ឯកឧត្តម ប្រាក់ សុវណ្ណ បាននាំយកទេយ្យទាន និងទៀនព្រះវស្សាមកប្រគេនព្រះសង្ឃគង់ចាំព្រះវស្សាដល់វត្តចំនួន៥ ក្នុងក្រុងព្រះវិហារ

ខេត្តព្រះវិហារ៖ នៅព្រឹកថ្ងៃទី២២ ខែកក្ដដា ឆ្នាំ២០១៩នេះ ឯឧត្តម ប្រាក់ សុវណ្ណ អភិបាលខេត្តព្រះវិហារ ព្រមទាំងថ្នាក់ដឹកនាំមន្ត្រីរាជការជុំវិញខេត្តបាននាំយក ទេយ្យទានមកប្រគេនព្រះសង្ឃគង់ចាំព្រះវស្សាអស់ត្រីមាសចំនួន៥វត្ត ក្នុងខេត្តព្រះវិហារ ដែលបានប្រារព្ធឡើងក្នុងវត្តព្រះពុទ្ធមានជ័យ ហៅវត្តប៉ាលហាល ស្ថិតក្នុងភូមិប៉ាលហាល សង្កាត់ប៉ាលហាល ក្រុងព្រះវិហារ ខេត្តព្រះវិហារ ។
​​​​
ឯឧត្តម ប្រាក់ សុវណ្ណ មានប្រសាសន៍នាឱកាសនោះ ឯកឧត្តមបាននាំយកទៀនវស្សា និងទេយ្យទានមកប្រគេនព្រះសង្ឃដែលគង់ចាំព្រះវស្សាអស់ត្រីមាសដល់វត្តចំនួន៤៩វត្តរួចមកហើយ ហើយឯកឧត្តមបាននាំយកទេយ្យទាន និងទៀនព្រះវស្សាមកប្រគេនដល់វត្តចំនួនប្រាំទៀតគឺ វត្តពុទ្ធមានជ័យ វត្តឧត្តមមុនី វត្តឥសាន្ដគីរី វត្តសាមគ្គីមានជ័យ និងវត្តប្រាសាទគោគបេង ។ ដែលក្នុងវត្តនីមួយៗទទួលបានទៀនព្រះវស្សាចំនួន១គូរ អង្ករ២បេ មី២កេះ ទឹកសុទ្ធ២​កេះនិងស្បង់ជីវចំនួន១ ក្រណាត់សរ និង ថវិកា១០០០០ រៀល ចែកជូនឧបាសក់ឧបាសិកា ។ ថវិកាសរុបទាំងអស់ចំនួន ១៤៥០ដុល្លា និង១២០០០០០ រៀល ។

ឧបាសិកា ប៊ុន សៀងលី ត្រូវជាម្តាយសម្តេចកិតិ្តព្រឹទ្ធបណ្ឌិត ប៊ុន រ៉ានី ហ៊ុន សែន បាននាំយកបច្ច័យចំនួន ២០០០០$ ក្នុងការសាងសង់ព្រះវិហារវត្តព្រះពុទ្ធមានជ័យផងដែរ ៕ដោយ: ម៉ែន សុគន្ធា