រដ្ឋមន្រ្តីក្រសួងពាណិជ្ជកម្ម លោកស្រី ចម និម្មល បានពន្យល់ថា កម្ពុជាជាសមាជិកអង្គការពាណិជ្ជកម្មពិភពលោក (WTO) ដែលមានសមាជិកប្រមាណ ១៦៦ប្រទេស គឺមានការកំណត់បន្ទាត់ពន្ធគយរួមគ្នា ដោយក្នុងនោះកម្ពុជា កំណត់បន្ទាត់៩ពន្ធគយលើទំនិញទាំងអស់មិនថា ទំនិញអាម៉េរិក មានចន្លោះពី ០% ទៅ ៣៥%។

បើតាមលោកស្រី ចម និម្មល នៅក្នុងឆ្នាំ២០២៤កន្លងទៅ ជញ្ជីងពាណិជ្ជកម្មរវាងកម្ពុជានិងអាម៉េរិក ដែលទំហំពាណិជ្ជកម្មជិត៣០០លានដុល្លារអាម៉េរិកនាំចូលមកកម្ពុជា គឺពន្ធនាំចូលលើទំនិញខ្ពស់បំផុតត្រឹមតែ២៩%ប៉ុណ្ណោះ ដូច្នេះស្ថិតនៅក្រោមបន្ទាត់កំណត់ខ្ពស់បំផុតរបស់អង្គការពាណិជ្ជកម្មពិភពលោក ៣៥%។