បង្គោលរបងបេតុងជាង៣០០ដេីម ត្រូវខាងមន្ត្រីជំនាញបរិស្ថានខេត្ត កម្ទេចចោល ដោយសារតែក្រុម ឈ្មួញខិលខូចឃុបឃិតគ្នារំលោភយកដីព្រៃរបស់រដ្ឋ

ខេត្តកំពង់ស្ពឺ៖ បន្ទាប់ពីមានការចង្អុលបង្ហាញរបស់ឯកឩត្តមរដ្ឋមន្ត្រីក្រសួងបរិស្ថានរួចមកនិងមានការឯកភាពពី លោកប្រធានមន្ទីរបរិស្ថានខេត្តកំពង់ស្ពឺក្រោមការដឹកនាំកម្លាំងដោយលោក ហ៊ុល ម៉ារ៉ា អនុប្រធានការិយាល័យ ដែនជំរក សត្វព្រៃភ្នំឱរ៉ាល់ បានចុះដកហូតបង្គោលរបងសួល ថ្មរ និងធ្វេីការវាយកម្ទេចចោលនៅបង្គោលបេតុងប្រមាណជាង៣០០ដេីម ដែលក្រុមឈ្មួញខិលខូចធ្វេីការលួចលាក់ឃុបឃិត ហ៊ុំព័ទ្ធយកដីព្រៃសហគមន៍របស់រដ្ឋ(ឧត្តមស្រែពស់)។

កិច្ចប្រត្តិបត្តការខាងលេីនេះបានធ្វេីឡេីងនៅព្រឹកថ្ងៃទី២៣ ខែកក្តដា ឆ្នាំ២០១៩នេះ ស្ថិតនៅចំណុចខាងក្រោយភូមិពោធិ៍មាស ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ។
តាមការលេីកឡេីងរបស់មន្ត្រីជំនាញបានអោយដឹងថា ការចុះអនុវត្តន៍ទប់ស្កាត់ការរំលោភបំពាន្តដីព្រៃសហគមន៍របស់រដ្ឋនេះ ក្នុងតំបន់ខាងលេីជំនាញធ្លាប់បានធ្វេីឡេីងជាញឹកញាប់ណាស់មកហេីយ ថែមទាំងធ្លាប់បានធ្វេីការចុះដកហូត បង្គោលរបងលួសជាច្រេីនកន្លែងផងដែរ។
ប៉ុន្តែក្រុមឈ្មួញទាំងអស់នោះនៅតែលួចលាក់បន្តការធ្វេីមិនខ្លាចញញើតច្បាប់សូម្បីតែបន្តិច។ទោះបីជាយ៉ាងណាក៏ដោយខាងជំនាញនឹងបន្តសកម្មភាពទប់ស្កាត់អោយខានតែបាន។
ចំណុចដីព្រៃសហគមន៍ ដែរធ្វេីការហ៊ុំព័ទ្ធ ខាងលេីនេះត្រូវបានប្រជាពលរដ្ឋបង្ហើបថា ជារបស់ឈ្មោះ ព្រំ ធី អាយុជាង៥០ឆ្នាំ មានទីលំនៅភូមិ ច្រកទៀក ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ ដែលគេស្គាល់និងដឹងថា (ជាជើងខ្លាំងខាងលក់ដីព្រៃរបស់រដ្ឋ)។

ប្រភពខាងលេីបានបន្តអោយដឹងទៀតថា បុគ្គលឈ្មោះ ព្រំ ធី តែងតែធ្វេីការរំលោភយកដីព្រៃសហគមន៍ ឧត្តមស្រែពស់ រាប់រយហិកតា ដេីម្បីយកមកលក់បន្តអោយទៅឈ្មោះ យុំ បូរី ឈ្មោះ គុន្ធា និងលោកស្រី គន្ធា (ហៅយាយ ម៉ា) ជាអ្នករស់ភ្នំពេញ និងមានជនផ្សេងៗទៀតដែលរាប់មិនទាន់អស់(រាប់រយពាន់ហិកតា)យកប្រជាពលរដ្ឋជាខែល ឈរឈ្មោះដើម្បីលួចលក់បន្តនោះ។បន្ទាប់ពីជំនាញធ្វើការដកហូតដីព្រៃសហគមន៍របស់រដ្ឋជាច្រើនហិកតានោះ ក្រុមឈ្មួញដែលទទួលលុយគេខ្លះយកមកចាយចង់អស់នោះ កំពុងតែដេកភ័យខ្លាចគ្មានលុយសងគេ ហើយអាជ្ញាធរជំនាញធ្វើការដកហូតដីហើយព្រឈមមុខផ្លូវច្បាប់ជាដើម។

