រថយន្តដឹកដីរបស់ក្រុមហ៊ុន លោកតាក់ ជីឡៅបើកលឿនបុកកិនម៉ូតូស្លាប់លោកអនុប្រធានភូមិត្រពាំជ្រៅ

ខេត្តកណ្តាល៖ បុរសម្នាក់ដែលគេស្គាល់ថាជាអនុប្រធានភូមិត្រពាំងជ្រៅបានដេកស្លាប់នៅក្នុងថ្លុកឈាមខណ:ដែលជិះម៉ូតូម្នាក់ឯងហើយត្រូវរថយន្តដឹកដីរបស់ក្រុមហ៊ុនលោកតាក់តែង ជីឡៅបើកលឿនបុកកិនពីក្រោយពេញទំហឹង។
ហេតុការណ៍គ្រោះថ្នាក់ចរាចររថយន្តដឹកដីបុកកិនម៉ូតូស្លាប់អនុប្រធានភូមិបានកើតឡើងកាលពីវេលាម៉ោង០៦និង៤០នាទីព្រឹកថ្ងៃទី១១ខែកក្កដាឆ្នាំ២០១៩នៅតាមបណ្តោយផ្លូវលំ ស្ថិតនៅក្នុងភូមិត្រពាំងជ្រៅ ឃុំក្រាំងម្កាក់ ស្រុកអង្គស្នួល ខេត្តកណ្តាល។

យោងតាមរបាយការណ៍របស់សមត្ថកិច្ចបានអោយដឹងថានៅមុនពេលកើតហេតុគេបានឃើញបុរសរងគ្រោះខាងជិះម៉ូតូ មានម៉ូតូ០១គ្រឿងម៉ាកហុងដាC១២៥ ពណ៌ខ្មៅ ពាក់ស្លាកលេខ កណ្ដាល១B-១១៥៨​ បើកបរដោយឈ្មោះបុិច​ ទូច បាន(ស្លាប់ភ្លាមៗនៅនឹងកន្លែងកើតហេតុ) ​ ភេទប្រុស​ អអាយុ៥៧ឆ្នាំជាអនុប្រធានភូមិត្រពាំងជ្រៅ រស់ នៅភូមិត្រពាំងជ្រៅ ឃុំក្រាំងម្កាក់ ស្រុកអង្គស្នួល​ ខេត្តកណ្ដាល។ដែលបុរសរងគ្រោះខាងលើបាន
បើកបរក្នុងទិសដៅ ពីទិសខាងលិច ទៅទិសខាង​កើត​
លុះពេលធ្វើដំណើរមកដល់ ចំណុចកើតហេតុខាងលើស្រាប់តែមានរថយន្ត០១គ្រឿង​ម៉ាកហុីណូ(HINO)ជាប្រភេទរថយន្តបែនដឹកដី ពណ៌បៃតង ពាក់ស្លាកលេខភ្នំពេញ ៣A-០៣១២ បើកបរ​ដោយឈ្មោះ​ ផុន​ សុធា​ (ឃាត់ខ្លួន)ភេទប្រុស​ អអាយុ៣១ឆ្នាំ ត្រូវបានសមត្ថកិច្ចធ្វើការឃាត់ខ្លួនបានក្រោយបង្កហេតុរួចផងដែរ រស់នៅភូមិ បឹងគ្រុំ​ក្រោម​ ឃុំបឹងគ្រុំ​ ស្រុកល្វាឯម​ ខេខេត្តកណ្ដាល។

