កូនដើមស្រឡៅតូចៗ ក៏មិនលើកលែងដែរ ឲ្យតែលក់បានលុយ កាប់ទាំងអស់

18

ខេត្តរតនគិរី ៖ ការកាប់បំផ្លាញព្រៃឈើដឹកយកទៅលក់ នៅតែបន្តដឹកជញ្ជូនដោយម៉ូតូកែច្នៃ យ៉ាងអនាធិបតេយ្យ ក្រោមការបើកភ្លើងខៀវ ពីសំណាក់បុស្តិ៍ច្រករបៀង ការពារព្រំដែនកម្ពុជា វៀតណាម។

      ជាក់ស្តែងនៅថ្ងៃទី១០ ខែមេសា ឆ្នាំ២០២៤. គេបានប្រទះឃើញម៉ូតូដឹកជញ្ជូនឈើជាច្រើនគ្រឿង នៅចំណុចភូមិឡំ ឃុំប៉ក់ញ៉ៃ ស្រុកអូរយ៉ាដាវ ខេត្តរតនគិរី។

      ប្រភពព័ត៌មានច្បាស់ការណ៍មួយពីរប្រជាពលរដ្ឋដែលរស់នៅតំបន់នោះ បានប្រាប់ឲ្យអ្នកសារព័ត៌មានយើងខ្ញុំដឹងថា ក្រុមឈ្មួញទាំងនោះ បាននាំគ្នាដឹកជញ្ជូនឈើស្រឡៅទាំងនេះយកទៅលក់ នៅប្រទេសវៀតណាម តាមច្រករបៀង ចំនួនពីរ .គឺច្រកភ្នំក្រហម. ស្ពានដែក. និងច្រកភូមិឡំ បានយ៉ាងរលូន . ប្រភពបានបន្តទៀតថា ក្រុមឈ្មួញទាំងនោះបានយកលុយទៅបិទបាំងភ្នែកសមត្ថកិច្ចរួចអស់ទៅហើយទើបការដឹកជញ្ជូនឈើនោះបានដោយរលូន។

      កាលពីថ្មីៗ នេះថ្នាក់ដឹកនាំ ក៏បានផ្លាស់ប្ដូរ លោកនាយប៉ុស្តិ៍ភូមិឡំ ហើយក៏បានដាក់អ្នកថ្មីចូលកាន់តំណែង ក៏ប៉ុន្តែការដឹកជញ្ជូនឈើឆ្លងកាត់ច្រករបៀងយកទៅលក់នៅប្រទេវៀតណាម នៅតែបន្តដឹកជញ្ជូនដដែលមិនឃើញផ្លាស់ប្ដូរត្រង់ណាឡើយ។

      បើទោះជាយ៉ាងណាក្ដី ការលួចដឹកជញ្ជូនឈើរបស់ក្រុមឈ្មួញ ឆ្លងកាត់ច្រករបៀងភ្នំក្រហម និងច្រករបៀងភូមិឡំ គេតែងតែឃើញសកម្មភាពនេះជាយូរមកហើយ ក៏ប៉ុន្តែគេស្មានតែមេប៉ុស្តិ៍ថ្មីមានឆន្ទៈ បង្ក្រាប ឬក៏បិតមិនឲ្យមានសកម្មភាពនេះបន្តទៀត។ ផ្ទុយទៅវិញ ការលួចដឹកជញ្ជូនឈើតាមម៉ូតូកែច្នៃ កាន់តែសម្រុកដឹកខ្លាំងជាងមុនទៅទៀត៕ ដោយ ភួង ផុន

1 COMMENT

LEAVE A REPLY

Please enter your comment!
Please enter your name here