ខេត្តប៉ៃលិន ៖ បន្ទាប់សាលាដំបូងខេត្តប៉ៃលិនសម្រេចដោះលែងអោយនៅក្រៅឃុំទើបជនរងគ្រោះ
ដាក់ពាក្យបណ្តឹងទៅសាលាឧទ្ធរណ៍នៅខេត្តបាត់ដំបងដើម្បីរកយុត្តិធម៌។

ជនរងគ្រោះបានអោយដឹងថា ខាងសាលាឧទ្ធរណ៍បាមចេញដីកាកោះហៅជនរងគ្រោះក្នុងនាមដើមបណ្តឹងនៅថ្ងៃទី៥ខែកុម្ភ:ឆ្នាំ២០២៤នេះហើយជនរងគ្រោះសង្ឃឹមថាសាលាឧទ្ធរណ៍នឹងផ្តល់យុត្តិធម៌ដល់ខ្លួន។

ប្រភពព័ត៌មានបានឱ្យដឹងថា ៖ ជនសង្ស័យដែលជាជនជាតិថៃមាន ឈ្មោះ សីលប៉ាក់ កាន់នុកផុន ភេទប្រុស អាយុ៤៨ឆ្នាំ ជនជាតិថៃ។ រីឯនារីរងគ្រោះ មាន ឈ្មោះ ឡ.ស.វ.ម អាយុ២៨ឆ្នាំ ជាតិខ្មែរ មុខរបរលក់ដូរ ទាំងពីរនាក់ រស់នៅក្នុងភូមិអូរតាពុកក្រោមសង្កាត់ទួលល្វា ក្រុងប៉ៃលិន ខេត្តប៉ៃលិន។

បើតាមប្រភពព័ត៌មានពីនារីរងគ្រោះ បានឱ្យដឹងថា នាងបានដាក់ពាក្យបណ្តឹងទៅអយ្យការអមសាលាដំបូងខេត្តប៉ៃលិន សុំប្តឹងពីឈ្មោះ សីលប៉ាក់ កាន់នុកផុន ភេទប្រុស អាយុ៤៨ឆ្នាំ ជនជាតិថៃ ពីបទរំលោភសេពសន្ថវៈ ”ប្រព្រឹត្តនៅខេត្តប៉ៃលិន និងនៅប្រទេសថៃ កាលពីអំឡុងខែមេសា ឆ្នាំ២០២៣ តែមិនទាន់បានយុត្តិធម៌ទេ។
ជាមួយគ្នានារីជនរងគ្រោះសង្ឃឹមជឿជាក់ឯកឧត្តមប្រធានចៅក្រមសាលាឧទ្ធរណ៍និងផ្តល់យុត្តិធម៌ដល់ខ្លួនជាក់ជាមិនខាន៕