(ឧត្តរមានជ័យ) ទីតាំងដែលកន្លែងបូជាសពអតីតនាយករដ្ឋមន្ត្រីប៉ុលពតក្នុងអំឡុងសម័យជំនាន់កុម្មុយនីស្តត្រូវបានអាជ្ញាធរខេត្តឧត្តរមានជ័យបានរក្សាទុក ដី មួយហិកតា បួនជ្រុង សម្រាប់ជាទីកន្លែង ឲ្យបងប្អូនភ្ញៀវជាតិនិងអន្តរជាតិចូលទស្សនា ពីមួយថ្ងៃទៅមួយថ្ងៃរយៈពេលចាប់តាំងពីកំឡុងប៉ុលពតស្លាប់នៅឆ្នាំ១៩៩៧រហូតមកដល់ឆ្នាំ២០២៤នេះមានអាយុកាល២៧ឆ្នាំមកហើយ។

បើតាមការឲ្យដឹងពីអ្នកមើលថែទាំទីកន្លែងបរិវេណ ផ្នូរសពប៉ុលពត ឈ្មោះមា ជ្រន ភេទប្រុសអាយុ៦៧ឆ្នាំមានទីតាំងរស់នៅ ជាប់គ្នាទៅនឹងកន្លែងផ្នូរប៉ុលពតផ្ទាល់ ស្ថិតនៅត្រង់ចំណុចភូមិជាំ ឃុំត្រពាំងប្រីយ៍ ស្រុកអន្លង់វែងខេត្តឧត្តរមានជ័យបានរៀបរាប់ពីប្រវត្តិប្រាប់ឲ្យដឹងនៅថ្ងៃទី០៨ខែមករាឆ្នាំ២០២៤ថា គាត់បានមកមើលថែទាំទីនេះតាំងពីឆ្នាំ២០០១មកម្លេះទីតាំងបូជាសពរបស់ អតីតនាយករដ្ឋមន្ត្រីប៉ុលពតនេះផងដែរតាមលោកដឹង លោកបាន ស្លាប់តាំងពីកំឡុងឆ្នាំ១៩៩៧ដោយសារជំងឺ ចាប់តាំងពីនឹងរហូតមកដល់ពេលនេះផ្ទៃដីដែល ហ៊ុំព័ទ្ធរបងគឺអាជ្ញាធរ គេទុកឲ្យចំនួន១ហិកតាហើយទីកន្លែងនេះក៏ពុំមានការកែប្រែឬក៏អភិវឌ្ឍទៅកន្លែងផ្សេងដែរ ។

ដោយឡែកទាក់ទិនទៅនឹងទីកន្លែងបូជាសពរបស់ប៉ុលពតដីផងដែរលោកស្រីធិននីមុន្នីរស្មីប្រធានមន្ទីរទេសចរណ៏ខេត្តបានបញ្ជាក់ប្រាប់ឲ្យដឹងថាចំពោះ ទីតាំង កន្លែងបូជាសពរបស់ប៉ុលពតស្ថិតនៅភូមិជាំ ឃុំត្រពាំងប្រីយ៏ ស្រុកអន្លង់វែងនេះផងដែរ គឺ មន្ត្រីជំនាញអាជ្ញាធរពាក់ព័ន្ធពិតជាបានទុកផ្ទៃដីមួយហិកតារពិតប្រាកដមែនហើយបច្ចុប្បន្ន ទីតាំងនេះក៏ពុំមានអ្វីប្លែកឬក៏កែលម្អទៅជាអ្វីផ្សេងដែរគឺតាំងតែពីដើមមកនៅដដែលតាំងពីកំឡុងសម័យនៅមានសង្គ្រាមយ៉ាងក្តៅគគុក។

សូមរំលឹកថា ទីតាំង អតីតដែលជាទីកន្លែងសម្រាប់បូជាសព ប៉ុលពត បើយើងធ្វើដំណើរចេញពីទីរួមខេត្តឧត្តរមានជ័យ មានចម្ងាយប្រមាណជាជាងមួយរយគីឡូ ស្ថិតនៅជាប់មាត់ច្រកទ្វាព្រំដែនអន្តរជាតិជាំសាងុាំក្នុងភូមិសាស្ត្រស្រុកអន្លង់វែងហើយ ចំពោះការស្លាប់និងប្រវត្តិរបស់ប៉ុលពតគឺគាត់បានស្លាប់ដោយសារតែជំងឺហើយលោកក៏ជាអតីតនាយករដ្ឋមន្ត្រីក្នុងសម័យរបបប៉ុលពតផងដែរ។ឈឹម.កុសល។