(ខេត្តឧត្តរមានជ័យ) បងប្អូនប្រជាពលរដ្ឋ រស់នៅក្នុងសង្កាត់សំរោង ក្រុងសំរោង ខេត្តឧត្តរមានជ័យ មានការរិះគន់ ត្អូញត្អែរ រអ៊ូរទាំទៅលើក្រុមហ៊ុនប្រមូលសំរាមមានការយឺតយ៉ាវទុកឲ្យសំរាមស្អុយរលួយជាច្រើនថ្ងៃនិង គរពូនដូចភ្នំខណៈដែល ពីមួយថ្ងៃទៅមួយថ្ងៃសំរាមកាន់តែច្រើនទៅធ្វើឲ្យមានក្លិនស្អុយប៉ះពាល់ដល់បញ្ហាខ្យល់ដកដង្ហើមយ៉ាងធ្ងន់ធ្ងរ។

បើតាមការឲ្យ ដឹងពីបងប្អូនប្រជាពលរដ្ឋ ដោយគាត់សុំមិនបញ្ចេញអត្តសញ្ញាណឈ្មោះបានរៀបរាប់ប្រាប់ឲ្យដឹងនៅថ្ងៃទី២៨ខែមករាឆ្នាំ២០២៤ថា ចំពោះបញ្ហាសំរាមផងដែរ មួយរយៈថ្មីៗនេះគឺខាងក្រុមហ៊ុន មានការ យឺតយ៉ាវ ណាស់ ទុករហូតដល់ទៅ១អាទិត្យហើយពុំព្រមឃើញឡានក្រុមហ៊ុនមកប្រមូលទាល់តែសោះមួយវិញទៀត សំរាមចាប់ពី មួយថ្ងៃទៅមួយថ្ងៃសម្រាមនៅខាងមុខផ្ទះគាត់កាន់តែច្រើនឡើង ទុកឲ្យ សំរាមស្អុយរលួយ ចេញដង្កូវតាមថង់។

បើតាមប្រភព ពីប្រជាពលរដ្ឋមួយផ្សេងទៀត ក៏បានលើកឡើងដូចគ្នាដែរថាចំពោះបញ្ហាសំរាមនេះគឺតែងតែយឺតយ៉ាវជារៀងរហូតតែម្តង ប្រសិនបើ ដាច់ខែពុំទាន់ទេ បុគ្គលិកខាងក្រុមហ៊ុនប្រមូលសំរាមដឹងថាមកដល់មុខផ្ទះ ចេញវិក្កយបត្រ ប្រមូលលុយពុំដែលឲ្យលើសមួយថ្ងៃឡើយ  ហើយពេលខ្លះប្រជាពលរដ្ធបានខលទៅខាងក្រុមហ៊ុនថា មិចបានក្រមកយកសម្រាមបែបនេះ តែភាគីខាងក្រុមហ៊ុនបានត្រឹមឆ្លើយដោះសារយ៉ាងខ្លីថា ឡានមានតែ២គ្រឿងថ្ងៃខ្លះយកពុំទាន់នោះទេ។

គួររំលឹកថា ចំពោះបញ្ហាសំរាមនេះផងដែរ កន្លងមក ក្រោយពីខាងរដ្ឋបាលក្រុងសំរោងធ្វើការណែនាំទៅដល់ម្ចាស់ក្រុមហ៊ុនសំរាម គឺការប្រមូលសំរាម រហ័សនិងលឿនថ្ងៃបន្តិចដោយឡែកមួយរយៈចុងក្រោយនេះគឺថាក្រុមហ៊ុនសំរាមទុករហូតដល់ទៅមួយសប្ដាហ៍មិនទាន់ឃើញមកយកទៀត ជុំវិញការលើកឡើងរបស់បងប្អូនប្រជាពលរដ្ឋរិះគន់ទៅលើក្រុមហ៊ុនប្រមូលសម្រាមនេះផងដែរ ខាងមេការក្រុមហ៊ុន (យូធីលីធី)បានឆ្លើយរៀបដោះសារហើយអះអាងយ៉ាងខ្លីថា មូលហេតុនាំឲ្យមានការយឺតយ៉ាវមកពីឡានក្រុមហ៊ុនឧស្សាខូតពេកទើបបានជាមានការយឺយ៉ាវចឹងនោះ។

សូមជម្រាបផងដែរថាបើតាមការអះអាងពីបងប្អូនប្រជាពលរដ្ឋ បានលើកឡើងថាប្រសិនបើក្រុមហ៊ុនប្រមូលសំរាមទុកត្រឹមរយៈពេលបីទៅបួនថ្ងៃសម្រាមពុំសូវច្រើននោះទេតែបើទុកចាប់ពីមួយអាទិត្យឡើងទៅហើយសំរាមកាន់តែច្រើនឡើងគរដូចភ្នំ ដូចនេះ ក្នុងនាមប្រជាពលរដ្ឋក៏ទូចស្នើសុំឲ្យ អាជ្ញាធរមានវិធានការទៅលើក្រុមហ៊ុនប្រមូលសំរាមប្រញាប់ មក ដឹកសំរាមទៅចាក់ចោលនៅទីលានកុំឲ្យទុកយូរថ្ងៃបែបនេះរហូតធ្វើឲ្យប៉ះពាល់ក្លិនស្អុយ ពិបាកក្នុងការរស់នៅជាប្រចាំផងដែរ។ឈឹម.កុសល