ខេត្តព្រះសីហនុ៖ សមិទ្ធិផលការ៉ូឡា,ថ្មក្រានីតប្រព័ន្ធលូ កូនឈើតាមចិញ្ចើមផ្លូវក្នុងក្រុង/ខេត្តព្រះសីហនុ ក្រោយពីធ្វើពិធីប្រគល់និងទទួលដាក់ឲ្យប្រើប្រាស់ផ្លូវទាំង៣៧ខ្សែរ មិនបានមួយដង្ហើយក្តាមផង ចំណាយប្រាក់អស់រាប់រយលានដុល្លាសហរដ្ឋអាមេរិច ត្រូវបានរងការខូចខាតជាបណ្តើរៗហើយ ប្រហែលជាង១០០០កន្លែង ដោយសារតែការស្ថាបនាមិនមានគុណភាពនិងខ្វះការថែរទាំពីមន្ទីរជំនាញពាក់ព័ន្ធ និងអាជ្ញាធរមូលដ្ឋាន ឬយ៉ាងណា។
ទាកទងនិងថវិការស្ថាបនាផ្លូវ នៅខេត្តព្រះសីហនុអ្នកសារព័ត៌មានយើងបានឃើញអនុក្រឹត្យមួយ តាមសំណើររបស់រដ្ឋមន្រ្តីក្រសួងដែនដីនគររូបនីយកម្មនិងសំណង់។
ការស្ថាបនាផ្លូវចំនួន៣៤ខ្សែ នៅខេត្តព្រះសីហនុ គឺថ្នូរនឹងការកាត់ដីរដ្ឋឲ្យទៅក្រុមហ៊ុន OCIC របស់ឧកញ៉ា ពុង ឃាវសែ ធ្វើជាកម្មសិទ្ធិ កាលពីអំឡុងចុងឆ្នាំ២០១៩កន្លងទៅ រាជរដ្ឋាភិបាលកម្ពុជា ធ្លាប់បានសម្រេចធ្វើអនុបយោគដីតំបន់អភិរក្សទឹកសាបបឹងព្រែកទប់ ទំហំ៣៤ ៦៦៦ម៉ែត្រក្រឡា ស្ថិតនៅភូមិ១ សង្កាត់លេខ៣ ក្រុងព្រះសីហនុ ខេត្តព្រះសីហនុ ដែលជាដីទ្រព្យសម្បត្តិសាធារណៈរបស់រដ្ឋ ទៅជាដីឯកជនរបស់រដ្ឋ និងផ្ដល់ជាកម្មសិទ្ធិឯកជនជូនក្រុមហ៊ុន អូវើស៊ី ខេមបូឌាន អ៊ិនវេសមេន ខបភើរេសិន ( Overseas Cambodian Investment Corporation-OCIC ) របស់ឧកញ៉ា ពុង ឃាវសែ ជាថ្នូរនឹងការចំណាយថវិកាសម្រាប់ការស្ថាបនាផ្លូវក្រុងចំនួន៣៤ខ្សែ ក្នុងខេត្តព្រះសីហនុ ដោយស្មារតីអនុក្រឹត្យលេខ ១៦២អនក្រ.បក ចុះថ្ងៃទី០៦ ខែវិច្ឆិកា ឆ្នាំ២០១៩ ។
លើសពីនេះ កាលពីដើមខែកញ្ញា ឆ្នាំ២០១៩ រាជរដ្ឋាភិបាលកម្ពុជា ក៏ធ្លាប់បានធ្វើអនុបយោគដីសាធារណៈរបស់រដ្ឋ ទំហំ២៤ ៦៥២ម៉ែត្រក្រឡា ស្ថិតនៅបណ្ដោយផ្លូវ២ធ្នូ ភូមិ១ សង្កាត់លេខ៣ ក្រុងព្រះសីហនុ ខេត្តព្រះសីហនុ ទៅជាដីឯកជនរបស់រដ្ឋ និងផ្ដល់ជាកម្មសិទ្ធិជូនក្រុមហ៊ុន OCIC ផងដែរ ដោយស្មារតីអនុក្រឹត្យលេខ ១២៦អនក្រ.បក ចុះថ្ងៃទី០២ ខែកញ្ញា ឆ្នាំ២០១៩ ។
ដូច្នេះ ដីរដ្ឋទំហំ ៥៩ ៣១៨ម៉ែត្រក្រឡា ( ជិត៦ហិកតា ) ស្ថិតនៅភូមិ១ សង្កាត់លេខ៣ ក្រុងព្រះសីហនុ ខេត្តព្រះសីហនុ ត្រូវបានរាជរដ្ឋាភិបាលកម្ពុជា សម្រេចធ្វើអនុបយោគប្រគល់ឲ្យក្រុមហ៊ុន OCIC ធ្វើជាកម្មសិទ្ធិ កាលពីអំឡុងឆ្នាំ២០១៩ រួចទៅហើយ ។
គួររម្លឹកជូនដែរថា ការស្ថាបនាផ្លូវចំនួន៣៤ខ្សែ នៅខេត្តព្រះសីហនុ ត្រូវបានចំណាយថវិកាប្រមាណជាង ២០០លានដុល្លារអាមេរិក។
