កម្ពុជា-ព្រឹកនេះនៅវេលាម៉ោងជាង៥ទៀបភ្លឺ ថ្ងៃទី២៦ ខែកក្កដា ឆ្នាំ២០២៥នេះ ទាហានថៃឈ្លានពាន បានបាញ់ចំនួន៥គ្រាប់ចូលដីកម្ពុជាយើង ហើយស្ងាត់មួយសន្ទុះ តែនៅវេលាម៉ោងជិត៨ ពួកគេបានចាប់ផ្តើមបាញ់មកទៀត។ នៅពេលនេះកងទ័ពកម្ពុជាស្ថិតនៅក្នុងត្រៀមវាយបកទៅវិញ។ សូមបងប្អូនជនរួមជាតិ និងអន្តរជាតិជ្រាបជាព័ត៌មាន អំពីយោធាថៃឈ្លានពានទឹកដីកម្ពុជានៅតាមបន្ទាត់ព្រំដែន៕ ប្រភព FN

អ្នកនាំពាក្យក្រសួងការពារជាតិ លោកស្រី ម៉ាលី សុជាតា បានសង្កត់ធ្ងន់ថា កម្ពុជាតែងតែបានរំឭកភាគីថៃជាច្រើនលើកច្រើនសារហើយថា តំបន់នៅតាមព្រំដែនទាំងនេះ នៅមានសំណល់គ្រាប់មីន ដែលបន្សល់ទុកពីសង្គ្រាមជាច្រើនគ្រាប់ ហើយមិនទាន់ត្រូវបានបោសសម្អាតអស់។ ជាមួយគ្នានេះ អ្នកនាំពាក្យក្រសួងការពារជាតិកម្ពុជា ក៏ជំរុញឱ្យភាគីថៃអនុវត្តតាមការឯកភាពគ្នាលើការប្រើប្រាស់តម្រាយផ្លូវសម្រាប់ដើរល្បាត ដូចដែលមានចែងនៅក្នុងអនុស្សារណៈយោគយល់គ្នាឆ្នាំ២០០០ (MOU 2000) ចៀសវាងការអនុវត្តផ្ទុយពីនេះ។ «វាជាការដែលគួរឱ្យសោកស្តាយយ៉ាងខ្លាំងបំផុតដែលភាគីថៃ មិនត្រឹមតែមិនបានទទួលខុសត្រូវចំពោះទង្វើឈ្លានពានរបស់ខ្លួន ហើយថែមទាំងមកចោទប្រកាន់កម្ពុជាថា បានរំលោភច្បាប់អន្តរជាតិ ទាំងកម្ពុជាខ្លួនឯងជាជនរងគ្រោះដ៏អយុត្តិធម៌នៃការរំលោភបំពានច្បាប់របស់ថៃ»។ នេះបើតាមសេចក្តីប្រកាសព័ត៌មាន របស់អ្នកនាំពាក្យក្រសួងការពារជាតិ នាយប់ថ្ងៃទី២៣…