(ព្រះសីហនុ)៖ អគារជាបន្ទប់ស្នាក់នៅរបស់បុគ្គលិកជាន់ទី៣ កាស៊ីណូ ហ្គោបូអ៉ីស្ត ត្រូវបានអគ្គិភ័យឆាបឆេះ បង្កការភ្ញាក់ផ្អើល កាលពីវេលាម៉ោង១:២០នាទីរសៀល ថ្ងៃទី១៣ ខែមករា ឆ្នាំ២០២៤នេះដែលមានទីតាំងស្ថិតនៅក្នុងក្រុមទី១៥ ភូមិ៣ សង្កាត់លេខ៤ ក្រុង/ខេត្តព្រះសីហនុ ។
បើយោងទៅតាមការបញ្ជាក់ពីសមត្ថកិច្ចបានឲ្យFKnewsដឹងនំមួយនេះបន្តិចថា ក្រោយទទួលបានព័ត៌មានថា មានករណីអគ្គិភ័យនេះ លោកឧតម្តសេនីយ៍ឯក ស រដ្ឋា អគស្នងការរងនគរបាលជាតិ និងជាស្នងការនគរបាលខេត្តព្រះសីហនុ បានចាត់ឱ្យកម្លាំងសមត្ថកិច្ចជំនាញ សហការជាមួយកម្លាំងកងរាជរដ្ឋានក្រុង ខេត្ត កម្លាំងសមត្ថកិច្ចមូលដ្ឋានចម្រុះ ចេញអន្ដរាគមន៍ភ្លាមៗ ដើម្បីធ្វើការបាញ់ពន្លត់យ៉ាងយកចិត្តទុកដាក់បំផុត នៅក្នុងនេះហេតុការណ៍គ្រោះអគ្គិភ័យខាងលើ
បណ្តាលឱ្យឆេះខូចខាត សម្ភារៈក្នុងបន្ទប់ទាំងស្រុង តែមិនបង្កអោយមនុស្សរងរបួស ឬគ្រោះថ្នាក់ដល់អាយុជីវិតមនុស្សនោះទេ
តាមការបញ្ជាក់ពីសមត្ថកិច្ចបានឱ្យដឹងបន្ថែមទៀតថា មូលហេតុក្នុងការឆាបឆេះខាងលើផ្ដើមចេញអំពីបណ្តាលមកពីឆ្លងចរន្តអគ្គីសនី ហើយប្រតិបត្តិការសង្រ្គោះនេះកម្លាំងជំនាញ បានសហការរួមគ្នា ចំពោះមុខអគ្គិភ័យខាងលើត្រូវបានគ្រប់គ្រង់បានទាំងស្រុង នៅវេលាម៉ោង១:៤០នាទីរសៀល ថ្ងៃខែឆ្នាំដដែល ជាមួយគ្នានោះលោកក៏បានសំណូមពរដល់បងប្អូនប្រជាពលរដ្ឋទាំងអស់សូមឲ្យចូលរួមប្រុងប្រយ័ត្នឱ្យបានគ្រប់ៗគ្នា៕ដោយ៖វ៉ាន់នី
