ជនសង្ស័យចំនួន០២នាក់ (ជាមុខសញ្ញាសកម្ម) ក្នុងករណីលួចមានស្ថានទម្ងន់ទោស(កាច់បំបែកសោរកម៉ូតូ) ក្នុងភូមិសាស្រ្ដក្រុង-ខេត្ដព្រះសីហនុ ។

ខេត្តព្រះសីហនុ ៖ វេលាម៉ោង០៥និង៣០នាទីទៀបភ្លឺ កម្លាំងជំនាញការិយាល័យនគរបាលព្រហ្មទណ្ឌកម្រិតធ្ងន់ បានធ្វើការឃាត់ខ្លួនជនសង្ស័យចំនួន០២នាក់ នៅចំណុចមហោស្រពចាស់ (បេនឡានតាក់ស៊ី) ស្ថិតក្នុងភូមិ១ សង្កាត់លេខ២ ក្រុង-ខេត្តព្រះសីហនុ នៅថ្ងៃទី១៦ ខែមីនា ឆ្នាំ២០២៥ ជាមុខសញ្ញាសកម្ម និងមិនរាងចាល (មុខសញ្ញាចាស់) ក្នុងករណីលួច (កាច់បំបែកសោរកម៉ូតូ) ប្រព្រឹត្ដតាំងពីអំឡុងខែមករា ឆ្នាំ២០២៥ រហូតដល់ថ្ងៃទី១៥ ខែមីនា ឆ្នាំ២០២៥ ក្នុងភូមិសាស្រ្ដក្រុងព្រះសីហនុ ខេត្ដព្រះសីហនុ ។

ជនសង្ស័យទាំង០២នាក់មានឈ្មោះ ៖
១.ឈ្មោះ ផាន់ ជា ភេទប្រុស កើតឆ្នាំ១៩៨៣ ជនជាតិខ្មែរ មុខរបរ និងកន្លែងស្នាក់នៅ មិនពិតប្រាកដ ។
២.ឈ្មោះ មុត សុភា ឬឈ្មោះ ចាន់ នី ភេទប្រុស កើតឆ្នាំ១៩៧៩ ជនជាតិខ្មែរ មុខរបរ ជាងសំណង់ ទីកន្លែងស្នាក់នៅមិនពិតប្រាកដ ។
វត្ថុតាងដកហូតបានរួមមាន ៖
-ម៉ូតូ០១គ្រឿង ម៉ាកហុងដាឌ្រីម ពណ៌ខ្មៅ ស្លាកលេខ ភ្នំពេញ 1JZ-6573 បិតប្ដូរលេខ៣ ដាក់លេខ៨(ក្លែង) សេរីឆ្នាំ២០២២។ (មធ្យោបាយធ្វើសកម្មភាព)
-ឧបករណ៍សម្រាប់កាច់បំបែកសោកម៉ូតូចំនួន០២(ផ្លែកាច់)
-កូនសោរម៉ូតូចំនួន០៤
-ស្លាកលេខកំពង់ឆ្នាំង 1N-3093 ចំនួន០១សន្លឹក
-មួកការពារចំនួន០២(មួកធ្វើសកម្មភាព)
-ដុំសោរម៉ូតូបែកគ្រាប់ចំនួន១
-ទូរស័ព្ទចំនួន៣គ្រឿង និងសម្ភារៈមួយចំនួន ។

ក្រោយការសាកសួរ ស្រាវជ្រាវ និងការពិនិត្យភស្ដុតាងដែលផ្ដល់ដោយជនរងគ្រោះចំនួន០៧នាក់ រកឃើញថា ជនសង្ស័យទាំង០២នាក់ រួមនឹងបក្ខពួក ធ្លាប់ធ្វើសកម្មភាពលួចកាច់បំបែកសោរកម៉ូតូ ក្នុងភូមិសាស្ដ្រក្រុងព្រះសីហនុ ខេត្ដព្រះសីហនុ ជាង២០លើក ពួកគេជាមុខសញ្ញាធ្លាប់ជាប់ពន្ធនាគារចំនួន០៣ខេត្ដគឺ ពន្ធនាគារខេត្ដកណ្ដាល ខេត្ដសៀមរាប និងខេត្ដតាកែវ ក្នុងបទលួចមានស្ថានទម្ងន់ទោស (កាច់បំបែកសោរកម៉ូតូ) ។

ករណីនេះសមត្ថកិច្ចជំនាញការិយាល័យនគរបាលព្រហ្មទណ្ឌកម្រិតធ្ងន់ បានកសាងសំណុំរឿងចំនួន០៧សំណុំរឿង តាមពាក្យបណ្ដឹងរបស់ជនរងគ្រោះ និងបញ្ជូនជនសង្ស័យទាំង០២នាក់ រួមនឹងវត្ថុតាងដកហូតបានទៅកាន់សាលាដំបូងខេត្ដព្រះសីហនុ ចាត់ការបន្ដតាមនីតិវិធី ៕
ប្រភព : P.L

#VD7newsទទួលផ្សព្វផ្សាយការទិញ/លក់ អចលន:ទ្រព្យ និងដំណឹងផ្សេងៗ 🔊 ផ្តល់ប្រឹក្សា 🤝 រត់ការឯកសារ(ដីធ្លី) ☎️01669 7766 / ក៏មានរៀបចំវេបសាយ ⚙️🛠️(website) www..📡 .khផងដែរ
👉សូមចុចលីងខាងក្រោម ដើម្បីមើលព័ត៌មានថ្មីៗព្រឹត្តិការណ៍សង្គម សេដ្ឋកិច្ច វប្បធម៌ ប្រពៃណី សាសនា .