ខេត្តព្រះសីហនុ៖ សំណុំរឿងអំពើហិង្សាដោយចេតនា របស់មេប៉ុស្តិ៍ចិត្តហ៊ាន ដៃឆៅ សំបូររឿងអាស្រូវ រាស្ត្រមិនចូលចិត្ត ត្រូវបានតុលាការ ប្រកាសសាលក្រម សម្រេចផ្តន្ទាទោសហើយកាលពីថ្ងៃទី២៩ ឈ្មោះ អុ៑ក ផាន់ណារ៉េត មានតួនាទីជានាយប៉ុស្តិ៍ នគរបាលរដ្ឋបាលសង្កាត់៣ ក្រុងព្រះសីហនុ ដាក់ឲ្យជាប់ពន្ធនាគារ២ឆ្នាំ តែព្យួរ (មិនជាប់គុក) និង សងសំណងរដ្ឋប្បវេណីទៅជនរងគ្រោះ៤០លានរៀល កាលពីរសៀលថ្ងៃទិ២៩ ខែមេសា ឆ្នាំ២០២៥ កន្លងទៅ។

គួររំលឹកថាការប្រកាសសាលក្រមនោះ បានធ្វើបន្ទាប់ពីបើកសាវនាការជំនុំជម្រះ កាលពីថ្ងៃទី១ ខែមេសាឆ្នាំ២០២៥ ក្នុងសំណុំរឿងព្រហ្មទណ្ឌលេខ ៩២៥ ចុះថ្ងៃទី១៨ ខែកក្កដា ឆ្នាំ២០២៤-  ជនជាប់ចោទឈ្មោះ អ៊ុក ផាន់ណារ៉េត ភេទប្រុស អាយុ៤១ឆ្នាំ ជនជាតិខ្មែរ ជាប់ចោទពីបទ៖ហិង្សាដោយចេតនាមានស្ថានទម្ងន់ទោស ប្រព្រឹត្តនៅភូមិ២ សង្កាត់៣ ក្រុងព្រះសីហនុ ខេត្តព្រះសីហនុ កាលពីថ្ងៃទី៦ ខែកក្កដា ឆ្នាំ២០២៤បទល្មើសដែលមានចែងឲ្យផ្តន្ទាទោសតាមបញ្ញាតិមាត្រា ២១៨ ចំណុចទី២ នៃក្រមព្រហ្មទណ្ឌ។
សមាសភាពជំនុំជម្រះមានលោកសុង ប៊ុណ្ណារិទ្ធិចៅក្រមជំនុំជម្រះ ឯកឧត្តម សៀង សុខ តំណាងអយ្យការ .លោកឈិន ធារិទ្ធិក្រឡាបញ្ជីសវនាការ។

គួរបញ្ជាក់ផងដែរថា! កាលពីថ្ងៃបើកសាវនាការ ជនជាប់ចោទ ឈ្មោះ អ៊ុក ផាន់ណារ៉េត ភេទប្រុស អាយុ៤១ឆ្នាំ ជនជាតិខ្មែរ ជាប់ចោទពីបទហិង្សាដោយចេតនាមានស្ថានទម្ងន់ទោស តាមមាត្រា២១៨ មិនបានបង្ហាញក្នុងអង្គសាវកាទេ ។

ចំពោះដំណើរការ សំណុំរឿងខាងលើនេះ ជនរងគ្រោះ រ័ត្ន គន្ធី និងសាច់ញាតិថា ការផ្តន្ទាទោស និងសំណង ហាក់មិនទាន់សមនិងសាច់រឿងទេ វ៉ៃមនុស្សស្ទើរស្លាប់ដេកពេទ្យជិត១០ថ្ងៃ រហូតដល់ពេលនេះ នៅឈឺម្តងៗនៅឡើយ ខ្លួនគាត់ជាមន្ត្រីនគរបាលយុត្តិធម៌ ជាអ្នកកាន់ច្បាប់តែរំលោកច្បាប់វ៉ៃពលរដ្ឋញឹកញាប់ ពេលគេរកប្តឹងអាងបង់លុយសុំបញ្ចប់រឿង ព្រោះគាត់អាងមានលុយនិងមានខ្សែរធំ ឲ្យតែយ៉ាងៗនេះតើឲ្យប្រជាពលរដ្ឋសង្ឃឹងអ្នកណា?។

ទាក់ទងនឹងរឿងខាងលើ VD7 news ក៏បានសួរទៅលោក ដារ៉ា អ្នកនាំពាក្យសាលាដំបូងខេត្តព្រះសីហនុផងដែរ កាលពីវេលាម៉ោង១១កន្លះថ្ងៃត្រង់ទី១ ឧសភានេះ តែលោកថាឲ្យចាំបន្តិច គាត់ពិនិត្យនិងស្រាវជ្រាវឆ្លើយមកវិញ។

ចំណែកអាជ្ញាធរមូលដ្ឋាន និង ពលរដ្ឋខ្លះបានលើកឡើងថា ខ្វះមនុស្សធ្វើការឬ ទើបរក្សាជនជាប់ចោទ ដោយអំពើហិង្សាឲ្យនៅធ្វើការងារជានាយប៉ុស្តិ៍ នគរបាលដដែល។

VD7newsទទួលផ្សព្វផ្សាយការទិញ/លក់ អចលន:ទ្រព្យ និងដំណឹងផ្សេងៗ 🔊 ផ្តល់ប្រឹក្សា 🤝 រត់ការឯកសារ(ដីធ្លី) ☎️01669 7766 / ហើយក៏មានរៀបចំគេហទំព័រ ⚙️🛠️(website) www.📡 .khផងដែរ៕

👉សូមចុចលីងខាងក្រោម ដើម្បីមើលព័ត៌មានថ្មីៗព្រឹត្តិការណ៍សង្គម សេដ្ឋកិច្ច វប្បធម៌ ប្រពៃណី ៕
👉www.vd7news.com👇
https://www.youtube.com/@vd7newstv540
https://t.me/+TK3S5nRknpivCMTW
https://t.me/vd7newsdaily
https://www.instagram.com/vd7.news?igsh=YzljYTk1ODg3Zg==
www.tiktok.com/@vd7news
https://x.com/vd7newsdaily? .