ប្រគល់ទឹកជូន បញ្ជាការដ្ឋានការពារអាកាសកងទ័ពជើងគោក ចំនួន៩៩កែស ដើម្បីចាត់ចែងតាមតម្រូវការក្នុងអង្គភាព

ភ្នំពេញ៖ នៅព្រឹកថ្ងៃទី១២ ខែមករា ឆ្នាំ២០២៤នេះ លោក អុឹង ស៊ីវឈន់ អគ្គនាយកក្រុមហ៊ុនដូនពេញ ត្រេឌីង ជាមួយក្រុមការងារទូរទស្សន៍អនឡាញដំបូងគេនៅកម្ពុជា បានប្រគល់ទឹកប្រូវីដាចំនួន៩៩កែសធំ ជូនបញ្ជាការដ្ឋានការពារអាកាសកងទ័ពជើងគោក ដើម្បីយកទៅចាត់ចែងរាល់តម្រូវការរបស់អង្គភាពផ្ទាល់។

លោក យ៉ង់ រ៉ា ដែលតំណាងដ៏ខ្ពង់ខ្ពស់ លោកឧត្តមសេនីយ៍ទោ សុខ ប៉ាង នាយសេនាធិការរងកងទ័ពជើងគោគ និងជាមេបញ្ជាការ នៃបញ្ជាការដ្ឋានការពារអាកាសកងទ័ពជើងគោក
សូមថ្លែងអំណរគុណយ៉ាងជ្រាលជ្រៅបំផុតនូវអំពើល្អ របស់ក្រុមហ៊ុនទឹកប្រូវីដានេះ ដែលបានជួយដល់កងកម្លាំង ក្នុងការរួមចំណែក ជួយការពារទឹកដីកម្ពុជា ជាពិសេសបងប្អូនប្រជាពលរដ្ឋយើងទាំងអស់។

សូមបញ្ជាក់ថា ក្រៅពីការជួយជំនួយដល់ កងកម្លាំងយោធានេះ ក្រុមហ៊ុនទឹកប្រូវីដា ក៏ធ្លាប់បានចូលរួមជួយដល់សង្គមជាច្រើន និងរួមចំណែកជាមួយរាជរដ្ឋាភិបាល ក្នុងការកាត់បន្ថយភាពក្រីក្រ ដូចជា ការបរិច្ចាកជូនដល់បងប្អូនកងកម្លាំង និងប៉ូលិសចរាចរណ៍ ដែលឈរតាមគោលដៅនានាក្នុងរាជធានីភ្នំពេញ ជនខ្វះខាត និងបងប្អូនកីឡាករ កីឡាប្រដាល់គុនខ្មែរ បូករួមនិងអ្នកសារព័ត៌មានផងដែរ៕