បានប្តឹងអ្នករត់ផាស់អែបទៅស្នងការផ្នែកព្រហ្មទណ្ឌកម្រឹតធ្ងន់វិញ តើព័ត៌មាននោះពិតទេ ?
បើពិតឬមិនពិតសូមបងជួយបំភ្លឺផងហើយបើមានគាត់ប្តឹងពីបទអ្វី?
សូមអរគុណបង. តែលោកមិនឆ្លើតជាមួយអ្នកសារព័ត៌មានយើងទេ រហូតដល់រសៀលថ្ងៃទី២១ ខែសីហា ឆ្នាំ២០២៤នេះ។

ជុំវិញរឿងដីការកោះលើកទី២ របស់ស្នងការប៉ូលិស សាច់ញាតិរបស់ លោក រត្ន័គន្ធីជនរងគ្រោះ បានឲ្យដឹងថា ករណីបណ្តឹងរបស់ឈ្មោះ អ៊ុកផាន់ណារ៉េត កាលពីថ្ងៃទី៧ បន្ទាប់ពីវ៉ៃកូនគាត់យប់ថ្ងៃទី៦នោះ ដេកពេទ្យ១០ថ្ងៃនោះ គឺជារឿងហួសហេតុ នៅយប់កើតហេតុ ថ្ងៃទី៦ ខែកក្កដា ឆ្នាំ២០២៤ ក្រោយពីវាយធ្វើទារុណ្ឌកម្មកូនខ្ញុំរួចរាល់ មេប៉ុស្តិ៍ អ៊ុក ផាន់ណារ៉េត និង អធិការរងក្រុង អ៊ុក ផាន់ណារិទ្ធិ បាននិយាយកាន់ខ្ញុំនិងកូនថា មិនបាច់ប្តឹងផ្តល់ពួកគាត់ទេ ចប់ត្រឹមហ្នឹងទៅ យើងស្គាល់គ្នានៅក្បែរគ្នាយូរហើយ ។ លុះរហូតមកដល់ថ្ងៃទី១៩ ខែសីហា ឆ្នាំ២០២៤ ខ្ញុំនឹកស្មានមិនដល់ថា ស្រាប់តែមានដីការកោះលើកទី២ ( ទាំងមិនធ្លាប់បានដឹងឮពីដីការកោៈលើកទី១ជាអ្វីសោៈនោៈ ) ពីព្រហ្មទណ្ឌកម្រិតធ្ងន់ សុំអោយកូនខ្ញុំចូលបំភ្លឺនៅ ការិយាល័យព្រហ្មទ័ណ្ឌកម្រិតធ្ងន់ខេត្តព្រៈសីហនុទៅវិញ ។ ហើយខ្ញុំខឹងសម្បាយ៉ាងខ្លាំងថា ហេតុអ្វី វាយធ្វើទារុណ្ឌកម្មកូនខ្ញុំជិតស្លាប់ហើយវ៉ៃដាក់ខ្នោះ ក្រោយមក តេហៅបក្ខពួក៤នាក់បន្ថែមចាប់វ៉ៃដាក់ខ្នោះ និងបង្ខាំងធ្វើទារុណ្ឌកម្មកូនខ្ញុំរួចរាល់ មេប៉ុស្តិ៍ អ៊ុក ផាន់ណារ៉េត និង អធិការរងក្រុង អ៊ុក ផាន់ណារិទ្ធិ បាននិយាយមកកាន់ខ្ញុំនិងកូនខ្ញុំថា  មិនបាច់ប្តឹងផ្តល់ពួកគាត់ទេ ចប់ត្រឹមហ្នឹងទៅ។ ប៉ុន្តែ បែជាមេប៉ុស្តិ៍មកប្តឹងកូនខ្ញុំវិញ ខ្ញុំស្លុតចិត្ត គេងមិនលក់ ញាំមិនបាន រហូតដល់ឈឺ បាក់ទឹកចិត្តពីរឿងអយុត្តិធ៍មសង្គម ដែលជនពាលជ្រែកចូលធ្វើការងាររដ្ឋ ធ្វើបាបប្រជាជន។​ តើនេៈជាផែនការអ្វី របស់លោកមេប៉ុស្តិ៍៣ និង លោកអធិការរងក្រុងព្រៈសីហនុ ??? ដែលប្រើឧប្បករណ៍របស់រដ្ឋប្រើទីតាំងរបសរដ្ឋ ហើយវាយខ្នោៈនិងវ៉ៃធ្វើទារុណ្ឌកម្មគេស្ទើស្លាប់ និងពិនិត្យទឹកនោម២ដង មិនឃើញមានសារធាតុញៀនសោៈនោះ លុៈព្រឹកឡើងឈ្លាតទៅប្តឹងគេអោយបានមុនទៀត។

គួររំលឹកផងដែរថាករណី ពលរដ្ឋឈ្មោះ រត្ន័ គន្ធីរងគ្រោះ ដោយអំពើរ ហិង្សា រំលោភច្បាប់ ពីសំណាក់ឈ្មោះ អ៊ុក ផាន់ណារ៉េត មានតួនាទីជាមេប៉ុស្តិ៍នគរបាលរដ្ឋបាល សង្កាត់លេខ៣ កាលពីយប់ថ្ងៃទី៦ ខែកក្កដា ឆ្នាំ២០២៤ នៅក្រោយសាលារៀនអនុវិទ្យាលយ័សម្តេច ឪ ស្ថិតក្នុងភូមិ២សង្កាត់លេខ៣ ក្រុងព្រះសីហនុ នោះត្រូវបាន លោក អុីវត្រាយ ព្រះរាជអាជ្ញារង តំណាងអយ្យការអមសាលាដំបូង ខែត្រព្រះសីហនុ បានចេញដីការកោះហៅ មេប៉ុស្តិ៍នោះឲ្យចូលខ្ខ្លនបំភ្លឺកាលពីថ្ងៃទី១៣ ខែសីហាឆ្នាំ២០២៤កន្លងទៅ តាមបណ្តឹង របស់ជនរងគ្រោះកាលពីថ្ងៃទី១៥ខែកក្កដា ឆ្នាំ២០២៤ ម្តងរួចទៅហើយ សូមមិត្ដឹតអ្ងនកអានតាមដាន មូលហេតុ និងការបន្តនិតិវិធីរបស់ស្ថាបន័ជំនាញ ៕