(ឧត្តរមានជ័យ) ផ្លូវលំមួយកន្លែង ត្រូវបានប្រជាពលរដ្ឋរៃអង្គាសគ្នានៅក្នុងភូមិបានថវិការបន្តិចបន្តួច សាងសង់ដើម្បី ធ្វើដំណើរទៅស្រែចម្ការ ខណៈដែលផ្លូវនេះកន្លងមកពុំដែលមានហើយ ស្របពេលដែលចង់ទៅស្រែម្ដងម្កាល មានការលំបាកខ្លាំងត្រូវវាងកាត់ភូមិផ្សេងឆ្ងាយបើខែវស្សាវិញសូម្បីតែគោយន្តក៏បើកមិនរួចដែរ ទីតាំងផ្លូវដែលពលរដ្ឋកំពុងតែធ្វើការស្ថាបនាធ្វើថ្មីនេះស្ថិតនៅត្រង់ចំណុចភូមិឆ្អើប សង្កាត់សំរោងក្រុងសំរោងខេត្តឧត្តរមានជ័យ។
បើតាមការ រៀបរាប់ឲ្យដឹងពីប្រជាពលរដ្ឋម្នាក់ឈ្មោះងិនចាន់ភេទប្រុសអាយុ៥៤ឆ្នាំរស់នៅ ក្នុងភូមិឆ្អើម សង្កាត់សំរោង ក្រុងសំរោង តំណាងឲ្យអ្នកភូមិជាច្រើនគ្រួសារបានឲ្យដឹងនៅថ្ងៃទី១៥ខែមករាឆ្នាំ២០២៤ថា គាត់ជាប្រជាពលរដ្ឋមករស់នៅក្នុងភូមិឆ្អើបនេះតាំងពីកំឡុងឆ្នាំ ១៩៩៤ ហើយ ក៏ពុំដែលមានផ្លូវដែរខណៈដែលពេលទៅស្រែចំការម្ដងម្ដងជួបការលំបាកដូចនេះក្នុងនាមពួកគាត់ជាប្រជាពលរដ្ឋក៏បានរៃអង្គាសគ្នាបានជាថវិការខ្លះក៏ជួលត្រាក់ទ័រគេមកភ្ជួរនិង កាយដីធ្វើផ្លូវដើម្បី ធ្វើដំណើរបានស្រួលពីព្រោះថាតាំងពីកំឡុងឆ្នាំ១៩៩៤រហូតមកដល់ពេលឆ្នាំ២០២៤ គឺជិតសាមសិបឆ្នាំមកហើយ ផ្លូវចំណុចត្រង់ដែលពួកគាត់ត្រូវទៅប្រកបស្រែចំការ ដាំដំដំណាំផ្សេងៗ ពិបាកអស់ជាច្រើនឆ្នាំមកហើយ ម៉្យាងទៀតជារៀងរាល់ឆ្នាំ កន្លែងមុំនេះពុំមានផ្លូវទេ ដូចអូរចឹង បើខែវស្សាទឹកលិច ចូលខែប្រាំ គ្រឡុកធំៗ ទើបពួកគាត់សម្រេចចិត្តធ្វើផ្លូវនេះឡើងតែម្តងទៅ។
គួររំឭកដែរថាបើតាមការអះអាងនិងលើកឡើងពីបងប្អូនប្រជាពលរដ្ឋរស់នៅក្នុងភូមិឆ្អើបក៏ពួកគាត់ ទទូចស្នើសុំទៅដល់ អាជ្ញាធរគ្រប់លំដាប់ថ្នាក់ក៏ដូចជាសប្បុរសជនបើ សិនមានចិត្តសទ្ធាជ្រះថ្លាអាចចូលរួមជួយ បន្ថែមទៀតបាន ពីព្រោះថាផ្លូវមួយនេះពួកគាត់ ចាប់ផ្តើមធ្វើបានត្រឹមតែ៣គីឡូម៉ែត្រប៉ុណ្ណោះឬក៏ឆ្នាំក្រោយខណៈពេលដែលប្រមូលផល បានទៀតពួកគាត់នឹងធ្វើការរៃអង្គាសគ្នាដាក់លូនិង ចាក់ក្រួសក្រហមបន្ថែមទៀតដើម្បីធ្វើដំណើរឲ្យកាន់តែស្រួល ជារៀងរាល់ឆ្នាំ ជាក់ស្តែងផ្លូវចំណុចនេះគឺមានសារៈសំខាន់សម្រាប់ប្រជាជនក្នុងការប្រកបមុខរបរខាងផ្នែកកសិកម្ម ដាំដំណាំផ្សេងៗផងដែរ។ឈឹម.កុសល។
