ព័ត៌មានបន្ថែមទាក់ទិនទៅនឹងមហា សោកនាដកម្ម​ នៃការបាក់រលំអាគារប្រាំបីជាន់នៅក្រុងព្រះសីហនុ

ខេត្តព្រះសីហនុ៖ យោងតាមប្រភព ពីមន្ត្រី សមត្ថកិច្ច ដែលកំពុងចុះអន្តរាគមន៍ ក៏ដូចជាព័ត៌មានបន្ថែមពីអាជ្ញាធររដ្ឋបាលខេត្ត បានឲ្យដឹងថា គិតមកដល់ម៉ោង២ និង ៤០នាទីនេះ ក្រុមសង្គ្រោះ ប្រមាណជាង ៣០០ នាក់ មកពី អង្គភាពចម្រុះគ្រប់ស្ថាប័ន ជាពិសេស មកពីក្រុមសង្គ្រោះ ៧១១ នៅរាជធានីភ្នំពេញក៏បានធ្វើដំណើរមកជួយសង្គ្រោះយ៉ាងយកចិត្តទុកដាក់បំផុត។

គិតមកដល់ពេលនេះផងដែរ យុទ្ធនាការជួយសង្គ្រោះ បានប្រមាណ ៣០ភាគរយហើយ ដោយបានរុករកឃើញសាកសព និងបញ្ជូនចេញទៅ រក្សាទុក នៅរក្សាសព ន័យ មន្ទីរពេទ្យ ពេទ្យបង្អែកចំការចេក ចំនួន ០៧នាក់ នឹង ក្នុង នោះមានស្ត្រីម្នាក់និងអ្នករងរបួស ចំនួន ២០នាក់ អ្នក ដែលអ្នករបួសទាំងនោះ កំពុងសម្រាកព្យាបាលនៅមន្ទីរពេទ្យបង្អែកចំការចេក ក្រោមការត្រួតពិនិត្យសុខភាពយ៉ាងយកចិត្តទុកដាក់ ពីរដ្ឋបាលខេត្ត ក៏ដូចជាខាងមន្ទីរពេទ្យបង្អែក ចំការចេក ផងដែរ។

យោងតាមការបញ្ជាក់ និងអះអាងពីឯកឧត្តមយន្តមីន អភិបាលខេត្តព្រះសីហនុ និងមន្ត្រីក្រោមឱវាទ ដែលជាថ្នាក់ដឹកនាំស្ថាប័នអង្គភាពនានាចំណុះឲ្យរដ្ឋបាលខេត្ត បានបញ្ជាក់អះអាងថា យុទ្ធនាការជួយសង្គ្រោះដល់ជនរងគ្រោះ នៃការបាក់អាគារចំនួនប្រាំបីជាន់ ធ្វើរហូត ដរាបណា ជួយសង្គ្រោះនិងយកសាកសព អស់ចេញពីកន្លែងកើតហេតុ បើត្រូវ ប្រើពេល យូរប៉ុណ្ណាក៏ដោយ ហើយកំលាំងទាំងអស់ ត្រូវបានផ្លាស់ប្ដូរវេនគ្នា រហូតបញ្ចប់បេសកកម្មនេះ៕