បាត់ដំបង ៖ ប្រជាពលរដ្ឋតំបន់ស្ទឹងគ្រញូង ស្រុកសំឡូត ខេត្តបាត់ដំបង សម្តែងការហួសចិត្ត ដោយសុខៗ ដីព្រៃបរិស្ថានចំណុចភ្នំត្រីរ៉ស់ ជិតស្ទឹងគ្រញូង ក្នុងភូមិសាស្រ្តភូមិស្វាយជ្រុំ និងភូមិអូរជាំ ឃុំកំពង់ល្ពៅ ស្រុកសំឡូត ខេត្តបាត់ដំបង ត្រុវបានក្រុមឈ្មួញមានលុយមានអំណាច ដុតព្រៃនិងប្រើគ្រឿងចក្រប្រភេទអាបុល និងត្រាក់ទ័រ ជាច្រើនគ្រឿង ឈូសឆាយយ៉ាងរំពងព្រៃ រហូតចូលដីវត្តស្ទឹងគ្រញូង បង្កអោយព្រះសង្ឃ គណៈកម្មាវត្តនិងពុទ្ធបរិស័ទ នៅមិនសុខ។

តាមប្រជាពលរដ្ឋ រស់នៅតាមមាត់ស្ទឹងគ្រញូង ជុំវិញទីតាំងដែលគេកំពុងឈូសឆាយព្រៃ បានអោយដឹងកាលពីថ្ងៃទី២ ខែកុម្ភះ ឆ្នាំ២០២៤ ថា ប្រហែលជាមួយខែហើយ នៅឆ្នាំ២០២៤នេះ មិនដឹងជាអ្នកមានលុយមានអំណាច មកពីណាទេ បានធ្វើសកម្មភាព ឈូសឆាយដីព្រៃរបស់បរិស្ថាន ដែលគេហាមឃាត់កន្លងមក ។តែគ្រាន់តែនិយាយតៗគ្នាថា ក្រុមហ៊ុនចិនទិញយកទាំងអស់។
ហើយបើតាមយុវជនខ្វាលគោរម្នាក់ ដែលតែងតែខ្វាលគោ តាំងពីតូចនៅចំណុចព្រៃក្រោយវត្ត និងចំណុចភ្នំត្រីរ៉ស់ ក៏បានអោយដឹងដែលថា រូបគេក៏មិនស្គាល់ថា ជាអ្នកណាទេ ដែលឈូសឆាយដីព្រៃ ដែលរូបគេតែខ្វាលគោរអោយស៊ីស្មៅតាំងពីតូចៗ ហើយការឈូសឆាយ ដោយគ្រឿងចក្រនេះ ប្រហែល ៥ថ្ងៃហើយ ហើយឥឡូវយុវជនរូបនេះ លែងអោយគោទៅតំបន់នោះទៀតហើយ ព្រោះពេលយកគោទៅចង គេស្រាយខ្សែរគោ និងហាមមិនអោយចូលទៀត ។
ចំណែកព្រះសង្ឃក៏ដូចជា អាចារ្យ យាយជី នៅនឹងវត្តស្ទឹងគ្រូញូង ក៏មានសង្ឃដីកា និងប្រាប់អោយថា ប៉ុន្មានថ្ងៃមកនេះ មានសកម្មភាពឈូសឆាយដីព្រៃ ចំណុចខាងលើ ហើយនិងមានការបោះបង្គោលបេតុងព័ន្ធព្រៃចូលដីវត្ត ក្នុងនោះតាមលោកចុះពិនិត្យជាក់ស្តែង គឺ ឈូសដីព្រៃចូលដីរបស់វត្ត ជាងមួយហិចតា ដែលខេត្តប្រគល់អោយ មានចំនួនសរុបជិត១០ហិចតា។ ជាមួយនឹងការឈូសដីព្រៃចូលដីវត្តនេះដែរ បើមិនមានការដោះស្រាយទេ ពុទ្ធបរិស័ទ នឹងគាំទ្រលោកនាំគ្នាយកកាំបិត ពូថៅ ទៅទីតាំងនោះជាមិនខាន់។

ពាក់ពន្ធ័ករណីខាងលើនេះ លោកកតបូរានប្រធានមន្ទីរបរិស្ថានខេត្តបាត់ដំបង បានអោយដឹងថា ដីទីនោះជាដីសប្បទានសង្គមកិច្ច មានចំនួន១០២១ហិចតា ដែលដកពីប្រជាពលរដ្ឋ តែអាចអោយពលរដ្ឋគាត់អាស្រ័យផលបាន តែការឈូសឆាយដោយគ្មានច្បាប់អនុញាតិមិនបានទេ ដីនៅចំណុចខាងលើឃើញគេសុំច្បាប់តែឈូសឆាយធ្វើផ្លូវប៉ុណ្ណុះមិនបានសុំច្បាប់ឈូសរានព្រៃនោះទេ លោកនិងអោយមន្រ្តីរបស់លោក ចុះពិនិត្យមើលបើឃើញថាបានឈូសឆាយព្រៃមែនលោកនិងហាមឃាត់ភ្លាម ។

ជុំវិញការឈូសឆាយមានច្បាប់ ឬមិនមានច្បាប់ ឈូសដីព្រៃយ៉ាងណានោះ ក្រុមអ្នកសារព័ត៌មានយើងបានទំនាក់ទំនងតាមទូរស៍ព្ទទៅលោកអភិបាលស្រុកសំឡូតដែរតែទូរស័ព្ទ រោដ៍ជាច្រើនដងគ្មានអ្នកទទួល៕