សន្តិសុខ

ឆក់បានហើយតែស៊តរត់មិនរួចត្រូវប្រជាពលរដ្ឋចាប់អោយសមត្ថកិច្ច

ភ្នំពេញ៖ ជនសង្ស័យម្នាក់ក្នុងចំណោម២នាក់ត្រូវបានប្រជាពលរដ្ឋដេញចាប់បានក្រោយពីធ្វើសកម្មភាពឆក់ទូរសព្ទដៃម៉ាកIphone 7X ហើយក៏ស្វាគមន៍មួយដៃមួយជើងឡើងទ្រោមខ្លួន បង្កឲ្យមានការភ្ញាកផ្អើលនៅវេលាម៉ោង១១និង១០នាទីយប់ថ្ងៃទី២២ ខែមិថុនា ឆ្នាំ២០១៨ ត្រង់ចំណុចស្តុបវត្តលង្កា ក្នុងសង្កាត់ចតុមុខ ខណ្ឌដូនពេញ រាជធានីភ្នំពេញ។

ជនសង្ស័យដែលចាប់បានមានឈ្មោះ ស៊ុន ណារិទ្ធ ភេទប្រុស ជនជាតិខ្មែរ អាយុ១៩ឆ្នាំ មុខរបរលក់បន្លែរ ស្នាក់នៅផ្ទះគ្មានលេខ ផ្លូវលំ ក្នុងសង្កាត់បឹងទំពន់ ខណ្ឌមានជ័យ។ ជនសង្ស័យដែលរត់រួចមានឈ្មោះ វណ្ណ: ភេទប្រុស អាយុ២០ឆ្នាំ ជនជាតិខ្មែរមុខរបរមិនពិតប្រាកដ រស់នៅម្តុំច្បារអំពៅ។

តាមប្រភពពីកន្លែងកើតហេតុបានឲ្យដឹងថា មុនដំបូងគេឃើញជនរងគ្រោះជិះកង់បីឥណ្ឌា តាមបណ្តោយផ្លូវ ព្រះសីហនុទិសដៅពីកើតទៅលិច កំពុងតែចុកទូរសព្ទIphone 7X លុះមកដល់កន្លែងកើតហេតុខាងលើ ក៏ស្រាប់តែមានជនសង្ស័យ២នាក់ជិះម៉ូតូឌ្រីម សង់១២៥ ពណ៌ខ្មៅ ស៊េរី២០១៨ មិនចាំស្លាកលេខមកពីក្រោយ ហើយក៏ធ្វើសកម្មភាពឆក់ទូរសព្ទបានសម្រេច ក៏ត្រូវបានម្ចាស់ទាញមកវិញ បណ្តាលឲ្យដួលភ្លាមៗជនសង្ស័យដែលជាអ្នកបើកបានលើកម៉ូតូបើករត់បាត់ស្រមោល។ ជនសង្ស័យម្នាក់ដែលជាអ្នកឆក់បានងើបរត់តាមបណ្តោយផ្លូវ៥១ទិសដៅពីជើងទៅត្បូង ខណ:មកដល់ផ្លូវ២៧៨ ក៏បោះទូរសព្ទចូលក្រោមឡាន ហើយរត់ទៅមុខទៀត ទើបប្រជាពលរដ្ឋចាប់បានស្វាគមន៍ មួយដៃមួយជើងឡើងទ្រោមខ្លួនបានប្រគល់ឲ្យសមត្ថកិច្ចប៉ុស្តិ៍ចាប់វាយខ្នោះយកមកប៉ុស្តិ៍នគរបាលរដ្ឋបាល បឹងកេងកងទី១ ដើម្បីសួរនាំទើបដឹងថាឆក់នៅទឹកដីដូនពេញ។សមត្ថកិច្ចបឹងកេងកងទី១ បានប្រគល់ឲ្យទៅសមត្ថកិច្ចប៉ុស្តិ៍នគរបាលរដ្ឋបាលចតុមុខសួរនាំបន្តនិងប្រគល់ទូរសព្ទឲ្យទៅជនរងគ្រោះវិញ។
បច្ចុប្បន្នជនសង្ស័យត្រូវបានសមត្ថកិច្ចខណ្ឌដូនពេញឃុំខ្លួន បណ្តោះអាសន្នរង់ចាំបញ្ជូនបន្តទៅតាមនិតិវិធីច្បាប់៕

 

 

SHARE
RELATED POSTS
ប៉េអឹមផ្កាយពីរម្នាក់លួចចិញ្ចឹមស្រីត្រូវប្រពន្ធតាមទាន់វាយបំបែកកញ្ចក់រថយន្ត570នឹងទ្វាផ្ទះផ្អើលបុរីលេមឈាងហាក់
គ្រោះធម្មជាតិខ្យល់កន្រ្តាក់ ផ្ដួលរំលំផ្ទះ២ខ្នង នៅស្រុកលំផាត់
បែកការ ឈូសឆាយ អតីត​ដីព្រៃ​លិច​ទឹក ពិតជា​អត់​សុំច្បាប់ និង​បា​នប​ញ្ឍ​ប់គ្រឿង​ចក្រ អោយ​ម្ចាស់​សុំច្បាប់​ឡើងវិញ ខណ:ដែល​ម្ចាស់​ដី​ឈូសឆាយ​ជិត​រួចហើយ

Leave Your Reply

*