ខេត្តរតនគិរី៖ ព្រែកជីកហ្វូណនតេជោ ជាគម្រោងដ៏ធំមហិមា ហើយជាសមទ្ធិផលថ្មីដ៏អស្ចា មិនត្រឹមតែប៉ុណ្ណោះជាគម្រោងប្រវត្តសាស្ត្ររបស់ជាជនកម្ពុជា ព្រែកជីកហ្វូណនតេជោ ជាសម្បត្តិរបស់ប្រជាជនកម្ពុជា ទាំងអស់គ្នាតទៅអនាគត់គ្រប់ជំនាន់។

ថ្ងៃទី០៥ ខែសីហា ឆ្នាំ២០២៤ ជាថ្ងៃដើមកំណើតនៃព្រែកជីកហ្វូណនតេជោ ហើយក៏ជាថ្ងៃដែលប្រជាពលរដ្ឋខ្មែរទូទាំងប្រទេស មានចិត្តរំភើប សប្បាយរីករាយអបអរសាទរផងដែរ។

ក្នុងឱកាសថ្ងៃទី០៥ ខែសីហា ឆ្នាំ២០២៤ ជាថ្ងៃបើកការរដ្ឋានសាងសង់ព្រែកជីកហ្វូណនតេជោ ហើយក៏ជាថ្ងៃប្រវត្តិសាស្ត្រ ដែលប្រជាជាតិខ្មែរទទួលបានមរតកដ៏មហាសាលនេះ។ ចំណែករដ្ឋបាលខេត្តរតនគិរី មន្ទីរជុំវិញខេត្ត កងកម្លាំងប្រដាប់អាវុធទាំងអស់ ព្រមទាំងប្រជាពលរដ្ឋទូទាំងខេត្តរតនគិរី ក៏បានត្រៀមចិត្តដ៏រំភើបចូលរួមអបអរសាទរថ្ងៃប្រវត្តិសាស្ត្រនេះផងដែរ។

ឯកឧត្ដម ញ៉ែម សំអៀន អភិបាលខេត្ត តំណាងអោយប្រជាពលរដ្ឋក្នុងខេត្តរតនគិរី ក៏បានមានប្រសាសថា គម្រោងព្រែកជីកហ្វូណនតេជោ ជាគម្រោងផ្ដួចផ្ដើមឡើងដោយសម្ដេចតេជោ ហុន សែន ប្រធានព្រឹទ្ធសភា និងជា ប្រធានឧត្ដមប្រឹក្សាផ្ទាល់ព្រះមហាក្សត្យនៃព្រះរាជាណាចក្រកម្ពុជា ហើយការអនុវត្តគម្រោងនេះ ដោយបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ការផ្ដួចផ្ដើមគម្រោងនេះ គឺជាគុណបំណាច់ខ្ពស់ណាស់ ក្នុងវិស័យសេដ្ឋកិច្ចរបស់កម្ពុជា យើងឯករាជក្នុងការដឹកជញ្ជូនផ្លូវទឹក ជារាសាស្ត្រ វិស័យកសិកម្ម វិស័យទេសចរណ៍ និងផលប្រយោជន៍ជាច្រើនទៀតរបស់ប្រជាជនកម្ពុជា ហើយគម្រោងនេះជាប្រវត្តសាស្ត្ររបស់ទេសកម្ពុជា យើងជាកូនខ្មែរមានមោតនភាពមែនទែន នាសម័យតេជោសន្តិភាព ដែលលោកបានគិតគូដល់ប្រទេសជាតិ។ ឯកឧត្ដមអភិបាលខេត្ត ព្រមទាំងប្រជាពលរដ្ឋទូទាំងប្រទេស សង្ឃឹមជឿជាក់ថា ក្រោយពេលសាងសង់ព្រែករួចរាល់ សេដ្ឋកិច្ចប្រទេសយើងនឹងមានការរីកចំរើន។ ឯកឧត្ដមបានបញ្ជាក់ថា ថ្ងៃទី០៥ ខែសីហា ឆ្នាំ២០២៤ វេលាម៉ោង ៩,៩នាទីជាថ្ងៃប្រវត្តិសាស្ត្រ នៃគម្រោងព្រែកជីកហ្វូណនតេជោ ឯកឧត្ដមក៏បានត្រៀមលក្ខណៈទូទាំងខេត្តរតនគិរី ក៏ដូចប្រជាជនទូទាំងប្រទេសកម្ពុជាផងដែរ ក្នុងការអបអរសាទរយ៉ាងអធឹកអធមនូវថ្ងៃប្រវត្តិនេះ។

គួរបញ្ជាក់ថា គម្រោងព្រែកជីកហ្វូណនតេជោ ជាគម្រោងរបស់ខ្មែរទាំងអស់គ្នា ដើម្បីខ្មែរគ្រប់រូប ហើយគម្រោងនេះ ឆ្លុះបញ្ចាំងពីព្រឹត្តិការណ៍ប្រវត្តិសាស្ត្រ និងជាមរតសម្រាប់ប្រជាជនកម្ពុជាគ្រប់ជំនាន់ត្រូវចងចាំ ពីគុណតម្លៃ និងអត្ថប្រយោជន៍ ដ៏មហាសាលចំពោះសង្គម សេដ្ឋកិច្ច បរិស្ថាន និងនយោបាយផ្លូវទឹករបស់កម្ពុជា។ គម្រោងព្រែកជីកហ្វូណនតេជោមានប្រវែង ១៨០គីឡូម៉ែត្រ ឆ្លងកាត់ខេត្តចំនួន៤ គឺខេត្តកណ្ដាល ខេត្តតាកែវ ខេត្តកំពត និងខេត្តកែប ដោយចាប់ពីព្រែកតាកែវ នៃទន្លេមេគង្គ ឆ្លងកាត់ព្រែកតាឯកនៃទន្លេបាសាក់ ចូលតាមព្រែកតាហ៊ីងស្រុកកោះធំ និងបន្តរហូតដល់សមុទ្រខេត្តកែប។ គម្រោងហ្វូនតេជោនេះ នឹងយកខេត្តកែប ជាច្រកសម្រាប់តភ្ជាប់ទៅកាន់ទន្លេ ហើយតាមគម្រោងនេះ ខេត្តកែបនឹងក្លាយទៅជាមជ្ឈមណ្ឌលពាណិជ្ជកម្មថ្មីមួយទៀត។ លើសពីនេះទៅទៀត នៅពេលដែលសម្រេចគម្រោងនេះ នោះកម្ពុជានឹងទទួលបានអត្ថប្រយោជន៍ដ៏មហាសាល ដែលប្រជាជនកម្ពុជាមិននឹកស្មានដល់៕ ដោយ ភួង ផុន