Wednesday, July 24, 2024
Home ទំព័រដើម គ្រឿងចក្រ អេស្ការចូលជីកកកាយ យកអាចម៍ដីពីក្នុង បឹងសហគមន៍ លក់បីថ្ងៃ ទើបដឹងដល់អាជ្ញាធរក្រុងថា ពុំមាន លិខិតអនុញ្ញាតិត្រឹមត្រូវ

គ្រឿងចក្រ អេស្ការចូលជីកកកាយ យកអាចម៍ដីពីក្នុង បឹងសហគមន៍ លក់បីថ្ងៃ ទើបដឹងដល់អាជ្ញាធរក្រុងថា ពុំមាន លិខិតអនុញ្ញាតិត្រឹមត្រូវ

(ឧត្តរមានជ័យ) ដីបឹងសហគមន៍មួយកន្លែងស្ថិតនៅ ក្នុង សង្កាត់បន្សាយរាក់ ក្រុងសំរោងខេត្តឧត្តរមានជ័យ ត្រូវបានគេដឹងថាមានគ្រឿងចក្រមួយគ្រឿងដែលជាក្រុមហ៊ុនថៅកែឈ្មោះឡាចសំណាងចូលជីកកាយដឹកអាចម៍ដីយកទៅលក់ពេញភូមិក្នុងសង្កាត់បន្សាយរាក់រយៈពេលបីថ្ងៃទើបដឹងដល់ អាជ្ញាធរក្រុងសំរោង ចាត់ឲ្យមន្ត្រីជំនាញចុះ ផ្អាកជាបន្ទាន់ខណៈដែលគ្រឿងចក្រ នេះពុំ ទាន់មានការសុំការអនុញ្ញាតិច្បាប់ទម្លាប់ត្រឹមត្រូវ ហើយចូលទៅកកាយ ជីកដីដឹកតាមរថយន្តធុនធំយកលក់អស់រយៈពេលបីថ្ងៃកន្លងមកយ៉ាងរំភើយ។

ទាក់ទិនទៅនឹងគ្រឿងចក្រកាយដីបឹងក្នុងសហគមន៍យកទៅលក់នៅក្នុងភូមិនេះដែរ លោកផុនចាន់និល អភិបាលក្រុងសំរោងបានលើកឡើងឲ្យដឹងនៅថ្ងៃទី០៧ខែធ្នូឆ្នាំ២០២៤ថា ចំពោះរឿងនេះ លោកពុំបានដឹងនោះទេ ហើយលោកនឹងចាត់ឲ្យមន្ត្រីជំនាញចុះទៅធ្វើការហាមឃាត់ដើម្បីឲ្យម្ចាស់គ្រឿងចក្រនោះមកធ្វើការសុំច្បាប់ទម្លាប់ឲ្យបានត្រឹមត្រូវជាមុនសិនទើបឲ្យជីកយកអាច៏ដីបន្តទៀត ហើយមួយវិញទៀត លោកក៏បានទទួលការរាយការណ៍ពីចៅសង្កាត់ដោយផ្ទាល់មាត់ថាកាលពីម្សិលមិញបន្ទាប់ពីមានការផ្តល់ពត៌មានពីបងប្អូនអ្នកសាតពត៌មាន ដោយបានប្រាប់ថាគ្រឿងចក្រខាងលើបានស្នើសុំ នឹងកំពុងរៀបចំឯកសារ ដើម្បីសុំច្បាប់អនុញ្ញាតនៅច្រកចេញចូលរបស់រដ្ឋបាលក្រុង ហើយនឹងបន្ត កាយដីទាំងនោះបន្តទៀត ។

