អាវុធហត្ថខេត្តបាត់ដំបងដកហូតថ្នាំញៀនជាង ១គីឡូក្រាម ក្រោយឃាត់ខ្លួនស្ត្រីម្នាក់

(បាត់ដំបង) សមត្ថកិច្ចកងរាជអាវុធខេត្តបាត់ដំបង នៅវេលាម៉ោង ១១និង០០នាទី ថ្ងៃទី១៣ ខែកុម្ភៈ ឆ្នាំ២០២៤ ស្ថិតនៅភូមិនរា ឃុំនរា ស្រុកសង្កែ ខេត្តបាត់ដំបងបានចុះប្រតិបត្តិការ ក្នុងបទល្មើសជាក់ស្តែង បានធ្វើការឃាត់ខ្លួនជនសង្ស័យម្នាក់ ឈ្មោះ វណ្ណា សំណាង ភេទស្រី អាយុ២៣ឆ្នាំ មុខរបរធ្វើស្រែ មានទីលំនៅភូមិសំរោងតាកុក ឃុំសំរោងក្នុង ស្រុកឯកភ្នំ ខេត្តបាត់ដំបង ។

ដកហូតវត្ថុតាង គ្រឿងញៀនម៉ាទឹកកក ចំនួន ០១កញ្ចប់ ទំងន់ ១,០៣ក្រាម
-គ្រឿងញៀនប្រភេទ MDMA (ថ្នាំគ្រវី) ចំនួន០៥កញ្ចប់ ទម្ងន់ ៨៩.០២ក្រាម ,ទូរស័ព្ទដៃ០១គ្រឿង ,ម៉ូតូ ០១គ្រឿង  ហើយក្រោយពីធ្វើការសាកសួរជនសង្ស័យបានសារភាពថាខ្លួនមានគ្រឿងញៀនមួយចំនួនទៀតលាក់ទុកនៅក្នុងផ្ទះ ស្ថិតក្នុងភូមិសំរោងតាកុក ឃុំសំរោងក្នុង ស្រុកឯកភ្នំ ខេត្តបាត់ដំបង។

លុះដល់វេលាម៉ោង ១២និង១០នាទី ថ្ងៃខែឆ្នាំដដែល កម្លាំងជំនាញបានបន្តចុះទៅដល់ផ្ទះចំណុចខាងលើហើយធ្វើការឆែកឆេររកឃើញ ,គ្រឿងញៀនម៉ាទឹកកក ចំនួន០៣កញ្ចប់ ទម្ងន់ ៩,៩៧ក្រាម  ,យ៉ាម៉ាគ្រាប់ពណ៌ផ្កាឈូក ( WY ) ចំនួន ៥៦គ្រាប់កន្លះ ទម្ងន់៥ ក្រាម)  ,គ្រឿងញៀនប្រភេទ MDMA (ថ្នាំគ្រវីក្បាល) ចំនួន ៧០កញ្ចប់ ទម្ងន់ ១២៩៨.៧១ក្រាម ។សរុបដកហូតវត្ថុតាងរួមមាន
-គ្រឿងញៀនម៉ាទឹកកក០៤កញ្ចប់ ទម្ងន់ ១១ក្រាម  ,គ្រឿងញៀនប្រភេទយ៉ាម៉ាគ្រាប់ពណ៌ផ្កាឈូក ( WY ) ចំនួន ៥៦គ្រាប់កន្លះ ទម្ងន់៥ក្រាម  ,គ្រឿងញៀនប្រភេទ MDMA(ថ្នាំគ្រវីក្បាល) ចំនួន ៧៥កញ្ចប់ ទម្ងន់១៣៨៧.៧៣ក្រាម  ,ទូរស័ព្ទដៃ ០១គ្រឿង ,ម៉ូតូ ០១គ្រឿង ។
ក្រោយពីឃាត់ខ្លួនជនសង្ស័យនិងវត្ថុតាងបច្ចុប្បន្នត្រូវបានមន្ទីរស្រាវជ្រាវ បង្រ្កាបបទល្មើសកំពុងចាត់ការតាមនីតិវិធី៕រូបភាព និងអត្ថបទ៖ ភ្នំខៀវ