Wednesday, July 24, 2024
Home ទំព័រដើម ក្រុមការងារគ្រប់គ្រងសិស្ស-និស្សិត អមត ខេត្តកោះកុង បានធ្វើការចែកទៀនជាអង្ករជូនដល់បងប្អូនប្រជាពលរដ្ឋខ្វះខាត និងអ្នករត់ម៉ូតូឌុបជាង ៥០០ នាក់

ក្រុមការងារគ្រប់គ្រងសិស្ស-និស្សិត អមត ខេត្តកោះកុង បានធ្វើការចែកទៀនជាអង្ករជូនដល់បងប្អូនប្រជាពលរដ្ឋខ្វះខាត និងអ្នករត់ម៉ូតូឌុបជាង ៥០០ នាក់

កោះកុង÷ នៅរសៀលថ្ងៃទី ២២ ខែមករា ឆ្នាំ២០២៤ ក្រុមការងារសមាគមន៍សិស្ស-និស្សិតអាហារូបករណ៍សម្ដេចអគ្គមហាសេនាបតីតេជោ ហ៊ុន សែនសម្ដេចគតិព្រឹទ្ធបណ្ឌិត (អ.ម.ត) ខេត្តកោះកុង បានដឹកនាំក្រុមការងារ និងក្រុមនិស្សិត បាននាំយកអំណោយដ៏ថ្លៃថ្លារបស់សម្ដេចមហាបវរធិបតី ហ៊ុន ម៉ាណែតប្រធានសមាគម (អ.ម.ត) និងលោកជំទាវបណ្ឌិត ពេជ្រ ចន្ទមុនី្ន ជាអង្ករចំនួនជាង ៥០០ បាវ តូច មកធ្វើការចែកទៀនជូនដល់បងប្អូនប្រជាពលរដ្ឋដែលមានជីវភាពខ្វះខាត និងអ្នកប្រកបរបររត់ម៉ូតូឌុប នឹងអ្នករត់រីម៉ក ចំនួន ជាង ៥០០ នាក់ នៅទីស្នាក់ការក្រុមការងារគ្រប់គ្រងសិស្ស-និស្សិត ខេត្តកោះកុង។

ក្លែងក្នុងពិធីចែកទៀនជាអង្ករ លោក ហាក់ ឡេង ប្រធានសមាគមន៍គ្រប់គ្រងសិស្ស- និស្សិតខេត្តកោះកុង បានលើកឡើងថា ថ្ងៃនេះជាថ្ងៃចម្រើនព្រះជន្ម លោកជំទាវពេជ្រ ចន្ទមុន្នី ដែលមានព្រះជន្ម ៤៣ ឈានចូល ៤៤ ឆ្នាំ ក្រុមការងារក៏បានរៀបចំកម្មវិធីចែកទៀនជាអង្ករ ជូនដល់បងប្អូនដែលមានការខ្វះខាត និងអ្នករត់ម៉ូតូឌុប ក៏ដូចជាអ្នករត់រម៉ក ដើម្បីឲ្យគាត់បានទទួលទាន។

លោកបានបញ្ជាក់ថា ក្រៅពីផ្ដល់អាហាររូបករណ៍ដល់សិស្ស-និស្សិតក្រីក្រ នឹងធ្វើការចែកទានជាអង្ករ ក្រុមការងារយើងបានធ្វើកម្មវិធីចុះសួរសុខទុក្ខជនចាស់ជរាងាយរងគ្រោះ និងចុះតាមបណ្ដាស្រុកធ្វើការចែកមួកសុវត្ថិភាព ដើម្បីពង្រឹងច្បាប់ចរាចរណ៍ផ្លូវគោក ។ បន្ថែមជាងនេះក្រុមការងារក៏បានធ្វើការចែកអំណោយសម្រាប់សិក្សានុសិស្សដែលកំពុងសិក្សានៅថ្នាក់វិទ្យាល័យ និងថ្នាក់មធ្យមសិក្សា។

លោក ហាក់ ឡេង បានបញ្ជាក់បន្ថែមថា  សម្រាប់ផែនការឆ្នាំ ២០២៤ នេះ លោកនឹងត្រៀមកញ្ចប់សម្រាប់សិស្សថ្នាក់ទី ១២ ដែលមានជីវភាពក្រីក្រ ក្រុមការងារលោកនឹងស្វែងរកមូលនិធិដើម្បីជួយដល់ពួក គាត់ដែលមិនមានលទ្ធភាពបន្តការសិក្សា។

សូមបញ្ជាក់ថា ក្រុមការងារគ្រប់គ្រងសិស្ស-និស្សិតអាហារូបករណ៍សម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត(អ.ម.ត) ខេត្តកោះ កុង មិនតែជួយដល់សិស្ស-និស្សិតថ្នាក់ទី ១២ប៉ុណ្ណោះទេ ក្រុមការងារគ្រប់គ្រងសិស្ស-និស្សិត អាហារូបករណ៍ខេត្តកោះ កុង ក៏កំពុងសិក្សាដើម្បីបន្តជួយដល់សិស្សមហាវិទ្យាល័យ និងសាកលវិទ្យាល័យ ដែលមានជីភាពខ្វះខាត់បន្ថែមទៀត៕ ដោយ ញុឹប សន

LEAVE A REPLY

Please enter your comment!
Please enter your name here

- Advertisment -

Must Read

ពិធីបើកវគ្គបំប៉នការងារដឹកនាំដល់ស្នងការរង នៃស្នងការរដ្ឋាននគរបាលរាជធានី-ខេត្ត

ខេត្តរតនគិរី ៖ ស្នងការរង នៃស្នងការរដ្ឋាននគរបាលចំនួនបួនខេត្ត ត្រូវបានបើកវគ្គបំប៉នជំនាញការងារដឹកនាំ ដើម្បីបង្កើនចំណេះដឹង លើកកម្ពស់ប្រសិទ្ធភាពដឹកនាំ កងកម្លាំងមន្ត្រីយុត្តិធម៌។ ការរៀបចវគ្គបំប៉ននេះ ស្របតាមផែនការ របស់អគ្គស្នងការរដ្ឋាននគរបាលជាតិ ជូនដល់ស្នងការរងតាមបណ្ដារាជធានី ខេត្ត ។ ទើបថ្ងៃនេះស្នងការរដ្ឋាននគរបាលខេត្តរតនគិរី បានរៀបចំបើកវគ្គនេះឡើង។ ពិធីបើកវគ្គនេះ បានរៀបចំឡើងនាព្រឹកថ្ងៃទី៦ ខែកក្កដា ឆ្នាំ២០២៤ នៅស្នងរដ្ឋាននគរបាលខេត្តរតនគិរី ក្រោមអតីភាព ឯកឧត្ដម ឧត្ដមសេនីយ៍ឯក តាន់...