(ឧត្តរមានជ័យ)ជនសង្ស័យរួមជាមួយនឹងបក្សពួក០៣នាក់ត្រូវបានកម្លាំងអាវុធហត្ថឃាត់ខ្លួនដោយជាប់ពាក់ព័ន្ធករណីចំនួន២ផ្សេងគ្នាទី១ប្រើប្រាស់នូវសារធាតុញៀនខុសច្បាប់ នឹងទី២កាន់កាប់អាវុធដោយគ្មានលិខិតអនុញ្ញាតិ ដែលការឃាត់ខ្លួននេះធ្វើឡើងដោយទទួលបានបទបញ្ជាជាប្រចាំថ្ងៃនឹងការចង្អុលបង្ហាញពីលោក ឧត្តមសេនីយ៍ត្រី លី ដារិទ្ធ មេបញ្ជាការ កងរាជអាវុធហត្ថខេត្តឧត្តរមានជ័យបានចាត់បញ្ជាឲ្យកម្លាំងមូលដ្ឋានស្រុកបន្ទាយអំពិល ដឹកនាំដោយលោក អនុសេនីយ៍ទោ ប៉ុន ប៉ុល មេបញ្ជាការរងស្រុក ចុះស្រាវជ្រាវសុើបអង្កេតរហូតឈានដល់ការបង្ក្រាបករណីប្រើប្រាស់នូវសារធាតុញៀនដោយខុសច្បាប់មួយកន្លែងដែលកំពុងប្រព្រឹត្តជាក់ស្តែងស្ថិតនៅក្នុងភូមិរនាមធំ ឃុំគោកមន ស្រុកបន្ទាយអំពិល ខេត្តឧត្តរមានជ័យ និងឃាត់ខ្លួនជនសង្ស័យ ចំនួន៣នាក់រួមមាន។

១/ឈ្មោះ សាវឿន យឿត ភេទប្រុស អាយុ ៤៨ឆ្នាំ មុខរបកសិករ រស់នៅភូមិថ្នល់ដាច់ ឃុំគោកមន ស្រុកបន្ទាយអំពិល ខេត្តឧត្តរមានជ័យ។
២/ឈ្មោះ វិ សាមន ភេទប្រុស អាយុ ២៤ឆ្នាំ មុខរបកសិករ រស់នៅភូមិគោកសង្កើច ឃុំគោកមន ស្រុកបន្ទាយអំពិល ខេត្តឧត្តរមានជ័យ។
៣/ឈ្មោះ ទៀន ធីប ភេទប្រុស អាយុ ២១ឆ្នាំ មុខរបកសិករ រស់នៅភូមិគោកសង្កើច ឃុំគោកមន ស្រុកបន្ទាយអំពិល ខេត្តឧត្តរមានជ័យ។

គួររំលឹកថា បើតាមការឲ្យដឹងពីលោកវរសេនីយ៏ត្រី គង់សំណាង មេបញ្ជាការកងរាជអាវុធហត្ថស្រុកបន្ទាយអំពិលបានបញ្ជាក់ប្រាប់ឲ្យដឹងនៅថ្ងៃទី០៦ខែកុម្ភ:ឆ្នាំ២០២៤ថា កិច្ចប្រតិបត្តិការណ៏ឃាត់ខ្លួនជនសង្ស័យ០៣នាក់ខាងលើធ្វើឡើងនៅវេលាម៉ោង១០នឹង០០នាទីយប់កាលពីអំឡុងថ្ងៃទី០៣ខែកុម្ភ:ឆ្នាំ២០២៤កន្លងទៅលុះព្រឹកស្អែកឡើងថ្ងៃទី០៤ខែកុម្ភ:ឆ្នាំ២០២៤កម្លាំងជំនាញអាវុធហត្ថស្រុកបន្ទាយអំពិលបានបញ្ជូនបន្តទៅកម្លាំងជំនាញអាវុធហត្ថខេត្តចាត់ការបន្តតាមនីតិវិធីតែម្តង។

នៅចំពោះមុខវត្ថុតាងដកហូតរួមមាន ម្សៅក្រាមពណ៌ ស ថ្លា (ម៉ាទឹកកក) ១កញ្ចប់តូច ទូរស័ព្ទដៃ ៣គ្រឿង ម៉ូតូ ២គ្រឿង គោយន្ដ ១គ្រឿង កំភ្លើងខ្យល់ ១ដើម ប្រាក់ខ្មែរមួយចំនួន និងសម្ភារៈសម្រាប់ប្រើប្រាស់នូវសារធាតុញៀន។

បច្ចុប្បន្ន ជនសង្ស័យទាំង៣នាក់ខាងលើរួមនិងវត្ថុតាង ដែលដកហូតត្រូវបានកម្លាំងជំនាញអាវុធហត្ថខេត្តកំពុងធ្វើកំណត់ហេតុកសាងសំណុំរឿងបញ្ជូនបន្តទៅកាន់សាលាដំបូងខេត្តចាត់ការតាមនីតិវិធីច្បាប់៕ឈឹម.កុសល។