ការនាំចូលកសិផលផ្លែប័រ និងក្រូចផាស់សិន ពីប្រទេសវៀតណាមតាមច្រកព្រំដែនផ្សេងៗក្នុងខេត្តមណ្ឌលគិរី មានការកើនឡើង

ខេត្តមណ្ឌលគិរី៖ ការនាំចូលកសិផលផ្លែប័រ និងក្រូចផាសសិន ពីប្រទេសវៀតណាមតាមច្រកព្រំដែនផ្សេងៗក្នុងខេត្តមណ្ឌលគិរី មានការកើនឡើង ដែលជាហេតុធ្វើអោយប្រជាពលរដ្ឋនៅក្នុងខេត្តមណ្ឌលគិរី និងភ្ញៀវទេសចរណ៍មានការព្រួយបារម្មយ៉ាងខ្លាំងពាក់ព័ន្ធទៅនឹងសុខភាពរបស់ពួកគាត់។

ប្រជាពលរដ្ឋដែលសុំមិនបញ្ចេញឈ្មោះបាននិយាយថា ការព្រួយបារម្ភរបស់គាត់ចំពោះការនាំចូលផ្លែឈើពីប្រទេសវៀតណាម ទីមួយពួកគាត់លក់ផ្លែប័រមានការថយចុះពីមួយថ្ងៃទៅមួយថ្ងៃដោយសារពួកគាត់ដើរទិញផ្លែប័រធម្មជាតិនៅតាមចំការមានតម្លៃថ្លៃ ការយកទៅដាក់លក់បន្តចំណេញបានបន្តិចបន្តួចសម្រាប់ដោះដូរជីវភាពប្រចាំថ្ងៃរបស់ពួកគាត់ តែក្រោយពេលដែលកសិផលរបស់ប្រទេសវៀតណាមនាំចូលមក ធ្វើអោយតម្លៃទីផ្សារមានការប្រែប្រួល ពីព្រោះកសិផលដែលនាំមកប្រពីប្រទេសវៀតណាមមានតម្លៃទាបជាងតម្លៃផ្លែប័រធម្មជាតិ អ្នកលក់ច្រើនទទួលយកផ្លែប័រនាំចូលមកពីប្រទេសវៀតណាមជាងបានចំណេញច្រើនពីព្រោះទទួលយកផ្លែប័រពីវៀតណាមក្នុងមួយគីឡូតម្លៃ៤០០០រៀល ដាក់លក់បន្តរចាប់ពី៨០០០រៀលឡើងទៅ។

គាត់បានបន្ថែមថា ចំណែកផ្លែក្រូចផាសសិនវិញ គឺគេនាំចូលទាំងរថយន្តៗពីប្រទេសវៀតណាមតាមច្រកដាក់ដាំ យកទៅចែកចាយបន្តនៅតាមផ្សារទំនើបផ្សេងៗក្នុងរាធានីភ្នំពេញ រីឯកសិករបង្កើនបង្ករដំណំាកសិផលក្រូចផាស់សិនក្នុងខេត្តមណ្ឌលគិរី ពុំមានទីផ្សារ ដោយសារអ្នកទិញយកទៅចែកចាយបន្តអោយក្នុងតម្លៃទាប សូម្បីអោយថ្លៃឈ្នូលកម្មករមើលថែមិនរួចផង។

ពួកគាត់បានបន្ថែមទៀតថា ពីមុនមានមន្រ្តីកាំងកុងត្រូលនៅតាមច្រកព្រំដែន រាល់ទំនេញនាំចូលគឺតែងតែធ្វើការត្រួតពិនិត្យទៅលើគុណភាពកសិផលផ្សេងៗដែលនាំចូលពីប្រទេសវៀតណាម តែបច្ចុប្បន្ននេះពុំមានឡើយ ដោយសាររាជរដ្ឋាភិបាល មិនអនុញ្ញាតអោយមន្រ្តីកាំកុងត្រូលឈរជើងនៅតាមច្រកព្រំដែន ដូច្នេះហើយមិនដឹងថាកសិផលនឹងមានជាតិគីមី រឺមិនមាននោះទេ។

ពួកគាត់ស្នើដល់អាជ្ញាធរ និងមន្រ្តីជំនាញពាក់ព័ន្ធនៅក្នុងខេត្តមណ្ឌលគិរី មេត្តាមានចំណាត់ការ និងរកទីផ្សារអោយពួកគាត់ដែលខិតខំបង្កបង្កើនកសិផលដូចជាដំណាំប័រ និងដំណាំក្រូចផាសសិនជាដើម៕ដោយ(រមនា)