ពិធី បិទវគ្គបំប៉នការងារដឹកនាំដល់ស្នងការរង នៃស្នងការដ្ឋាននគរបាលរាជធានី-ខេត្ត

ខេត្តរតនគិរី៖ បន្ទាប់ពីបានបើកវគ្គបំប៉នកាងារដឹកនាំដល់ស្នងការរង ចំនួន ៤ខេត្ត កាលពីថ្ងៃទី៦ ខែកក្កដា កន្លងមក នៅថ្ងៃទី១០ ខែកក្កដា ឆ្នាំ២០២៤ នេះត្រូវបានបិតវគ្គបំប៉នជាស្ថាពរ។

ពិធីបិតវគ្គបំប៉ននេះ ធ្វើឡើងនៅស្នងការរដ្ឋាននគរបាលខេត្តរតនគិរី ក្រោមអធិបតីភាព ឯកឧត្តម ឧត្តមសេនីយ៍ឯក ឆាយ គឹមខឿន អគ្គស្នងការរង ទទួលដឹកនាំការងារសេនាធិការដ្ឋាន តំណាងដ៏ខ្ពង់ខ្ពស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ រួមទាំងគណៈប្រតិភូអមដំណើរ
និងមានការចូលរួម ពីសំណាក់លោកឧត្តមសេនីយ៍ទោ អ៊ុង សុភាព ស្នងការ នៃស្នងការដ្ឋាននគរបាលខេត្តរតនគិរី លោកស្នងការខេត្តស្ទឹងត្រែង ខេត្តមណ្ឌលគិរី និងខេត្តក្រចេះ។

