មិនយល់ទេ! រឿងប្រជាពលរដ្ឋនិងរោងចក្រ ធ្វើលិខិតផ្តឹតមេដៃសុំអន្តរាគមន៍បើកផ្លូវចាស់ ជាមួយសួនឧស្សាហកម្មកំពង់សីលាទៅចៅហ្វាយខេត្ត មិនបានផ្លូវ បែរជាបានដីការកោះ របស់តុលាការ ទៅវិញ

ខេត្តព្រះសីហនុ៖ ក្រោយពីប្រជាពលរដ្ឋជាង១០០គ្រួសារ ហើយនិងរោងចក្រ កែច្នៃកសិផល បានផ្តិតមេដៃស្នើសុំទៅខេត្ត អោយជួយអន្តរាគមន៍ ទៅក្រុមហ៊ុន សួនឧស្សាហកម្ម កំពង់សីលាបើកផ្លូវចាស់ ដែលក្រុមហ៊ុនបានបិទនាពេលកន្លងមក ហើយផ្លូវល្បឿនលឿនគេបានធ្វើស្ពានបើកផ្លូវទុកអោយរួចជាស្រេចដោយកន្លែងនោះមានផ្លូវចាស់មាន មនុស្សនិងយាន្តយន្តឆ្លងកាត់ ស្ថិតនៅភូមិស្ទឹងសំរោង ឃុំអូរបាក់រទេះ ស្រុកកំពង់សីលា ។ តាមរយៈអាជ្ញាធរភូមិឃុំស្រុក តាំងពីឆ្នាំ២០២០មក តែរហូតដល់ខែ៩ ឆ្នាំ២០២២នេះ ផ្លូវមិនបានបើកទេ តែបែរជាឃើញដីការកោះរបស់ លោក អុីវ ត្រាយព្រះ រាជអាជ្ញារង នៃសាលាដំបូងខេត្តព្រះសីហនុ កោះហៅឲ្យតំណាងប្រជាពលរដ្ឋទាំង៥នាក់ ចូលទៅតុលានៅថ្ងៃទី១៥ ខែកញ្ញា ឆ្នាំ២០២២ ខាងមុខនេះទៅវិញ ប្រការនេះបានធ្វើឲ្យប្រជាពលរដ្ឋ និងអាជ្ញាធរមូលដ្ឋានមិនសប្បាយចិត្ត ហើយនិង ផ្ទះចម្ងល់ថាមិនយល់ទេ! គ្រាន់តែពលរដ្ឋប្រើសិទ្ធិផ្តឹតមេដៃស្នើសុំបើកផ្លូវសាធារណទៅថ្នាក់ដឹកនាំសោះ ហេតុអ្វីបានជាមានគេប្តឹងថា ការក្លែងបន្លំ និងប្រើប្រាស់លិខិតក្លែង តែបើយោងតាមរបាយការណ៍មួយ របស់អតីតមេឃុំរាយការជូនទៅស្រុកថា ប្រជាពលរដ្ឋនៅទីនោះមានចំនួន១៦ខ្នងផ្ទះនិង ១០៣ក្បាលដី រោងចក្រ១ ផលិតវិចខ្ចប់ដំណាំកសិកម្ម ត្រូវការកំលាំងកម្មក២៥០នាក់។

ទាក់ទងនឹងបញ្ហារឿងរ៉ាវខាងលើនេះ អាជ្ញាធរមូលដ្ឋាន បានប្រាប់អ្នកសារព័ត៌មានថា ពួកគាត់មិនយល់ដែរ ពលរដ្ឋ ប្រើសិទ្ធិរបស់ពួកគាត់នាំគ្នាផ្តិតមេដៃ ស្នើសុំបើកផ្លូវសាធារណចាស់ ទៅថ្នាក់ដឹកនាំសោះ ហេតុអ្វីបានទៅជាមានដីការកោះហៅអ្នកតំណាងទៅវិញ តែទោះជាយ៉ាងណាក៏ដោយពួកគាត់ស្នើសុំទៅថ្នាក់ដឹកនាំខាងលើៗ មេត្តាជួយអោយតុលាការ ទម្លាក់ការចោទនូវ បទព្រហ្មទណ្ឌនោះចោលទៅ ។

ទាក់ទងរឿងមេដៃស្នើសុំនេះ លោក មេឃុំ ២ខែ ជំទប់ជិត២០ឆ្នាំ ម៉េង ជូ នៅឃុំអូរបាក់រទេះ និយាយថា លោកមិនបានដឹងអ្វីទាំងអស់ចំពោះរឿងនេះ។

តែចំណែកលោក សាន់ ចន្ថា អ្នកកាន់ឯកសារដើរផ្តឹតមេដៃ អ្នកសុំបើកផ្លូវនោះ បាននិយាយថា ខ្ញុំបាទជាអ្នកដើរផ្តឹតមេដៃដោយផ្ទាល់ ដើម្បីសុំទាមទារអោយខាងបុរីបើកផ្លូវចាស់វិញ អត់មានប្រឌិតក្លែងបន្លំអ្វីទេ៕

ពាក់ព័ន្ធនិងបញ្ហាខាងលើនេះ សួន​ឧស្សាហៈ​កម្ម​កំពង់សីលា​ សារព័ត៌មាន​យើង​មិន​ទាន់មាន​លេខ​ទូរស័ព្ទ​ដើម្បី​ទំនាក់ទំនង​នៅឡើយ​ទេ​…

ព័ត៌មានបន្ថែមនិងមាននៅពេលក្រោយ…