Home ទំព័រដើម ឆ្នេរលំហែកាយ មានទឹកស្អុយចូលក្នុងសមុទ្រយូរមកហើយមន្ត្រីមូលដ្ឋានរាយការណ៍ជូនថ្នាក់លើ និងមន្ទីរជំនាញហើយតែហាក់ស្ងាត់ឈឹង

ឆ្នេរលំហែកាយ មានទឹកស្អុយចូលក្នុងសមុទ្រយូរមកហើយមន្ត្រីមូលដ្ឋានរាយការណ៍ជូនថ្នាក់លើ និងមន្ទីរជំនាញហើយតែហាក់ស្ងាត់ឈឹង

ខេត្តព្រះសីហនុ÷ ឆ្នេរលំហែកាយជាទីតាំងសម្រាប់ភ្ញៀវទេសចរណ៍ជាតិ និងអន្ដជាតិ ជួល​ទូកចេញទៅលំហែរកំសាន្ដតាមកោះនានា កំពុងជះក្លិនស្អុយពីទឹកខ្មៅកខ្វក់ ដែលបង្ហូរចេញតាមលូចូលក្នុងប្រឡាយ ហូរកាត់ឆ្នេរខ្សាច់ចូលសមុទ្រ ធ្វើឲ្យបាត់បង់សោភ័ណ្ឌភាព ព្រមទាំងទទួលរងការរិះគន់ពីភ្ញៀវជាតិ និងអន្ដរជាតិជាច្រើន ប៉ុន្ដែអាជ្ញាធរ និងមន្ដ្រីហាក់បីដូចជាធ្វើមិនដឹង ស្ថិតនៅក្បែរស្ពានកោះខ្ពស់ ក្នុងភូមិ១ សង្កាត់លេខ៣ ក្រុងព្រះសីហនុ ខេត្តព្រះសីហនុ ។

មន្ដ្រីសាលាសង្កាត់លេខ៣ម្នាក់ បានឲ្យដឹងតាមទូរស័ព្ទថា ទឹកស្អុយដែលហូរចូលក្នុងសមុទ្រខាងលើនេះ គឺហូរតាមប្រព័ន្ធលូសាធារណពីក្នុងក្រុងមកបំបែកចេញពីសណ្ឋាគារ ម៉ារីអូ ដែលមិនទាន់មានអាងចម្រោះនៅឡើយ ។ បញ្ហនេះដែរក្នុងនាមសង្កាត់បានរាយការណ៍ជូនថ្នាក់លើ ព្រមទាំងមន្ទីរសាធារណការ មន្ទីរបរិស្ថាន ប៉ុនែ្តហាក់ស្ងាត់ឈឹង និងមិនមានវិធានការអ្វីនោះទេ ។

បញ្ហទឹកស្អុយចូលក្នុងសមុទ្រនេះ លោក បូរី វង្សសានិត្យ ប្រធានមន្ទីរសាធារណការ និងដឹកជញ្ជូន ខេត្តព្រះសីហនុ បានបញ្ជាក់តាមប្រព័ន្ធតេឡេក្រាមថា លោកនឹងឲ្យមន្រ្ដីចុះទៅមើលទីតាំងហ្នឹងតើវាហូរមកពីប្រភពណាខ្លះ ប៉ុនែ្តចំណុចនេះលោកធ្លាប់និយាយជាសាធារណៈយូរមកហើយ តាមរយៈកិច្ចសម្ភាសន៍ក្ដី ឯកឧត្តមអភិបាលក៏ធ្លាប់លើកឡើងដែរ បញ្ហារបស់យើង គឺយើងមានស្ថានីយច្រោះ ៣កន្លែងធ្វើថ្មី និង​ស្ថានីយ១៦ហិកតា ប៉ុនែ្តបណ្ដាញប្រមូលទឹកកខ្វក់មិនទាន់គ្រប់គ្រាន់ទេ យើងមានតិចតួចប្រមាណ២០ភាគរយដែលបណ្ដាញប្រមូលផ្ដុំ យកទឹកកខ្វក់ទៅស្ថានីយ៍ទាំងអស់ ។

