(ឧត្តរមានជ័យ) ផ្លូវ ភ្លោះមួយកន្លែងក្នុងទីប្រជុំជនក្រុងសំរោង ខេត្តឧត្តរមានជ័យ ត្រូវបានរងខូចយ៉ាងធ្ងន់ធ្ងរអស់ជាច្រើនកន្លែងដោយសាររថយន្តធុនធំគ្រប់ប្រភេទបើកបរទៅមកឆ្លងកាត់ធ្វើឲ្យ ផ្លូវកៅស៊ូ ទាំងនេះ រងការខូចខាត ស្រុតបាក់ប្រេះស្រាំ ផុសចេញមកសុទ្ធតែដីលែងមានកៅស៊ូតទៅទៀតហើយ ទីតាំងផ្លូវដែលកំពុងតែ ប្រេះស្រុតបាក់ ក្រហីង គ្រហូងនេះផងដែរគឺស្ថិតនៅក្នុងភូមិបុរីរដ្ឋបាល សង្កាត់សំរោង ក្រុងសំរោង ខេត្តឧត្តរមានជ័យ។
ប្រភពពីប្រជាពលរដ្ឋដែលគាត់សុំមិនបញ្ចេញអត្តសញ្ញាណឈ្មោះ បានថ្លែងប្រាប់ឲ្យដឹងនៅថ្ងៃទី០៨ខែមករាឆ្នាំ២០២៤ថា ចំពោះផ្លូវនេះគឺត្រូវបានស្ថាបនា ធ្វើហើយកាលពី អំឡុងពាក់កណ្តាលឆ្នាំ២០២៣ ក្រោយមកទៀតនៅពេលថ្មីៗកន្លងទៅនេះក៏ចាប់ផ្ដើមកាន់តែខូចជាបន្តបន្ទាប់ ដោយថ្ងៃខ្លះគាត់បានឃើញឡាន ធុនធំ ដឹកគ្រឿងចក្រ ដឹកខ្សាច់ ដឹកថ្មបើកឆ្លងកាត់តំបន់ផ្លូវភ្លោះចំណុចនេះ ត្រូវបានធ្វើឲ្យ ខូចខាតយ៉ាងធ្ងន់ធ្ងរបែបនេះ ក្នុងនាមពួកគាត់ជាប្រជាពលរដ្ឋមានតែ សុខទូចស្នើសុំឲ្យមន្ត្រីជំនាញពាក់ព័ន្ធក៏ដូចជាអាជ្ញាធរមូលដ្ឋានគ្រប់ជាន់ថ្នាក់មេត្តាជួយធ្វើការជួសជុលផ្លូវនេះឡើងវិញផង។
បើតាមប្រភពដដែលបានអះអាងបន្តថា រៀងរាល់ថ្ងៃពេលគាត់ធ្វើដំណើរជិះម៉ូតូ ហើយអ្នកផ្សេង ជិះឆ្លងកាត់ក៏មានការត្អូញត្អែរដូចតែគ្នាដែរ ខណ:ពេលទៅដល់ផ្លូវដែលកំពុងខូតនេះជួបការលំបាកខ្លាំង ពីព្រោះថាផ្លូវនេះគឺខូចស្រុតបាក់បែបនោះតាំងពីយូរខែមកហើយដែរតាំងពីកំឡុងខែវស្សារហូតមកដល់ខែប្រាំងនៅតែមិនទាន់មានមន្ត្រីជំនាញណា មកត្រួតពិនិត្យនិងធ្វើការជួសជុលម្ដងណាឡើយ។
គួររំឭកថា ផ្លូវចំណុចនេះដែរគឺមានសារៈសំខាន់ណាស់ពីព្រោះថាប្រជាពលរដ្ឋនៅក្នុងតំបន់នេះចេញចូលច្រើនញឹកញាប់ក្នុង១ថ្ងៃៗហើយផ្លូវនេះគឺជាផ្លូវភ្លោះអមសងខាងដែលសាងសង់ឡើងចំណាយថវិកាជាតិអស់ជាច្រើនសន្ធឹកសន្ធាប់ ហើយមួយទៀតបើពុំមានការត្រួតពិនិត្យនិងការទប់ស្កាត់ហាមប្រាមកុំឡានធុនធំដែលបើកបរនៅលើផ្លូវនេះទេ ចាប់ពីមួយខែទៅមួយខែមួយឆ្នាំកាន់តែខូតរីកធំទៅៗជាពិសេស រដូវប្រាំងបែបនេះ ឃើញជាក់ស្តែងឡានធំបើកកាត់ខូចប៉ុណ្ណឹងហើយ ទម្រាំដល់ខែវស្សាទៀតមិនដឹងជាខូតខ្លាំប៉ុនណានោះទេ។ឈឹម.កុសល។
