ហាយលែនឌឺ ប្រលះជាមួយនឹងម៉ូតូSL បណ្តាលឲ្យបុរសម្នាក់ស្លាប់ នឹង០១នាក់ទៀតរបួសធ្ងន់ នៅស្រុកត្រាំកក់

ខេត្តតាកែវ៖ បុរស០១នាក់បានស្លាប់ភ្លាមៗនៅនិងកន្លែងកើតហេតុ និងមួយនាក់ទៀតបានរងរបួសធ្ងន់ បន្ទាប់ពីបានជួបគ្រោះថ្នាក់ចរាចរណ៍ រវាងរថយន្តបុកជាមួយម៉ូតូ។ហេតុការគ្រោះថ្នាក់ចរាចរណ៍ដ៌រន្ធត់នេះ បានកើតឡើងកាលពីយប់ ថ្ងៃទី១១ខែមិថុនាឆ្នាំ២០១៩ វេលាម៉ោង១៨និង១៥នាទី ស្ថិតនៅលើផ្លូវលេខ១៣២ចន្លោះគីឡូម៉ែត្រលេខ០៨និងលេខ០៩ក្នុងភូមិទីប៉ាត់ឃុំជាងទង ស្រុកត្រាំកក់ ខេត្តតាកែវ ករណីគ្រោះថ្នាក់ចរាចរណ៍នេះ បង្ករអោយមានអគ្គីភ័យមួយកើតឡើងរវាងរថយន្តនិងម៉ូតូបើកបរក្នុងទិសដៅបញ្ច្រាសទិសគ្នា។

អធិការស្រុកត្រាំកក់ លោក ឌុក ធីយ៉ា បានប្រាប់ឲ្យដឹងថារថយន្តម៉ាកតូយ៉ូតាហាយឡែនឌ័រពណ៌សពាក់ផ្លាកលេខតាកែវ២A២២៥៧(អ្នកបើកបរគេចខ្លួនបាត់)ដែលបើកបរមកពីទិសខាងកើតលុះមកដល់ចំណុចខាងលើបានបុកម៉ូតូមួយគ្រឿងម៉ាកS Lពណ៌ខ្មៅពាក់ផ្លាកលេខភ្នំពេញ១BB៨៩៤០បើកបរដោយឈ្មោះចាន់ រតនាភេទប្រុសអាយុ៣៧ឆ្នាំ រស់នៅភូមិប្រកៀបឃុំត្រពាំងធំខាងត្បូងស្រុកត្រាកក់ខេត្តតាកែវមុខរបរជាងជួសជុលម៉ូតូ(ស្លាប់នៅកន្លែងកើតហេតុ)មានឌុបមនុស្សម្នាក់ពីក្រោយឈ្មោះលី ណនភេទប្រុសអាយុ៣៥ឆ្នាំនៅភូមិឃុំជាមួយគ្នាមុខរបរកសិករ(រងរបួសធ្ងន់)ដែលបើកបរមកពីទិសខាងលិចក្រោយពេលបុករថយន្តខាងលើបានឆេះហីេយកម្លាំងជំនាញរបស់អធិការដ្ឋាននគរបាលស្រុកត្រាំកក់បានប្រើប្រាស់រថយន្តពន្លត់អគ្គីភ័យអស់ចំនួនមួយឡានទើបអគ្គីភ័យបានរលត់ជាស្ថាពរ១០០%។

វត្ថុតាងខាងលើត្រូវបានយកមករក្សាទុកនៅអធិការដ្ឋាននគរបាលស្រុកត្រាំកក់។ចំណែកជនរងគ្រោះបានបញ្ជូនទៅសង្គ្រោះនៅមន្ទីរពេទ្យបង្អែកក្រុងដូនកែវ។សាកសពបានប្រគល់ជូនសាច់ញ្ញាតិយកទៅធ្វើបុណ្យតាមប្រពៃណី។កម្លាំងជំនាញកំពុងកសាងសំណុំរឿងតាមនីតិវិធី។ដោយបងខន