មន្រ្តីយោធាកងពលតូចលេខ៨ម្នាក់គ្រោះថ្នាក់ចរាចរណ៍ស្លាប់ដោយអយុត្តិធម៌ព្រោះអធិការដ្ឋាននគរបាលស្រុកជាំក្សាន្តនាំគ្នាបិទបាំងសំណុំរឿងមិនចាត់ការ

ខេត្តព្រះវិហារ៖ នៅថ្ងៃទី២១ខែកក្កដាឆ្នាំ២០១៩នេះមានសេចក្ដីរាយការណ៍មកថា : មន្រ្តីយោធាម្នាក់បម្រើការងារនៅក្នុងអង្គភាពកងពលតូចលេខ៨ម្នាក់បានស្លាប់យ៉ាងអយុត្តិធម៍ក្នុងករណីគ្រោះថ្នាក់ចរាចរណ៍ ត្រូវអធិការដ្ឋាននគរបាលស្រុកជាំក្សាន្តខេត្តព្រះវិហារនាំគ្នាបិទបាំងសំណុំរឿង។
ដែលកើតហេតុចាប់តាំងពីថ្ងៃទី ១២ ខែកក្កាដា ឆ្នាំ២០១៩ រហូតមកដល់ពេលនេះអស់រយៈពេល៩ថ្ងៃហើយនៅតែរកជនបង្ករមិនទាន់ឃើញ។

យោងតាមសាក្សីនៅកន្លែងកើតហេតុក្នុងករណីគ្រោះថ្នាក់ចរាចរណ៍បានកើតឡើងកាលពីវេលាម៉ោង ៧: ៣០នាទីល្ងាចត្រូវនឹងថ្ងៃទី ១២កក្កដា ឆ្នាំ២០១៩ស្ថិតនៅលើផ្លូវកៅស៊ូរ ចំណុចភូមិ អន្លង់វែងថ្មី ឃុំ ស្រអែម ស្រុកជាំក្សាន្ត ខេត្តព្រះវិហារ។

ជនរងគ្រោះឈ្មោះអំ សុខចាន់ ភេទប្រុសអាយុ ៣៣ឆ្នាំរស់នៅភូមិអន្លង់វែងថ្មី ឃុំស្រអែមស្រុកជាំក្សាន្ដ។
សាក្សីនៅកន្លែងកើតហេតុបានអោយដឹងបន្ត នៅថ្ងៃកើតហេតុខាងលើឈ្មោះអំ សុខចាន់បានមានឈ្មោះទៅរៀននៅអង្គភាពកងពលតូចលេខ៩ បានធ្វើដំណើរមកលេងផ្ទះរបស់ខ្លួននៅសល់ ប្រហែល៣០០ម៉ែត្រនិងដល់ផ្ទះ ក៍បានបុកគោយន្ដកន្ត្រៃដឹកឈើពីក្រោយដែលគ្មានស្លាកចំណាំងពីក្រោយទេក៍ដួលទៅលើដងផ្លូវក៍ត្រូវបានគោយន្ដកន្ត្រៃ ដឹកឈើបន្តកន្ទុយគ្នាបុកពីក្រោយថែមទៀត។

សាក្សីននៅកន្លែងកើតហេតុបានឲ្យដឹងថាអ្នកដែលជួលគោយន្ដកន្រ្តៃដឹកឈើថ្ងៃនោះមានចំនួនបីគ្រឿងដោយម្ចាស់អ្នកជួលមានឈ្មោះខា ត្រូវជាសាច់ញ្ញាត មេភូមិអន្លង់វែងថ្មី និងសាច់និងត្រូវជាកូនក្មួយរបស់លោកមេឃុំកន្ទួត ចំណែកអ្នកស៊ីឈ្នូល បើកគោយន្តកន្រ្តៃដឹកឈើទាំងបីមាន ទី១ឈ្មោះ ផា ទី២ឈ្មោះពេជ្រ ទី៣ឈ្មោះគឹមជាអ្នកបង្ករស់នៅភូមិ ចារ ឃុំកន្ទួត ស្រុកជាំក្សាន្តខេត្តព្រះវិហារ។

សាច់ញាតសាកសពបានបញ្ជាក់ថា÷ពួកគាត់តាមទាន់ថតបានទាំងរូបភាពបែជាសមត្ថកិច្ចនគរបាលស្រុកជាំក្សាន្ដគ្មានចំណាត់ការណ៍សរសេររបាយការណ៍ពាក្យបណ្ដឹងគ្រួសាររងគ្រោះរួចទុកចោល និងគំរាមមកលើគ្រួសារជនរងគ្រោះបន្ថែមទៀតចង់អោយជនបង្កប្ដឹងជនរងគ្រោះវិញ។
រហូតមកដល់ពេលគំរពខូប៧ថ្ងៃសំណុំរឿងខាងលើត្រូវបានលោកអធិការស្រុកជាំក្សាន្តបាននាំគ្នាបិទបាំងផ្អិបសំណុំរឿងចោលមិនចាត់ការមិនស្រាវជ្រាវទោះជាសាច់ញ្ញាតជនរងគ្រោះប្ដឹងទៅដល់កន្លែងប៉ុស្ដិ៍និងកន្លែងអធិការក៍គ្មានចំណាត់ការ ទោះជាដឹងប្រវិត្តជនបង្កក៍នៅគ្មានចំណាត់ការ។

ស្រ្តីឈ្មោះ វឿន សុផលត្រូវភរិយារបស់សពសុំអំពាវនាវដល់ថ្នាក់ដឹកនាំទាំអស់ជាពិសេស ឯកឧត្ដមនាយឧត្ដមសេនីយ៍ ណេតសាវឿនអគ្គស្នងការនគរបាលជាតិជួយរកយុត្តិធម៍ជួនក្រុមគ្រួសារនាងខ្ញុំផង ដែលអធិការស្រុកជាំក្សាន្តបិទបាំងសំណុំរឿងរហូតមកដល់ពេលនេះ សសេរពាក្យបណ្ដឹងហើយមិនទទួលពាក្យបណ្ដឹងនិងបដិសេធន៍ពាក្យបណ្ដឹងរបស់ប្រជាពលរដ្ឋចោលទៀតដោយគ្មានការសើុបអង្គេត ហើយមិន ជួយរកយុត្តិធម៍ចំពោះគ្រួសារសពបែរផ្អិបសំណុំរឿងទាំងនេះចោលទៀត។

នៅក្នុងរឿងនេះដែរភ្នាក់ងារព័ត៌មានយើងនៅមិនទាន់សុំការបកស្រាយពីលោកអធិការស្រុកជាំក្សាន្តបានទេដោយមិនស្គាល់លេខទូរសព្ទ័របស់គាត់៕