រថយន្តបែកកង់ក្រឡាប់ច្រើនត្រឡប់ បណ្ដាលឱ្យស្លាប់អ្នករួមដំណើរតៃកុងរបួស

ខេត្តកំពង់ស្ពឺ៖ យុវជនម្នាក់បានបោកក្បាលស្លាប់ភ្លាមៗនៅកន្លែងកើតហេតុនិងម្នាក់ទៀតរងរបួសហើយដឹកយកទៅព្យាបាលភ្លាមៗ ខណៈដែលបើករថយន្តលឿនពេកក្រឡាប់ច្រើនត្រឡប់ធ្លាក់ផ្លូវកាលពីវេលាម៉ោង០៥ល្ងាចថ្ងៃទី២៩ខែកក្កដា ឆ្នំា២០១៩នៅតាមបណ្តោយផ្លូវជាតិលេខ១៣៦ចំណុចភូមិពាណិជ្ជ ឃុំយាអង្គ ស្រុកថ្ពង ខេត្តកំពង់ស្ពឺ ។
នគរបាលស្រុកថ្ពងបាននិយាយថាមាន
ករណីគ្រោះថ្នាក់ចរាចរណ៍មួយបានកើត នៅលើផ្លូវលេខ១៣៦ នៅក្នុងឃុំយាអង្គបានកើតឡើងដោយខ្លួនឯង រថយន្តក្រឡាប់៥ត្រឡប់បណ្ដាលឱ្យស្លាប់មនុស្សម្នាក់ភេទប្រុសអាយុជាង២០ឆ្នាំ(អ្នករួមដំណើរ) រស់នៅក្រុងតាខ្មៅ ខេត្តកណ្ដាល និង ម្នាក់ទៀតរងរបួសស្រាលជាអ្នកបើកបររថយន្ត។
បើតាមប្រជារដ្ឋប្រាប់នគរបាលអោយឱ្យដឹងថា មុនពេលកើតគេបានឃើញរថយន្តម៉ាកវីហ្គោល(VIGO)ពណ៌ទឹកប្រាក់ពាក់ស្លាកលេខភ្នំពេញ2F7487ខាងលើបើកបរក្នុងល្បឿនលឿនហើយដល់ផ្លូវកោង រថយន្ដខាងលើបានបែកកង់ក្រោយខាងស្ដាំហើយ ក៏រេចង្កូតក្រឡាប់ធ្លាក់ផ្លូវខាងស្ដាំហើយម្ចាស់ឡានខំបួងចង្កូតឡើងផ្លូវវិញ បែរជាក្រឡាប់តែម្ដងទៅ ។
ជនរងគ្រោះធ្វើជាកម្មករក្រុមហ៊ុនផ្សារដែកធ្វើឃ្លាំង ហើយមកដល់ពេលនេះជនរងគ្រោះ(ស្លាប់)បានបញ្ជួនទៅផ្ទះរបស់ជនរងគ្រោះ នៅតាខ្មៅហើយតាមរថយន្តសាមុយស្រុកថ្ពង។រថយន្តខាងលើយកទៅរក្សាទុកនៅអធិការដ្ឋាននគរបាលស្រុកថ្ពងរងចាំសាច់ញាតិមកទទួលយក៕