Home ព័ត៌មានជាតិ ថ្នាក់ដឹកនាំ មន្ត្រីរាជការចំនួន១៧រូបត្រូវបានប្រកាសចូលកាន់មុខតំណែងថ្មីនៃរដ្ឋបាលសាលាខេត្តរតនគិរី

ថ្នាក់ដឹកនាំ មន្ត្រីរាជការចំនួន១៧រូបត្រូវបានប្រកាសចូលកាន់មុខតំណែងថ្មីនៃរដ្ឋបាលសាលាខេត្តរតនគិរី

ខេត្តរតនគិរី៖ ពិធីប្រកាសចូលកាន់មុខតំណែងមន្ត្រីរាជការសាលាខេត្តរតនីគិរីខាងលើត្រូវបានប្រារព្ធធ្វើឡើងសាលប្រជុំអគារDរសៀលថ្ងៃទី៥ ខែកក្កដា ឆ្នាំ២០២៤ ក្រោមអធិបតីភាព ឯកឧត្តម ណាប់ ប៊ុនហេង ប្រធានក្រុមប្រឹក្សាខេត្ត និងឯកឧត្តម ញ៉ែម សំអឿន អភិបាលខេត្តរតនគិរី។

បន្ទាប់ពីឯកឧត្តម ប្រធានក្រុមប្រឹក្សាខេត្ត សម្តែងនូវការចូលរួមអបអរសាទរចំពោះថ្នាក់ដឹកនាំ មន្ត្រីរាជការទាំង១៧រូបដែលត្រូវបានប្រកាសចូលកាន់មុខតំណែងថ្មីរួច
មក ឯកឧត្តម អភិបាលខេត្តបានលើកឡើងថា រាជរដ្ឋាភិបាលនីតិកាលទី៧ នៃរដ្ឋសភា ជារាជរដ្ឋាភិបាលបន្តវេន ក្រោមការដឹកនាំដ៏ប៉ិនប្រសព្វ វាងវៃទន់ភ្លន់ តែម៉ឺងម៉ាត់របស់ សម្តេចមហាបវរធិបតី ហ៊ុន ម៉ាណែត ជានាយករដ្ឋមន្ត្រី នៃព្រះរាជាណាចក្រកម្ពុជា បានដាក់ចេញនូវយុទ្ធសាស្ត្របញ្ចកោណ ជារបៀបវារៈនៃការអភិវឌ្ឍសង្គមសេដ្ឋកិច្ច របស់កម្ពុជាក្នុងរយៈពេល ២៥ឆ្នាំខាងមុខ។ហើយយុទ្ធសាស្ត្របញ្ចកោណដំណាក់កាលទី១ មាន បាវចនា ៥ គឺ កំណើន ការងារ សមធម៌ ប្រសិទ្ធភាព និងចីរភាព កំណត់យកអាទិភាពគន្លឹះ ៥ គឺ មនុស្ស ទឹក ភ្លើង ផ្លូវ និងបច្ចេកវិទ្យា ជាពិសេសគឺ បចេកវិទ្យាឌីជីថល។

ឯកឧត្តម ញ៉ែម សំអឿន បានផ្តាំផ្ញើ ដល់អស់លោក លោកស្រីទាំង១៧រូប ដែលបានប្រកាសចូលកាន់មុខ
តំណែងថ្មី ត្រូវចូលរួមសហការពង្រឹងការសាមគ្គីភាព ឯកភាពផ្ទៃក្នុង និងពង្រឹងរបៀបរបបធ្វើការងារ ទំនាក់ទំនងការងារ ឲ្យបានល្អនៅក្នុងអង្គភាពរបស់ខ្លួន ដោយឈរ
លើមូលដ្ឋាននៃការលើកកម្ពស់ប្រសិទ្ធ ភាពការងារ និងធានានិរន្តភាពការងាររបស់ខ្លួន ឲ្យកាន់តែមានភាពល្អប្រសើរក្នុងការជួយក្រុមប្រឹក្សា និងគណៈអភិបាលខេត្ត ។ ត្រូវចូលរួមលើកកម្ពស់ការផ្តល់សេវាសាធារណៈទាំងសេវាតម្រូវការ និងសេវាសំណូមពរ ជូនប្រជាពលរដ្ឋឲ្យបានល្អប្រសើរ និងមានប្រសិទ្ធភាព ។ ត្រូវយកចិត្តទុកដាក់ពង្រឹងសមត្ថភាព និងសីលធម៌វិជ្ជាជីវៈក្នុងការបំពេញការងាររបស់មន្ត្រីក្នុងការបំពេញការងារដើម្បីឱ្យប្រជាពលរដ្ឋទទួលបានសេវារដ្ឋបាលនានា កាន់តែងាយស្រួលឆាប់រហ័ស មានតម្លាភាព និងគណនេយ្យភាព។

សូមបញ្ជាក់ផងដែរថា ថ្នាក់ដឹកនាំ មន្ត្រីរាជការចំនួន១៧រូបដែលប្រកាសចូលកាន់មុខតំណែងថ្មីនៃរដ្ឋបាលសាលា
ខេត្តរតនគិរីរួមមាន៖ ប្រធានការិយាល័យប្រជាពលរដ្ឋ១រូប. អនុប្រធានការិយាល័យប្រជាពលរដ្ឋ១រូប. នាយករងរដ្ឋបាលសាលាខេត្ត២រូប. ប្រធានផ្នែក២រូប. នាយករងទីចាត់ការ២រូប. អនុប្រធានផ្នែក៣រូប. អនុប្រធានអង្គភាព១
រូប. ប្រធានការិយាល័យ២រូប និងអនុប្រធានការិយាល័យ៣រូប៕ (ប្រភពមន្ទីរព័ត៌មានខេត្តរតនគិរី)

LEAVE A REPLY

Please enter your comment!
Please enter your name here

- Advertisment -

Must Read

ពិធីបើកវគ្គបំប៉នការងារដឹកនាំដល់ស្នងការរង នៃស្នងការរដ្ឋាននគរបាលរាជធានី-ខេត្ត

ខេត្តរតនគិរី ៖ ស្នងការរង នៃស្នងការរដ្ឋាននគរបាលចំនួនបួនខេត្ត ត្រូវបានបើកវគ្គបំប៉នជំនាញការងារដឹកនាំ ដើម្បីបង្កើនចំណេះដឹង លើកកម្ពស់ប្រសិទ្ធភាពដឹកនាំ កងកម្លាំងមន្ត្រីយុត្តិធម៌។ ការរៀបចវគ្គបំប៉ននេះ ស្របតាមផែនការ របស់អគ្គស្នងការរដ្ឋាននគរបាលជាតិ ជូនដល់ស្នងការរងតាមបណ្ដារាជធានី ខេត្ត ។ ទើបថ្ងៃនេះស្នងការរដ្ឋាននគរបាលខេត្តរតនគិរី បានរៀបចំបើកវគ្គនេះឡើង។ ពិធីបើកវគ្គនេះ បានរៀបចំឡើងនាព្រឹកថ្ងៃទី៦ ខែកក្កដា ឆ្នាំ២០២៤ នៅស្នងរដ្ឋាននគរបាលខេត្តរតនគិរី ក្រោមអតីភាព ឯកឧត្ដម ឧត្ដមសេនីយ៍ឯក តាន់...