ថ្មីៗនេះនៅថ្ងៃទី២១ ខែវិច្ឆិកា ឆ្នាំ ២០២២ រដ្ឋបាលខេត្តព្រះសីហនុ ដែលមានឯកឧត្តម គួច ចំរើន ជាអភិបាលនៃគណៈអភិបាលខេត្តព្រះសីហនុ បានឲ្យបើកកិច្ចប្រជុំមួយតាមរបៀបវរ:ចំនួន០២គឺ÷
១/ ផ្សព្វផ្សាយសេចក្តីសម្រេចលេខ០៥៥/២២ សសរ ចុះថ្ងៃទី៣១ ខែតុលា ឆ្នាំ ២០២២ ស្តីពីការបង្កើតក្រុមការងារគ្រប់គ្រងលើហេដ្ឋារចនាសម្ព័ន្ធផ្លូវថ្នល់ដែលមានលោក អភិបាលរងខេត្តម្នាក់ជាប្រធាន។
២ / ស្តាប់ពីរបាយការណ៍វឌ្ឍន:ភាពនៃការត្រួតពិនិត្យលើបទល្មើសដែលធ្វើឲ្យខូចខាតទ្រូងផ្លូវ,ការ៉ូឡា,ក្រានីតតាមបណ្តោយផ្លូវក្នុងក្រុងព្រះសីហនុ ពីមន្ទីរជំនាញ។
នៅក្នុងរបាយការណ៍របស់មន្ទីរសាធារណ:ការនិងដឹកជញ្ជូនខេត្តព្រះសីហនុបានលើកឡើងបញ្ជាក់ឲ្យដឹងថា÷ ក្រោយពិធីប្រគល់និងទទួលដាក់ឲ្យប្រើប្រាស់សមិទ្ធិផលផ្លូវទាំង៣៧ខ្សែកាលពីចុងឆ្នាំ២០២១កន្លងមក ក្រោមអធិបតីភាពដ៏ខ្ពង់ខ្ពស់របស់សម្តេចអគ្គមហាសេនាបតីតេជោហ៊ុន សែននាយករដ្ឋមន្ត្រីនៃព្រះរាជាណាចក្រកម្ពុជា បើគិតមកដល់ត្រឹមខែកញ្ញា ឆ្នាំ២០២នេះការខូចខាតទ្រូងផ្លូវ, ខឿនផ្លូវ ការ៉ូឡា,ក្រានីតនៅតាមបណ្តោយផ្លូវនៅក្នុងក្រុង/ខេត្តព្រះសីហនុមានចំនួនដល់៦២០០ម៉ត្រការ៉េលើទីតាំងចំនួន៩៩៣ទីតាំងនៅលើខ្សែផ្លូវចំនួន២៦ខ្សែដែលត្រូវទាមទារឲ្យក្រុមការងារត្រូវធ្វើការជួសជុលឡើងវិញ។
មន្ត្រីរាជការដែលបានចូលរួមនៅក្នុងកិច្ចប្រជុំខាងលើក៏ដូចជាប្រជាពលរដ្ឋនៅខេត្តព្រះសីហនុសុំមិនឲ្យបង្ហាញពីអត្តសញ្ញាណបានខ្សឹបប្រាប់ក្រុមអ្នកសារព័ត៌មានឲ្យដឹងថា÷ តាមមើលទៅទំហ៊ុំនៃការខូចខាតឥដ្ឋការ៉ូឡា,ថ្មក្រានីត ដែលក្រាលនៅលើចិញ្ចើមផ្លូវដែលជាផ្លូវថ្មើរជើងលើផ្លូវទាំង៣៧ខ្សែរនៅក្នុងក្រុង/ខេត្តព្រះសីហនុ អាចមានរាប់ពាន់កន្លែងឯណោះ នៅមិនទាន់គិតពីប្រព័ន្ធលូដែលកំពុងកកស្ទះពេលមានភ្លៀងកក់ខែម្តងៗទឹកខ្វក់ហូរហៀរមកលើផ្លូវដូចជាប្រព័ន្ធលូតាមបណ្តោយវិថីមួយចំនួន។ល។ប្រភពខាងលើបានបញ្ជាក់ឲ្យដឹងបន្ថែមទៀតថាដោយឡែកការ៉ូឡានិងថ្មក្រានីតដែលក្រាលនៅលើចិញ្ចើមផ្លូវថ្មើរជើងដែលកំពុងរងការខូចខាតយ៉ាងដំណំមាននៅតាមផ្លូវត្រង់ចំណុចទល់មុខបុរីគុជអាស៊ុី ផ្លូវឯករាជ្យ ផ្លូវឆ្នេរ អូរឈើទាលអូរត្រេះ លើទីលានសម្តេចតេជោ (ពយតាមូង )និងនៅតាមបណ្តោយផ្លូវ០២ធ្នូត្រង់ចំណុចទល់មុខបុរីម៉ារីអូរឆ្នេរលំហែរកាយ។ ល។ ការ៉ូឡានិងថ្មក្រានីតដែលរងការខូចខាតក្នុងក្រុងនិងខេត្តព្រះសីហនុ នៅមានជាច្រើនន្លែងទៀត,,,,?៕
Discussion about this post