ខេត្តរតនគិរិ ៖ ការអញ្ជើញសែនព្រេនបន់ស្រន់ធ្វើឡើងនៅព្រឹកថ្ងៃទី១២ ខែមេសា ឆ្នាំ២០២៤ ដោយមានការអញ្ជើញចូលរួម ពី

សំណាក់ ប្រធាន-អនុប្រធានមន្ទីរអង្គភាពជុំវិញខេត្ត និងមន្រ្តីអ្នកមុខ អ្នកការជាច្រើនរូបទៀត។ ទីតាំងសក្ការៈបូជាស័ក្តសិទ្ធិទាំង៣កន្លែង ដែលឯកឧត្តម និងលោកជំទាវ

អញ្ជើញទៅបន់ស្រន់រួមមាន ៖ អាស្រមលោកតា ប៊ូ ជួង( លោកតាបឹងកន្សែង) អាស្រមលោកតាបឹងយក្ខឡោម

(លោតាឡោន) និងព្រះអង្គធំ ស្ថិតនៅកំពូលភ្នំឥសីបតមៈ(ភ្នំស្វាយ)។

      ក្នុងឱកាសនេះដែរ ឯកឧត្តមអភិបាលខេត្តរតនគិរី និងលោកជំទាវ រួមនឹងមន្រ្តីអ្នកមុខ  អ្នកការ បានលើកហត្ថប្រណមបួងសួងដល់  ទស្សបារមីលោកតាបឹងយក្ខឡោម និងទស្សបារមីមេកន្រ្ទាញ គឺលោកតាឡោន  និងទស្សបារមីលោកតាបឹងកន្សែង និងទស្សបារមីព្រះអង្គធំ ព្រមទាំងវត្ថុស័ក្តសិទ្ធិ ដែលមាន រិទ្ធតេជៈ សូមអស់លោកជួយឃុមគ្រងថែរក្សាទឹក

ដីខេត្តរតនគិរី នៅអំឡុងពេល នៃពិធីបុណ្យចូលឆ្នាំថ្មីប្រពៃណីជាតិខ្មែរឆ្នាំរោង ឆស័ក ព.ស២៥៦៨ គ.ស ២០២៤ ដែលរដ្ឋបាលខេត្តនឹងរៀបចំមហាព្រឹត្តិការណ៍សង្រ្កាន្តរតនគិរីរយៈពេល៤ថ្ងៃខាងមុខនេះ អោយទទួលបាននូវសិរីសួស្តី សេចក្តីសុខចម្រើន ដល់ថ្នាក់ដឹកនាំគ្រប់លំដាប់ថ្នាក់  មន្ត្រីរាជការ ប្រជាពលរដ្ឋក្នុងខេត្តរតនគិរីទាំងមូល។ជាពិសេសសូមទេវតាឆ្នាំថ្មី ព្រះនាម  មហោទរាទេវី ជា បុត្រីទី៧ របស់ កបិល មហាព្រហ្ម ដែលនឹងយាងមកគ្រប់គ្រងផែនដីនាឆ្នាំថ្មីនេះ

 តាមជួយបីបាច់ថែរក្សា ប្រោសព្រហ្មសិរីសួស្តី វិបុលសុខ មហាប្រសើរចូលកើតមានដល់ពុកម៉ែបងប្អូនប្រជាពលរដ្ឋក្នុងខេត្តរតនគិរីគ្រប់ៗក្រុមគ្រួសារ និងសូមឆ្នាំថ្មី   នាំមកនូវជ័យជំនះថ្មី៕

ដោយ ភួងផុន