លោក ម៉ៅ សឿត អធិការនគរបាលខណ្ឌច្បារអំពៅមសូមជួយពិនិត្យមើលក្រុមអ្នកញៀនល្បែង បានប្រើអំពើហិង្សា មកលើអ្នកសារព័ត៌មានផង

ភ្នំពេញ ÷ សូមរំលឹកថា: កាលនៅថ្ងៃទី១៧ ខែកញ្ញា ឆ្នាំ២០២២,កន្លងទៅថ្មីៗនេះ សម្ដេចតេជោ ហ៊ុនសែន បានដាក់បទបញ្ជាយ៉ាងដាច់ណាត់មួយឲ្យ គណៈអភិបាលរាជធានីទាំង ២៥ ខេត្ត ក្រុង ដែលតម្រូវឲ្យបង្ក្រាបទីតាំងល្បែងស៊ីសងខុសច្បាប់ គ្រប់ប្រភេទ នៅទូទាំងប្រទេស ដោយគ្មានការលើកលែង សម្ដេចតេជោ ហ៊ុនសែន បានបញ្ជាក់យ៉ាងដាច់ណាត់ទៀតថា: អាជ្ញាធរមានសមត្ថកិច្ច ស្រុក ក្រុង ខេត្ត ណាដែលមិនហ៊ានទប់ស្កាត់ និងបង្រ្កាបបទល្មើសល្បែងស៊ីសង ខុសច្បាប់ នៅក្នុងមូលដ្ឋានរបស់ខ្លួនទេ!អាជ្ញាធរមានសមត្ថកិច្ចទាំងនោះ និងមានបញ្ហាប្រឈមនិងបាត់បង់ពីតំណែងទៀតផង។

ជាក់ស្តែងនៅថ្ងៃទី២៣ ខែមករា ឆ្នាំ២០២៣-នេះមានទីតាំងបនល្បែងសុីសងជល់មាន់ និងអាប៉ោងខុសច្បាប់ នៅក្នុងតារាងបាល់ទះ មួយកន្លែងស្ថិតនៅភូមិអូរអណ្តូង សង្កាត់ព្រែកប្រា ខណ្ឌច្បារអំពៅ រាជធានីភ្នំពេញ តែងតែបើកលេងយ៉ាងអនាធិវតេយ្យ ខណៈអាជ្ញាធរមានសមត្ថកិច្ចក្នុងមូលដ្ឋាន មិនហ៊ានធ្វើការបង្រ្កាប។

បើតាមសេចក្តីរាយការណ៍មកថា: ទីតាំងបនល្បែងសុីសងខុសច្បាប់ខាងលើនេះ គេសង្កេតឃើញមានក្រុមញៀនល្បែងតែងតែមកជួបជុំ!នាំគ្នាលេងល្បែងជល់មាន់ ខ្លះទៀតចាក់អាប៉ោង យ៉ាងពពាក់ពពូន ជារៀងរាល់ថ្ងៃ រីឯ.អាជ្ញាធរមានសមត្ថកិច្ចនៅក្នុងមូលដ្ឋាន ខណ្ឌច្បារអំពៅ មិនហ៊ានធ្វើការបង្រ្កាប!ឲ្យស្របតាមគោលនយោបាយ ភូមិ ឃុំ ឲ្យមានសុវត្ថិភាព ទាំង៧ចំណុច របស់រាជរដ្ឋាភិបាល នោះឡើយ!

ប្រភពបានបន្តទៀតថា: ប្រជាពលរដ្ឋបាននាំគ្នាដាក់ការសង្ស័យ អាជ្ញាធរមានសមត្ថកិច្ចពាក់ព័ន្ធក្នុងមូលដ្ឋាន ខណ្ឌច្បារអំពៅ បានត្រូវថ្នាំសណ្ដំ ឬមួយបានទទួលលាភសក្ការៈពីម្ចាស់បនល្បែងខុសច្បាប់ខាងលើនេះហើយមើលទៅ បានជានាំគ្នារក្សាភាពស្ងៀមស្ងាត់ មិនហ៊ានធ្វើការបង្ក្រាឡើយ!ជាហេតុ!ធ្វើឲ្យពលរដ្ឋរស់នៅក្នុងមូលដ្ឋានមានការព្រួយបារម្ភ អំពីសុវត្ថភាពគ្រួសារ និងភ័យខ្លាច ប្តីនិងកូនៗពួកគាត់មានការផុងខ្លួននិងការលេងល្បែងខុសច្បាប់ទាំងនោះនេះហើយ ដែលជាដើមចម ដែលធ្វើឲ្យអសន្តិសុខ កើតមាននូវ អំពើចោរកម្ម និងបទល្មើសផ្សេងៗ ដូចជា លួច ឆក់ ប្លន់ និងអំពើហិង្សា ក្នុងគ្រួសារ ជាដើម។

ទោះជាយ៉ាងណាក្តី មជ្ឈដ្ឋានអ្នកច្បាប់ក៍ដូចជាមហាជនទូទៅ សូមស្នើរយ៉ាងទទួចទៅដល់ ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ ជាពិសេស ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ និងចាត់វិធានការបង្រ្កាប!ទីតាំងបនល្បែងសុីសងជល់មាន់ និងអាប៉ោងខុសច្បាប់ មួយកន្លែងដែលបើកលេងនៅក្នុងមូលដ្ឋានខាងលើនេះ ដើម្បីគោរពតាមបទបញ្ជាដ៍ខ្ពង់ខ្ពស់ របស់សម្តេចតេជោ ហ៊ុនសែន ដែលបានតម្រូវឲ្យបង្រ្កាប!បនល្បែងស៊ីសងខុសច្បាប់ គ្រប់ប្រភេទ នៅទូទាំងប្រទេស ដោយគ្មានការលើកលែង ៕