ភ្នំពេញ- ថ្ងៃនេះមន្ត្រីនគរបាលចរាចរណ៍ និងមន្រ្តីជាប់កិច្ចសន្យា ចំនួន៩រូប ទៅបំភ្លឺករណីឃាត់រថយន្តជនជាតិឥណ្ឌូណេស៊ី ដែលបានបង្ហាញបណ្ណបើកបរអាស៊ាន តែប៉ូលិសនៅតែទាមទារឯកសារផ្សេងៗ និងទារលុយ៣០០ដុល្លារ។

លោកស្នងការរងផែនការងារធនធានមនុស្ស ឲ្យការិយាល័យបុគ្គលិក នៅព្រឹកថ្ងៃទី០៤ ខែកក្កដាឆ្នាំ២០២៥ កោះហៅមន្ត្រីនគរបាលចរាចរណ៍ និងមន្រ្តីជាប់កិច្ចសន្យា ចំនួន៩រូប នៅគោលដៅស្តុបព្រះសក្យមុនីចេតិយ ស្ថិតក្នុងសង្កាត់ស្រះចក ខណ្ឌដូនពេញ ដើម្បីសួរនាំបំភ្លឺ និងកំពុងធ្វើការស្រាវជ្រាវតាមជំនាញរបស់នគរបាល ប្រមូលព័ត៌មានឲ្យបានច្បាស់លាស់គ្រប់ជ្រុងជ្រោយយកមកវិភាគវាយតម្លៃ ហើយធ្វើរបាយការណ៍ រាយការណ៍ជូនឯកឧត្តមស្នងការ ដើម្បីពិនិត្យនិងសម្រេច។

ពលរដ្ឋរិះគន់ថារឿងដដែលៗ ករណីប៉ូលិសចរាចរណ៍

ទាមទារកឯកសារផ្សេងៗមិនចេះគ្រប់ ចុងក្រោយរកលុយ ឥឡូវប្លែកមួយទៀតហើយរឿងបណ្ណបើកបររថយន្ត អន្តរជាតិ រកលុយពី៣០០$មកត្រឹក៥០$ ។