(ឧត្តរមានជ័យ)មានហេតុការណ៏ដ៏គួរឲ្យភ្នាក់ផ្អើលដល់អ្នកភូមិទាំងកណ្តាលថ្ងៃត្រង់ ដោយបុរសម្នាក់មានវ័យម្ភៃឆ្នាំជាងបានចងកសម្លាប់ខ្លួននៅលើដើមឈើត្រង់ចំណុចដីចំការដំឡូងមីមួយកន្លែងដោយបន្សល់ទុកនូវម៉ូតូវ៉េវពណ៌ក្រហម១គ្រឿងពាក់ស្លាកលេខ1X.9348 ស្ថិតនៅក្នុងភូមិកំណប់ សង្កាត់បន្សាយរាក់ ក្រុងសំរោង ខេត្តឧត្តរមានជ័យ ដែលករណីនេះបានកើតឡើងនារសៀលថ្ងៃទី០១ខែកុម្ភ:ឆ្នាំ២០២៤។
ប្រភពចេញពីកន្លែងកើតហេតុបានឲ្យដឹងថា មុនដំបូងឡើយ នៅវេលាម៉ោងចន្លោះ១១ជាងគាត់មានគ្នា២នាក់កំពុងដើររកអន្ទង់លុះដល់ចំណុចខាងលើក៏បានឃើញម៉ូតូ១គ្រឿងនៅលើផ្លូវលំ ហើយខណ:នោះពួកគាត់ក៏បានមើលទៅលើដើមឈើក៏បានឃើញបុរសម្នាក់ចងកនៅលើដើមឈើកម្ពស់ប្រហែលជិត៥ម៉ែត្រ បន្ទាប់មកគាត់ក៏ប្រញាប់ប្រញាល់រត់ទៅរាយការណ៏ប្រាប់លោកមេភូមិតែម្តង។
ក្រោយកើតហេតុក៏ឃើញមានសមត្ថកិច្ចមូលដ្ធានអាជ្ញាធរភូមិសង្កាត់ជាច្រើនចុះមកដល់ទីតាំងកើតហេតុ ហើយធ្វើការត្រួតពិនិត្យនឹងបានយករណាយន្តមកអារដើមឈើដើម្បីធ្វើកោសល្យពិច្ច័យលើសាកសពនៅត្រង់ចំណុចខាងលើភ្លាមៗផងដែរ។
បើយោងតាមប្រភពពីប្រជាពលរដ្ធរស់នៅក្នុងភូមិកំណប់បានលើកឡើង នឹងអះអាងសន្និដ្ធានថាបុរសដែលជាជនរងគ្រោះដែលគេស្គាល់ថា ឈ្មោះម៉េងទិត្យជាអ្នកដើរបញ្ចូលហ្គាសនៅតាមភូមិខាងលើបើការសង្ស័យរបស់ពួកគាត់ផ្ទាល់អាចមានបញ្ហា ផ្លូវចិត្តរឿងគូស្នេហាសង្សារសុំបែកផ្លូវទើបបានជាគិតខ្លីបែបនេះ។
គួររំលឹកថា បន្ទាប់ពីមានការផ្តល់ពត៌មានពីលោកមេភូមិកំណត់រួចមកថា មានកើតករណីចងកសម្លាប់ខ្លួននៅវេលាម៉ោងប្រមាណជា១២ជាងថ្ងៃទី០១ខែកុម្ភ:ឆ្នាំ២០២៤រសៀលនេះសមត្ថកិច្ចមូលដ្ធានចុះទៅដល់ទីតាំងកើតហេតុដោយទទួលពត៌មានជាបឋមថា ជនរងគ្រោះដែលបានចងកបញ្ចប់ជីវិតនៅលើដើមឈើត្រង់ចំណុចខាងលើមានឈ្មោះម៉េងទិត្យមានវ័យប្រហែលម្ភៃឆ្នាំជាង ហើយស្រុកកំណើតនៅស្រុកស្វាយចេកខេត្តបន្ទាយមានជ័យមុខរបរដើរបញ្ចូលហ្គាស ជួលផ្ទះគេនៅភូមិឃុំកើតហេតុខាងលើ។
បច្ចុប្បន្ន សមត្ថកិច្ចជំនាញក្រុងសំរោងសហការជាមួយអាជ្ញាធរមូលដ្ធានកំពុងស្រាវជ្រាវជុំវិញទាំងកន្លែងកើតហេតុ ដើម្បីសុើបអង្កេតយ៉ាងយកចិត្តទុកដាក់សម្រាប់ធ្វើកោសល្យពិច្ច័យឲ្យច្បាស់ពិតប្រាកដថាជនរងគ្រោះស្លាប់ដោយសារអ្វីនោះ ហើយនឹងរងចាំគ្រួសារសាច់ញាតិដើម្បីធ្វើកណត់ហេតុប្រគល់សពឲ្យទៅក្រុមគ្រួសារយកទៅធ្វើបុណ្យតាមប្រពៃណី។ឈឹម.កុសល។
