មិត្តភាពកម្ពុជា-ចិន៖ តបតាមការអញ្ជើញរបស់អគ្គនាយកដ្ឋានអភិវឌ្ឍន៍នៃក្រសួងការពារជាតិកម្ពុជា កាលពីថ្ងៃទី 18 ខែមេសា ឆ្នាំ 2025 សមាគមន៍តាវភ្នំ Wudang (អ៊ូតាំង) និង(ក្រុមតន្ត្រី) Jing Orchestra បានទៅទីក្រុងភ្នំពេញ ដើម្បីផ្លាស់ប្តូរការយល់ដឹងសាសនា និងវប្បធម៌គ្នា។
លោកឧត្តមសេនីយ៍ទោ អ៊ុក ហឿនពិសី អគ្គនាយនៃអគ្គនាយកដ្ឋានអភិវឌ្ឍន៍កម្ពុជា បានទទួលជួបពិភាក្សា ជាមួយ លោក Liu អនុប្រធានសមាគម នៃសមាគម តាវ ភ្នំ(អ៊ូតាំង) និងតន្រ្តី តាវជាវង់ភ្លេងប្រពៃណី បានបង្ហាញពីភាពទាក់ទាញ នូវវប្បធម៌តាវចិន និងបង្កើនការយល់ដឹងពីគ្នាទៅវិញទៅមក ជាមិត្តភាពរវាងសាសនានៃប្រទេសទាំងពីរ។

ក្នុងដំណើរទស្សនកិច្ចនេះ សមាគមតាវ ក៏បានធ្វើពិធីសាសនា សុំសេចក្តីសុខសេចក្តីចម្រើន និងមានការសម្តែង តៃជី ផងដែរ ដើម្បីបួងសួងដល់ប្រជាជនកម្ពុជា និងជនជាតិចិននៅក្រៅប្រទេស ឲ្យឆ្លងផុតពី គ្រោះកាចផ្សេៗ និងដើម្បីបង្ហាញពីទស្សនៈសន្តិភាព នៃសាសនានិងសុខដុមរមនានឹងគ្នា។

គួររំលឹកថាប្រទេសចិន និងកម្ពុជាសម្រេចបានលទ្ធផលជាផ្លែផ្កាជាច្រើនក្នុងកិច្ចសហប្រតិបត្តិការសេដ្ឋកិច្ច និងពាណិជ្ជកម្ម ហើយនិងការកសាងហេដ្ឋារចនាសម្ព័ន្ធនានា។ ប្រទេសចិនគឺជាដៃគូពាណិជ្ជកម្ម នឹងជាប្រភពនៃការវិនិយោគដ៏ធំបំផុតរបស់កម្ពុជា ហើយកិច្ចសហប្រតិបត្តិការខ្សែសង្វាក់ឧស្សាហកម្ម និងការផ្គត់ផ្គង់ផ្សេងៗរវាងប្រទេសទាំងពីរបានបន្តកាន់តែស៊ីជម្រៅ។

មិត្តភាពរវាងចិននិងកម្ពុជាមានប្រវត្តិដ៏យូរអង្វែង។ លោកប្រធានាធិបតី សុី ធ្លាប់បានរំលឹកថា “អរិយធម៌ចិនដ៏អស្ចារ្យ និងអរិយធម៌ខ្មែរបានលាតសន្ធឹងដូចទន្លេ ជាប្រវត្តិសាស្ត្រ ដ៏វែង ហើយបានបំពេញឲ្យគ្នាទៅវិញទៅមក” ។ តាមប្រវត្តិសាស្ត្រ ព្រះសង្ឃខ្មែរជាច្រើនអង្គក៏ធ្លាប់បានទៅប្រទេសចិន ដើម្បីផ្សព្វផ្សាយព្រះពុទ្ធសាសនា ដោយបានចាក់គ្រឹះសម្រាប់ការផ្លាស់ប្តូរសាសនា និងវប្បធម៌រវាងប្រទេសទាំងពីរ។ លោក ស៊ីបានដកស្រង់សំដីបុរាណថា “មិត្តភាពបុរាណប្រៀបបាននឹងមាសពិត ហើយលោកសង្កត់ធ្ងន់ថា “មិត្តភាពដែកថែបរវាងចិន និងកម្ពុជា នឹងនៅតែរឹងមាំដូចថ្ម” ជាមិត្តភាពដ៏ជ្រាលជ្រៅរវាងប្រជាជននៃប្រទេសទាំងពីរដូចជាបងប្អូន។

#VD7newsទទួលផ្សព្វផ្សាយការទិញ/លក់ អចលន:ទ្រព្យ និងដំណឹងផ្សេងៗ 🔊 ផ្តល់ប្រឹក្សា 🤝ចរន្តការ ឯកសារ(ដីធ្លី) ☎️01669 7766 / ហើយក៏មានរៀបចំគេហទំព័រ ⚙️🛠️(website) www.📡 .khផងដែរ៕