លោកប្រធានមន្ទីរសាធារណការ បានបន្ថែមទៀតថា សព្វថ្ងៃនេះខេត្តមានស្ថានីយ៍បូមទឹកកខ្វក់៨កន្លែង ប៉ុន្មានសល់ពីហ្នឹងគឺច្បាស់ពិតណាស់គឺថាមានការបង្ហូរចូល អូរ ប្រឡាយ សាធារណៈ ជាក់ស្ដែង អូរ ប្រឡាយ សាធារណៈនឹងគឺហូរឆ្ពោះទៅដល់សមុទ្រហើយ ។ អញ្ចឹងកន្លងមកយើងដោះស្រាយទៅតាមករណី បញ្ហាប្រឈមខ្លាំងយើងក៏ដោះស្រាយដើម្បីចាត់ចែង បង្វែរទឹកហ្នឹង ឬបូមទឹក​ហ្នឹង ឆ្ពោះកាន់ស្ថានីយ៍បូម ឬទីតាំងដែលមានបណ្ដាញ ។ ក្នុងករណីនេះលោកនឹងពិភាក្សាគ្នាដើម្បីរកដំណោះស្រាយ ហើយជៀលមិនផុត បើធានាថាមិនឲ្យមួយរយភាគរយ មិនឲ្យមានទឹកកខ្វក់ហូរចូល អូរ ប្រឡាយ គឺមិនអាចទេ ដោយសារប្រព័ន្ធយើងនៅមានកម្រិត យើងត្រូវការពេលវេលា និងថវិកាធំបន្ថែមទៀត ដើម្បីធ្វើការវិចខ្ចប់ទឹកកខ្វក់ឲ្យបានត្រឹមត្រូវ ដើម្បីបញ្ជូនទៅស្ថានីយបូមទឹក ឬស្ថានីយច្រោះ ។

ចំណែកលោក សាមុត សុធារិទ្ធប្រធានមន្ទីរ បរិស្ថាន ខេត្តព្រះសីហនុបានឲ្យដឹងតាមទូរស័ព្ទដែរថា លោកនឹងចាត់មន្ត្រីរបស់លោកឲ្យចុះទៅពិនិត្យមើលជាក់ស្ដែង បើមានលទ្ធផលយ៉ាងណាលោកនឹងជម្រាបជូននៅពេលក្រោយ ៕

ដោយ សការី

LEAVE A REPLY

Please enter your comment!
Please enter your name here

- Advertisment -

Must Read

ពិធីបើកវគ្គបំប៉នការងារដឹកនាំដល់ស្នងការរង នៃស្នងការរដ្ឋាននគរបាលរាជធានី-ខេត្ត

ខេត្តរតនគិរី ៖ ស្នងការរង នៃស្នងការរដ្ឋាននគរបាលចំនួនបួនខេត្ត ត្រូវបានបើកវគ្គបំប៉នជំនាញការងារដឹកនាំ ដើម្បីបង្កើនចំណេះដឹង លើកកម្ពស់ប្រសិទ្ធភាពដឹកនាំ កងកម្លាំងមន្ត្រីយុត្តិធម៌។ ការរៀបចវគ្គបំប៉ននេះ ស្របតាមផែនការ របស់អគ្គស្នងការរដ្ឋាននគរបាលជាតិ ជូនដល់ស្នងការរងតាមបណ្ដារាជធានី ខេត្ត ។ ទើបថ្ងៃនេះស្នងការរដ្ឋាននគរបាលខេត្តរតនគិរី បានរៀបចំបើកវគ្គនេះឡើង។ ពិធីបើកវគ្គនេះ បានរៀបចំឡើងនាព្រឹកថ្ងៃទី៦ ខែកក្កដា ឆ្នាំ២០២៤ នៅស្នងរដ្ឋាននគរបាលខេត្តរតនគិរី ក្រោមអតីភាព ឯកឧត្ដម ឧត្ដមសេនីយ៍ឯក តាន់...