ដែលបើកមកពីទិសខាងលិចទៅទិសខាងកើត​
កក្នុងទិសដៅស្របគ្នាបុកពីក្រោយពេញទំហឹង បណ្ដាលអោយកិនលោកអនុប្រធានភូមិដេកស្លាប់ក្រោមរថយន្តក្នុងថ្លុកឈាមតែម្ដងបង្កអោយមានការភ្ញាក់ផ្អើលដល់ប្រជាពលរដ្ឋនិងសមត្ថកិច្ច។ភ្លាមនោះសមត្ថកិច្ចមូលដ្ឋានបានចុះធ្វើការវាស់វែងនៅកន្លែងកើតហេតុ ឃាត់តៃកុងរថយន្តបង្កហេតុយកទៅធ្វើការសួរនាំនៅអធិការដ្ឋាននគរបាលស្រុកអង្គស្នួល។
ចំពោះសពលោកអនុប្រធានភូមិត្រូវបាន កំលាំងជំនាញបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី​។
សមត្ថកិច្ចជំនាញបានសន្ឋិដ្ធានថា ករណីនេះបណ្តាលមកពី
អ្អ្នកបើកបររថយន្តបែនដឹកដីរបស់ក្រុមហ៊ុនលោកតាក់ ជីឡៅ ដែលគេល្បីឈ្មោះខាងជីកកាយរណ្តៅដីចេញក្បាលប្រែតនោះ បើកបរ ខ្ខ្វះការប្រុងប្រយ័ត្នទើបក្លាយជារឿងគួរអោយសោកស្តាយសម្រាប់ក្រុមគ្រួសារនិងសង្គមជាតិដែលបាត់បង់លោកអនុប្រធានភូមិមួយរូបនេះ។

ចំពោះករណីគ្រោះថ្នាក់ចរាចរណ៍ដែលបង្កហេតុដោយសារតែក្រុមរថយន្តដឹកដីរបស់ក្រុមហ៊ុន លោក តាក់ ជីឡៅនេះជាច្រើនលើកច្រើនសាមកហើយ រាល់ថ្ងៃនេះបងប្អូនប្រជាពលរដ្ឋរស់នៅក្បែរកន្លែងកើតហេតុនិងកន្លែងរណ្តៅដីរបស់លោកថៅកែ តាក់ ជីឡៅរូបនោះមានការព្រួយបារម្ភខ្លាំងណាស់ទី១បង្កអោយផ្លូវថ្នល់រងការខូចខាត បំផ្លាញផ្លូវសាធារណ:របស់រដ្ឋហើយពិសេសរដូវនេះជារដូវវស្សារថែមទៀតផង និងព្រួយបារម្ភប៉ះពាល់សុខភាពពេលរាំងភ្លៀងហុយដី ពេលមេឃភ្លៀងរអិលពិបាកក្នុងការធ្វើដំណើរ ហើយពិសេសខ្លាំងបំផុតនោះគឺកូន ចៅតូចៗរបស់ពួកគាត់ជិះកង់ ម៉ូតូទៅសាលារៀន ហើយក្រុមរថយន្តដឹកដីរបស់ក្រុមឈ្មួញដឹកដីធំៗខាងលើបើកលឿនៗហាក់បីដូចជាប្រណាំងគ្នា ជាក់ស្តែងបុកកិនម៉ូតូលោកអនុប្រធានភូមិត្រពាំងជ្រៅនេះ ពួកគាត់ជាប្រជាពលរដ្ឋធ្វើការសំណូមពរដល់លោកអភិបាលស្រុកអង្គស្នួល លោកប្រធានមន្ទីររ៉ែនិងថាមពលខេត្តនិងជាពិសេសឯកឧត្តម អភិបាលខេត្តកណ្តាលមេត្តាចាត់ជំនាញចុះពិនិត្យមើលក្តីកង្វល់ ការព្រួយបារម្ភរបស់ប្រជាពលរដ្ឋ រឿងរណ្តៅដីរបស់លោកតាក់ ជីឡៅល្បីល្បាញឈ្មោះម្នាក់នេះផងទាន បើបណ្តែតបណ្តោយតទៅទៀតមិនដឹងថាជីវិតមនុស្សប៉ុន្មាននាក់ទេត្រូវបានសម្លាប់ដោយសារក្រុមរថយន្តដឹកដីនេះ។

បច្ចុប្បន្នរថយន្តបង្កហេតុនិងម៉ូតូបុរសរងគ្រោះត្រូវបានកម្លាំងជំនាញដឹក យកទៅរក្សាទុកនៅអធិការដ្ឋាននគបាលស្រុករង់ចាំធ្វើការដោះស្រាយនៅពេលក្រោយ៕