បន្ទាយមានជ័យ៖ ពីរកន្លែងសមត្ថកិច្ចបង្ក្រាបគ្រឿងញៀន បាន២៥ថង់តូចធំ និងឃាត់បានមនុស្សចំនួន១៣នាក់នៅក្រុងប៉ោយប៉ែតកាលពីថ្ងៃទី២០ ខែមករា ឆ្នាំ២០២៤ ស្ថិតភូមិមិត្តភាព សង្កាត់.ក្រុងប៉ោយប៉ែត។
ស្នងការរងផែនការងារប្រឆាំងគ្រឿងញៀនខេត្តបន្ទាយមានជ័យលោកឧត្តមសេនីយ៍ត្រី ធិន ស៊ីនដេត បានប្រាប់ថា៖ជាការណែនាំពីលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ ហើយកម្លាំងការិយ៉ាល័យប្រឆាំងគ្រឿងញៀនខេត្ត បានសហការជាមួយផ្នែកប្រឆាំងគ្រឿងញៀននៃអធិការដ្ឋាននគរបាលក្រុងប៉ោយប៉ែត បានចុះស្រាវជ្រាវនិងកំណត់មុខសញ្ញាឈានដល់ចុះប្រតិបត្តិការបង្ក្រាបចំនួន២កន្លែងឃាត់ខ្លួនមនុស្ស១៣នាក់ ស្រី២នាក់។
លោកបានបញ្ជាក់ថា៖ បង្ក្រាបទីតាំងទី១.ឃាត់ជនសង្ស័យម្នាក់ឈ្មោះ ស៊ុន ពិសិដ្ឋ ភេទប្រុសអាយុ៣៦ឆ្នាំរស់នៅភូមិមិត្តភា សង្កាត់.ក្រុងប៉ោយប៉ែតដកហូតរត្ថុតាងគ្រឿងញៀនប្រភេទម្ស៉ៅក្រាមសថ្លា២ថង់ធំនិងថ្នាំញៀនគ្រាប់ពណ៌ក្រហម១ថង់ធំ និងឃាត់ខ្លួនអ្នកប្រើប្រាស់ចំនួន៥នាក់ក្នុងនោះស្រីម្នាក់និងទីតាំងទី២.ឃាត់ខ្លួនជនសង្ស័យឈ្មោះ ធឿន រឿត ភេទស្រី អាយុ៤២ឆ្នាំ រស់នៅភូមិជាមួយគ្នាដកហូតគ្រឿងញៀនប្រភេទម្ស៉ៅក្រាមសថ្លា១ថង់ធំនិង២១ថង់តូចនិងជញ្ជីងថ្លឹងគ្រឿងញៀន១គ្រឿងនិងឃាត់ខ្លួនប្រើប្រាស់ចំនួន៨នាក់។
លោកឧត្តមសេនីយ៍ត្រី ធិន ស៊ីនដេត បានបញ្ជាក់ថា៖ ក្រោយឃាត់ជនសង្ស័យប្រុស.ស្រី១៣នាក់និងគ្រឿងញៀន២៥ថង់ ដែលមាន៤ថង់ធំ និង២១ថង់តូច ត្រូវបញ្ជូនមកស្នងការដ្ឋាននគរបាលខេត្តបន្ទាយមានជ័យដើម្បីសាកសួរតាមចម្លើយសារភាពមាន២នាក់ជាអ្នកជួញដូរ និងចែកចាយគ្រឿងញៀន និង១១នាក់ជាអ្នកប្រើប្រាស់គ្រឿងញៀនក្រោយសាកសួរហើយបានកសាងសំណុំរឿងបញ្ជូនទៅសាលាដំបងខេត្តបន្ទាយមានជ័យដើម្បីអនុវត្តតាមច្បាប់៕(សៅនៅ)