ក្នុងពិធីនេះដែរ លោក អ៊ុង សុភាព ស្នងការដ្ឋាននគរបាលខេត្តរតនគិរី ពិតជាមានសេចក្ដីសោមនស្សរីករាយយ៉ាងក្រៃលែង ប្រកបដោយភាពកក់ក្តៅ ចំពោះវត្តមាន ឯកឧត្តម ឧត្តមសេនីយ៍ឯក ឆាយ គឹមខឿន អគ្គស្នងការរង នគរបាលជាតិ ដែលបានអញ្ជើញជាគណៈអធិបតី ក្នុងពិធីបិទវគ្គបំប៉នការងារដឹកនាំដល់ស្នងការរង នៃស្នងការដ្ឋាននគរបាលខេត្តរតនគិរី ខេត្តស្ទឹងត្រែង ខេត្តមណ្ឌលគិរី និងខេត្តក្រចេះ។ ឱកាសនេះដែរ លោក អ៊ុង សុភាព ក៏ដូចជាមន្ត្រីនគរបាលទូទាំងខេត្តរតនគិរី ពិតជាមានកិត្តិយសណាស់ ដែលថ្នាក់ ដឹកនាំ អគ្គស្នងការនគរបាលជាតិ បានជ្រើសរើសទីតាំងស្នងការដ្ឋាននគរបាលខេត្តរតនគិរី ធ្វើជាម្ចាស់ផ្ទះ រៀបចំបើកវគ្គបំប៉នការងារដឹកនាំដល់ស្នងការរង ចំនួន ៤ខេត្តកន្លងមក។ លោកស្នងការបានបន្តទៀតថា លោកមានភាពសប្បាយរីករាយ និងពេញចិត្តជាទីបំផុតក្នុងការរៀបចំ ទទួលស្វាគមន៍សិក្ខាកាម និងគ្រូឧទ្ទេសទាំងអស់ដែលអញ្ជើញមកចូលរួមវគ្គបំប៉ននាពេលនះ។ ជាការឆ្លើយ តបទៅនឹងការផ្ដល់ឱកាសដ៏មានកិត្តិយសនេះ ស្នងការដ្ឋាននគរបាលខេត្តរតនគិរី បានខិតខំសហការ ជំរុញ ដើម្បីឲ្យវគ្គបំប៉ននេះទទួលបាននូវលទ្ធផលល្អប្រសើរ ក្នុងនោះយើងក៏បានរៀបចំតុបតែងសាលសម្រាប់សិក្សា បំពាក់ឧបករណ៍បរិក្ខាបន្ថែម ព្រមទាំងបានរៀបចំអាហារសម្រន់សម្រាប់ទទួលសិក្ខាកាម និងគ្រូ ជា រៀងរាល់ថ្ងៃសិក្សា ព្រមទាំងសម្របសម្រួលការងារផ្សេងៗមួយចំនួនទៀត ដូចជា ការទទួលគ្រូឧទ្ទេសនាម ទាំងការស្នាក់នៅ និងអាហារប្រចាំថ្ងៃ ពេលព្រឹក ថ្ងៃត្រង់ និងពេលល្ងាចផងដែរ។ ថ្វីត្បិតការងារខ្លះ ទទួល មិនបានគ្រប់ជ្រុងជ្រោយក៏ពិតមែន ប៉ុន្តែលោកស្នងការ បានខិតខំប្រឹងប្រែង អស់ពីលទ្ធភាព ធ្វើដោយក្តីពេញចិត្ត និងរីករាយបំផុត។ លោកស្នងការ ក៏បានបញ្ជាក់ថា
ស្នងការរង ដែលជាសិក្ខាកាមចូលរួមសិក្សាវគ្គបំប៉ននេះ មានចំនួន ៦៣រូប ស្រី ៤រូប មកពី ស្នងការដ្ឋាននគរបាលខេត្តចំនួន៤ ក្នុងនោះមានសិក្ខាកាមផ្អែកលើកម្មវិធីសិក្សា ដែលបានគ្រោងទុក វគ្គបំប៉នការងារដឹកនាំដល់ស្នងការរង មានរយៈពេល ០៤ថ្ងៃ ស្មើនឹង ៣២ម៉ោង គិតចាប់ពីថ្ងៃទី ០៦ ដល់ថ្ងៃទី ១០ ខែកក្កដា ឆ្នាំ២០២៤ សិក្សាលើមេរៀនចំនួន ០៤
១.មេរៀនស្តីពីតួនាទីភារកិច្ចរបស់ផែនសណ្ដាប់ធ្នាប់សាធារណៈ (ឧទ្ទេសនាមដោយ ឯកឧត្តម ឧត្តម សេនីយ៍ឯក ស៊ឹម សារ៉ាត់ អនុប្រធាននាយកដ្ឋានកណ្តាលសន្តិសុខ)។
២.មេរៀនតួនាទីភារកិច្ចរបស់ផែនកណ្តាលសន្តិសុខ (ឧទ្ទេសនាមដោយលោកឧត្តមសេនីយ៍ទោ ផាន សុភ័ក្រ ប្រធានលេខាធិការដ្ឋាន នាយកដ្ឋានកណ្តាលសន្តិសុខ)។ ៣.មេរៀនស្តីពីតួនាទីភារកិច្ចរបស់ផែនកណ្តាលនគរបាលព្រំដែន (ឧទ្ទេសនាមដោយ លោកឧត្តម សេនីយ៍ត្រី ស្រី ផាណ្ណា អនុប្រធាននាយកដ្ឋានកណ្តាលព្រំដែន)។
៤.រមរៀនស្តីពីតួនាទីភារកិច្ចរបស់ផែនកណ្តាលនគរបាលយុត្តិធម៌ និងក្បួននីតិវិធីប្រតិបត្តិការរបស់ នគរបាលយុត្តិធម៌(ឧទ្ទេសនាមដោយ ឯកឧត្តម ឧត្តមសេនីយ៍ឯក ជា ប៊ុនថុល អនុប្រធាននាយកដ្ឋានកណ្តាលនគរបាលយុត្តធម៌)។
លោកស្នងការបន្ថែមថា លទ្ធផលការសិក្សា
ដោយមានការយកចិត្តទុកដាក់ បង្ហាត់បង្ហាញប្រកបដោយចំណេះដឹងខ្ពស់ បទពិសោធន៍បង្រៀនជា ច្រើនឆ្នាំពីសំណាក់លោកគ្រូឧទ្ទេសនាម រួមទាំងការយកចិត្តទុកដាក់របស់សិក្ខាកាមផងដែរ។ លោកស្នងការ ក៏បានកោតសរសើរ និងវាយតម្លៃខ្ពស់ ចំពោះលោក-លោកស្រី ជាសិក្ខាកាមទាំងអស់ ដែលបានខិតខំប្រឹងប្រែង យកចិត្តទុកដាក់រៀនសូត្រ ហើយលោកស្នងការសង្ឃឹមជឿជាក់យ៉ាងមុតមាំថា ក្រោយពីបញ្ចប់វគ្គបំប៉ននេះ លោក-លោកស្រីសិក្ខាកាម និងយកទៅអនុវត្ត បំពេញតួនាទីភារកិច្ចរបស់ខ្លួនកាន់តែល្អប្រសើរក្នុងការបម្រើអង្គភាព សង្គមជាតិ និងប្រជាពលរដ្ឋ ព្រមទាំង ចែករំលែកចំណេះដឹងបទពិសោធន៍ល្អៗ ទៅដល់មន្ត្រីក្រោមឱវាទ ក្នុងគោលបំណងលើកកម្ពស់ប្រសិទ្ធភាព ការងារ សំដៅឆ្លើយតបទៅនឹងស្ថានភាពជាក់ស្ដែង ពង្រឹងថែរក្សាសន្តិសុខ សណ្ដាប់ធ្នាប់សាធារណៈ និងសុវត្ថិភាពសង្គមផងដែរ៕ ដោយ ភួង ផុន