ដំណាំល្ពៅនៅខេត្តព្រះវិហារ កំពុងមានហាងឆេង ធ្វើឲ្យប្រជាកសិករមមាញឹកខ្លាំង

ខេត្តព្រះវិហារ៖ ប្រជាកសិករខេត្តព្រះវិហារ សប្បាយរីករាយ និងមមាញឹកជាខ្លាំងក្នុងការប្រមូលផលដំណាំល្ពៅលក់ឱ្យឈ្មួញ ដោយសារបច្ចុប្បន្នដំណាំនេះមានហាងឆេងល្អជាងបណ្ដាឆ្នាំកន្លងទៅ។

លោក ពឹង ទ្រីដា ប្រធានមន្ទីរកសិកម្ម រុក្ខាប្រមាញ់និងនេសាទខេត្តព្រះវិហារ បានឱ្យដឹងនៅព្រឹកថ្ងៃនេះថា ផ្ទៃដីដាំដំណាំល្ពៅទូទាំងខេត្តព្រះវិហារ មានប្រមាណចំនួន ២ពាន់ហិកតា ដែលមានប្រជាពលរដ្ឋសរុបជិត១ពាន់គ្រួសារ ដែលកំពុងដាំដំណាំនេះ កំពុងមានភាពមមាញឹកជាខ្លាំងក្នុងការប្រមូលផលលក់ទៅឱ្យឈ្មួញ ដែលមានតម្លៃរហូតដល់ ២៥០០រៀល ក្នុង១គ.ក ដែលជាតម្លៃមួយខ្ពស់ខ្លាំងបើធៀបទៅនឹងឆ្នាំមុនៗ។

ជាចុងក្រោយលោក ពឹង ទ្រីដា ក៏បានសុំណូនពរដល់បណ្តាអ្នកសារព័ត៌មានសូមជួយចុះផ្សាយក៏ដូចជាអំពាវនាវដល់បងប្អូនប្រជាពលរដ្ឋនឹងប្រជាកសិករទាំងអស់ដាំដំណាំល្ពៅអោយបានច្រើនថែមទៀតដើម្បីបង្កើនដំណាំកសិកម្មមួយនេះនឹងអាចអោយជីវភាពបងប្អូនរីកចំរើនឡើងមួយកំរិតទៀត៕ ដោយ៖ ម៉ែន សុគន្ធា