(ឧត្តរមានជ័យ(ការកាត់បន្ថយការប្រើ ប្លាស់ស្ទីក ជាសក្ខីភាពបញ្ជាក់ថាយើងទាំងអស់គ្នាបានចូលរួមចំណែកក្នុងការអនុវត្តគោលនយោបាយបញ្ចកោណដំណាក់កាលទីមួយរបស់រាជរដ្ឋាភិបាលអាណត្តិទីប្រាំពីរក៏ដូចជាចូលរួមគាំទ្រនៅ ការអនុវត្តតាមប្រសាសន៍ ចក្រាក្នុងវិស័យបរិស្ថានភាពស្អាតភាពបៃតងនិងចិរភាព ក្នុង យុទ្ធនាការផ្សព្វផ្សាយការកាត់បន្ថយការមិនប្រើ ប្លាស់ស្ទិក ក្រោមប្រធានបទថ្ងៃនេះខ្ញុំមិនប្រើ ប្លាស់ស្ទីកទេ។

យុទ្ធនាការផ្សព្វផ្សាយ ការកាត់បន្ថយការប្រើប្លាស់ស្ទីកនេះដែរប្រព្តឹត្តធ្វើឡើងនៅក្នុងបរិវេណវិទ្យាល័យតេជោសែនសំរោងនាថ្ងៃទី០២ខែកុម្ភៈឆ្នាំ២០២៤ ក្នុងនោះក៏មានការអញ្ជើញចូលរួមពីលោក លោកស្រីប្រធានមន្ទីរមកពីតាមបណ្តាលអង្គភាពជុំវិញខេត្ត សិស្សានុសិស្សជាច្រើននាក់ផងដែរ។

លោកភួងលីណាប្រធានមន្ទីរបរិស្ថានខេត្តបានលើកឡើងថា យុទ្ធនាការផ្សព្វផ្សាយការកាត់បន្ថយការប្រើប្រាស់ ប្លាស់ស្ទីកនាពេលនេះគឺជាផ្នែកមួយនៃការគ្រប់គ្រងការទុកដាក់សំរាមសំណល់រឹងការកាត់បន្ថយការបំពុលបរិស្ថានកន្លងមក រដ្ឋបាលខេត្តគាំទ្រនិងជំរុញការអនុវត្តជាច្រើនលើកមកហើយពាក់ព័ន្ធទៅនឹងការប្រឡងប្រណាំងទីក្រុងស្អាតដែលខេត្តឧត្តរមានជ័យយើងទទួលបានជយលាភីផ្ការំដួលពីរទង ដែលក្នុងនោះមានភ្ជាប់អំពីផលប៉ះពាល់ដោយការប្រើប្លាស់ស្ទីកនិងវិធានការ សុទ្ធតែបានអប់រំស្តីការទុកដាក់សំរាម ហើយគ្រប់សាលារៀនទាំងអស់។

លោកប្រធានមន្ទីរបរុស្ថានបានគូសបញ្ជាក់បន្ថែមថា ក្នុងកម្មវិធីយុទ្ធនាការផ្សព្វផ្សាយការកាត់បន្ថយការប្រើប្លាស់ស្ទីកនេះដែរគឺធ្វើឡើង នៅក្រុងទូទាំងសាលាក្នុងភូមិសាស្ត្រខេត្តឧត្តរមានជ័យដែលមានសាលាជាងបីរយសាលាដើម្បីឲ្យ សិស្សានុសិស្ស ដែលកំពុងសិក្សារៀន ឲ្យទទួលការណែនាំអំពីការទុកដាក់សំរាមសំណល់ពីនាយកសាលាលោកគ្រូអ្នកគ្រូនិងបានចូលរួមអនុវត្តការកាត់បន្ថយសំរាមសំណល់និងការកាត់បន្ថយការប្រើប្លាស់ស្ទីកជាការចាំបាច់បំផុត។

ថ្លែងនៅពិធីនោះដែរឯកឧត្ដមឌីរ៉ាដូអភិបាលរងខេត្តបានគូសបញ្ជាក់ថា ការចូលរួមយុទ្ធនាការផ្សព្វផ្សាយការមិនប្រើប្លាស់ស្ទីកស្ថិតក្នុងថ្ងៃនេះគឺដើម្បីបង្កើនការយល់បន្ថែមទៀតអំពីផលប៉ះពាល់ដោយសារការប្រើប្លាស្ទិកនិងវិធានការកាត់បន្ថយ ហើយត្រូវនិយាយទាំងអស់គ្នាថា(ថ្ងៃនេះខ្ញុំមិនប្រើប្លាស្ទីកទេ)ដោយឡែកការធ្វើយុទ្ធនាការនេះមិនមែនបញ្ចប់ត្រឹមថ្ងៃនេះទេ ពីព្រោះថានេះជាការបើកយុទ្ធនាការការកាត់បន្ថយរួមគ្នាទូទាំងខេត្តឧត្តរមានជ័យដើម្បីយើង រួមគ្នាអនុវត្តផ្សព្វផ្សាយនិងធ្វើយុទ្ធនាការបន្តរហូតដោយផ្តើមចេញពីសាលារៀននិង គ្រប់មន្ទីរអង្គភាពពាក់ព័ន្ធទាំងគ្រឹស្ថានរដ្ធ នឹងគ្រឹះស្ថានឯកជនរហូតទៅដល់គ្រប់សហគមន៍គ្រប់សាធារណជនទូទៅចូលរួមកាត់បន្ថយទាំងអស់គ្នា ឲ្យនៅកម្រិតតិចបំផុត ដើម្បីឲ្យឆ្លើយថា បេះដូងស្អាត ហើយស្អាតទាំងភូមិឋាន ស្អាតទាំងខ្លួនយើង គ្រប់ទីកន្លែងក្នុងខេត្តគ្មានប្លាស់ស្ទីកយើងរួមគ្នាការពារបរិស្ថាន ទាំងអស់គ្នាចាប់ពីថ្ងៃនេះតទៅរហូតដល់ថ្ងៃអនាគតផងដែរ។ឈឹម.កុសល។