លោកម៉ៅសេងហ៊រប្រធានការិយាល័យរ៉ែនិងថាមពលខេត្តបានបញ្ជាក់ថាចំពោះគ្រឿងចក្រដែលចូលទៅកាយ ដីនៅចំណុចខាងលើ នៅថ្ងៃស្អែកនេះលោកនឹងចុះទៅពិនិត្យដោយផ្ទាល់ដើម្បី មើលអំពីលក្ខណៈបច្ចេកទេសនៃការកាយដីក្នុងបឹងសហគមន៏នេះហើយ ជំហានដំបូងនេះគឺឲ្យខាងក្រុងសំរោងគេចុះទៅពិនិត្យមុនសិនទៅ។

គួររំឭកថាបើតាមការអះអាងពីលោកប្រាក់សារ៉នចៅសង្កាត់បន្សាយរក្សផ្ទាល់ បានប្រាប់អ្នកយកពត៌មានថា ចំពោះការជីកដីក្នុងបឹងសហគមន៏គឺមានការស្នើសុំពីបងប្អូនប្រជាពលរដ្ឋ និងប្រធានសហគមន៍ដើម្បីឲ្យគ្រឿងចក្រគេចូលកាយដី ជីកស្រះសម្រាប់ ស្តុកទឹកប្រើប្រាស់នៅរដូវប្រាំងពីព្រោះថាបឹង នេះជារៀងរាល់ឆ្នាំតែងតែរីងស្ងួតពុំមានទឹកប្រើម្ដងណាឡើយ ។

សូមជម្រាបថាបើតាមការនឹងលើកឡើងអះអាងពីចៅសង្កាត់ខាងលើហាក់បីដូចជា ពុំមាន ការពិតផ្ទុយស្រឡះពីព្រោះថាការជីកដឹកដីដឹកលក់នេះដែរគឺប្រជាពលរដ្ឋ ខ្លះក៏គាត់ដឹងថាគ្រឿងចក្រចូលមកធ្វើអីនោះដែរហើយដោយឡែកការដឹកលក់នេះគឺ ក្រុមហ៊ុន ដឹកលក់នៅតាមភូមិក្នុងមួយឡាន តម្លៃចាប់ពី២៥០០០រៀល រយៈពេលបីថ្ងៃក្នុងសង្កាត់បន្សាយរាក់យ៉ាង គគ្រឹកគគ្រេងហុយដីសំពោងក្នុងមួយថ្ងៃៗតាំងពីព្រឹកទល់ល្ងាចតែម្តង។ឈឹមកុសល។

LEAVE A REPLY

Please enter your comment!
Please enter your name here

- Advertisment -

Must Read

ពិធីបើកវគ្គបំប៉នការងារដឹកនាំដល់ស្នងការរង នៃស្នងការរដ្ឋាននគរបាលរាជធានី-ខេត្ត

ខេត្តរតនគិរី ៖ ស្នងការរង នៃស្នងការរដ្ឋាននគរបាលចំនួនបួនខេត្ត ត្រូវបានបើកវគ្គបំប៉នជំនាញការងារដឹកនាំ ដើម្បីបង្កើនចំណេះដឹង លើកកម្ពស់ប្រសិទ្ធភាពដឹកនាំ កងកម្លាំងមន្ត្រីយុត្តិធម៌។ ការរៀបចវគ្គបំប៉ននេះ ស្របតាមផែនការ របស់អគ្គស្នងការរដ្ឋាននគរបាលជាតិ ជូនដល់ស្នងការរងតាមបណ្ដារាជធានី ខេត្ត ។ ទើបថ្ងៃនេះស្នងការរដ្ឋាននគរបាលខេត្តរតនគិរី បានរៀបចំបើកវគ្គនេះឡើង។ ពិធីបើកវគ្គនេះ បានរៀបចំឡើងនាព្រឹកថ្ងៃទី៦ ខែកក្កដា ឆ្នាំ២០២៤ នៅស្នងរដ្ឋាននគរបាលខេត្តរតនគិរី ក្រោមអតីភាព ឯកឧត្ដម ឧត្ដមសេនីយ៍ឯក តាន់...