(ខេត្តឧត្តរមានជ័យ) កាលពីរសៀលថ្ងៃទី២៧ខែមីនាឆ្នាំ២០២៤ម្សិលមិញនេះមន្ទីរអប់រំយុវជននិងកីឡាខេត្តឧត្តរមានជ័យបានរៀបចំកម្មវិធីបិទការប្រកួតកីឡា សិស្សបឋមមធ្យមសិក្សាជ្រើសរើស ជើងឯកថ្នាក់ខេត្តប្រចាំឆ្នាំ២០២៣.២០២៤ ដែលពិធីនេះដែរប្រព្រឹត្តធ្វើឡើងនៅទីលានបាល់ទាត់វិទ្យាល័យតេជោសែនសំរោង ស្ថិតក្នុងភូមិបុរីរដ្ឋបាលសង្កាត់សំរោង ក្រុងសំរោងឧត្តរមានជ័យ ហើយក្នុងឱកាសនោះដែរក៏មានការអញ្ជើញចូលរួមពី លោក លោកស្រី កងកម្លាំងប្រដាប់អាវុធ ប្រធានមន្ទីរអង្គភាពពាក់ព័ន្ធជុំវិញខេត្តជាច្រើននាក់ ថែមទៀត ។
លោក ប៉ិចរតនា ប្រធានមន្ទីរយុវជននិងកីឡាខេត្តបានឡើងតាមរបាយការណ៍ និងលើកឡើងថា ថ្ងៃនេះគឺជាទិវាមួយដ៏អឡោរឹកបើកការប្រកួតកីឡា សិស្សមធ្យមសិក្សា ជ្រើសរើសជើងឯកថ្នាក់ខេត្តប្រចាំឆ្នាំ២០២៣.២០២៤ ផ្នែកបាល់ទាត់បុរសនារី បាល់ទះបុរសនារី ប៉េតង់បុរសនារី និងអត្តពលកម្មបុរសនារី ហើយនឹងក្រុមកីឡា ផ្សេងៗជាច្រើនផ្នែកទៀតត្រូវបានបញ្ចប់ដោយជោគជ័យ អស់រយ:ពេលប៉ុន្មានថ្ងៃកន្លងមកនេះ។
លោកប្រធានមន្ទីរបានបន្តទៀតថា តាងនាមគណៈកម្មការរៀបចំការប្រកួត យើងសូមសម្ដែងនូវអំណរគុណយ៉ាងជ្រាលជ្រៅបំផុតចំពោះវត្តមានគណៈធិបតីភាព ភ្ញៀវកិត្តិយសដែលឆ្លៀតឱកាសដ៏មមាញឹកអញ្ជើញចូលរួមក្នុងឱកាសដ៏ថ្លៃថ្លានេះជាការផ្តល់កម្លាំងចិត្តដល់កីឡាករកីឡាការិនីឲ្យខិតខំប្រឹងប្រែងបញ្ចេញឲ្យអស់ពីកម្លាំងកាយ ចិត្តសមត្ថភាពទេពកោសល្យបច្ចេកទេសដែលមានរហូត ដណ្ដើមបានជោគជ័យគួរជាទីមោទន:ផងដែរ។
ថ្លែងនៅក្នុងពិធីបិទការប្រកួត កីឡាថ្នាក់បឋមមធ្យមសិក្សាជ្រើសរើសជើងឯកថ្នាក់ខេត្តឆ្នាំ២០២៣.២០២៤ នេះផងដែរ ឯកឧត្ដម ឃិនញ៉ាន អភិបាលរងខេត្តឧត្តរមានជ័យបាន គូសបញ្ជាក់ថា ឆ្លងតាមការប្រកួតយ៉ាងស្វិតស្វាញដែលមានការជំរុញពីថ្នាក់ក្រុងស្រុក មកផងនោះ
ដែលរៀបចំឡើង ចាប់ពីកំឡុងថ្ងៃ២៤ខែមីនាឆ្នាំ២០២៤ នៅក្នុងក្រុងសំរោងនិងស្រុកបន្ទាយអំពិល និងនៅថ្ងៃទី២៥ខែមីនាឆ្នាំ២០២៤ នៅស្រុកត្រពាំងប្រាសាទនិងស្រុកអន្លង់វែង ធ្វើការប្រកួតដើម្បីជ្រើសរើសក្រុមជ័យលាភីមកប្រកួតវគ្គផ្តាច់ព្រ័ត្រនៅថ្នាក់ខេត្ត ហើយលើសពីនេះក្នុងនាមរដ្ឋបាលខេត្ដ ក៏សូមកោតសរសើរទៅដល់ ក្រុមកីឡាករទាំងអស់ដោយឈរលើស្មារតីចេះអធ្យាស្រ័យ មានសាមគ្គីភាពមិត្តភាព ហើយប្រកាន់ឲ្យបានយ៉ាងខ្ជាប់ខ្ជួននូវគោលការណ៍ច្បាប់បញ្ញត្តិក្នុងបទបញ្ជា ច្បាប់បញ្ញាតិ និងបច្ចេកទេសក្នុងពេលប្រកួត កាលពីថ្ងៃកន្លងទៅនេះដោយ យើងទទួលបាននូវលទ្ធផលបច្ចេកទេសក្នុងពេលប្រកួតបានយ៉ាងល្អប្រសើរ។
សូមជម្រាបផងដែរថា បើតាមការលើកឡើងពី ឯកឧត្ដមអភិបាលរងខេត្តក៏ដូចជាលោកប្រធានមន្ទីរអប់រំយុវជននិងកីឡាខេត្តបានបញ្ជាក់ឲ្យដឹងទៀតថា ការប្រកួតកីឡា ជ្រើសរើសជើងឯកថ្នាក់ ខេត្តគឺយើងជ្រើសរើស ជាប្រចាំឆ្នាំ ដើម្បីឈានទៅការប្រកួត នៅថ្នាក់ជាតិជាបន្តបន្ទាប់ទៀតនាពេលខាងមុខនេះ ចំពោះក្រុមកីឡាករដែលទទួលបានជ័យលាភីមកពីតាមបណ្តាក្រុងស្រុកផងដែរ។