មហាជនជាច្រើនរងចាំមេីលថាតេី វាសនាលោក ព្រំ ធី ជាបុគ្គលល្បីឈ្មោះខាងលក់ដីព្រៃរបស់រដ្ឋនោះ ទៅជាយ៉ាងណា? ខណៈដែលខាងក្រសួងបរិស្ថាន ចេញសេចក្តីណែនាំ ទៅលេីជនណាដែលកំពុង ទន្ទ្រានយកដីព្រៃរបស់ រដ្ឋធ្វើជាកម្មសិទ្ធិឬឃុបឃិតគ្នាលក់បន្តទៅអោយអ្នកមានលុយមានអំណាចនោះ សូមបញ្ឈប់សកម្មភាពជាបន្ទាន់។ហេីយមហាជនក៏នឹងរងចាំមេីលថា តេីខាងជំនាញពាក់ព័ន្ធជាពិសេស ឯកឧត្តម វុី សំណាង អភិបាលនៃគណៈអភិបាលខេត្តកំពង់ស្ពឺ មានចំណាត់ការយ៉ាងណា ទៅលេីបុគ្គលឈ្មោះ ព្រំ ធី រូបនេះ។
ជុំវិញការលេីកឡេីងរបស់មជ្ឈដ្ឋានមហាជនខាងលេីអង្គភាពសារព័ត៌មាន យេីងមិនអាចសុំការបំភ្លឺ ពីលោកព្រំ ធី និងជនពាក់ព័ន្ធ បាននោះទេ ដោយពុំមានលេខទូរសព្ទ័ ធ្វេីការទំនាក់ទំនងឡើយ។

អ្វីដែលមានការចាប់អារម្មណ៍នោះបន្ទាប់ពីអ្នកយកព័ត៌មានជាច្រើនអង្គភាពនៅក្នុងស្រុក មានទាំងកាសែត និងទូរទស្សន៍ ធ្វើការផ្សព្វផ្សាយពីសកម្មភាព អាជ្ញាធរជំនាញចុះធ្វើការដកហូតដីព្រៃសហគមន៍របស់រដ្ឋ(ឩត្តមស្រែពស់) រាប់រយពាន់ហិកតានោះមានឈ្មោះក្រុមឈ្មួញឃុបឃិតគ្នាច្រើននាក់នោះ។ស្រាប់តែនៅវេលាម៉ោង០៧និង៣០នាទីព្រឹកថ្ងៃទី២៣ខែកក្កដាឆ្នាំ២០១៩ម្សិលមិញនេះក្រុមអ្នកយកព័ត៌មានបានចុះទៅផ្តិតយកសកម្មភាពជំនាញបន្តការអនុវត្តន៍នោះ ហើយបានចូលទៅហូប អារហារពេលព្រឹកមួយកន្លែងនៅក្នុងស្រុកឱរ៉ាល់ ឈ្មោះព្រំ ធី រូបនោះបានជេរប្រមាថ នូវពាក្យអសុរសថែមទាំងប្រើពាក្យគំរាមកំហែងមកលើក្រុមអ្នកយកព័ត៌មាន(ពួកអាអ្នកកាសែតសរសេររឿងអោយការពិត កុំចេះតែសរសេរផ្តេសផ្តាស អ្នកកាសែតងាប់ជាង១០នាក់ហើយរកឃាតកសម្លាប់មិនទាន់ឃើញផង)ពាក្យគំរាមកំហែងមកលើក្រុមអ្នកសារព័ត៌មាននេះហាក់បីដូចជាបិតសិទ្ធនិងបំបាក់ស្មារតីពេកហើយ សូមអោយអាជ្ញាធរមានសមត្ថកិច្ចឃុំត្រពាំងជោ ស្រុកឱរ៉ាល់ ខេត្តកំពង់ស្ពឺជួយរកយុត្តិធម៌ដល់ក្រុមអ្នកសារព័ត៌មានប្រចាំខេត្តផងទាន បើបណ្តែតបណ្តោយតទៅទៀតច្បាស់ជាបុគ្គលឈ្មោះ ព្រំ សុធី រូបនេះដើរគំរាមកំហែងគេឯងតាមតែអំពើរចិត្តនោះ។

បើតាមសម្តីរបស់លោកឈន មករា អាយុ៣៣ឆ្នាំ មុខងារជាចាងហ្វាងការផ្សាយគេហទំព័រ សង្គមព័ត៌មាន លោកយ៉ាវ វាសនា អាយុ៣៦ឆ្នាំ លោកអឿ អីនហៅហ្វាស៊ី អាយុ៤២ឆ្នាំ ចាងហ្វាងការផ្សាយគេហទំព័រ ខ្មែរថ្ងៃនេះ បានដាក់ពាក្យបណ្តឹងនៅប៉ុស្តិនគរបាលរដ្ឋបាលឃុំត្រពាំងជោនៅព្រឹកថ្ងៃទី២៤ខែកក្កដាឆ្នាំ២០១៩នេះហើយ ពីបទបរិហាកេរ្តិតាមទីសាធារណៈនិងគំរាមថានឹងសម្លាប់ ដើម្បីអោយសមត្ថកិច្ចជួយរកយុត្តិធម៌អោយដោយក្តីអនុគ្រោះផង៕