អ្នកភូមិហួសចិត្ត !!! ខណ:ក្រុមហ៊ុនស្រាបៀរលើកស្លាកលើដីជម្លោះព្រោះអាងអ្នកធំកាង…

ខេត្តព្រះសីហនុ៖ ឈ្មួញមានទ្រព្យឈ្មោះ គិត ប៊ុន និងប្រពន្ធ ឈ្មោះ ឡឹកលក្ខិណាជាអ្នកតំណាងចែកចាយ ស្រាបៀរ ប្រចាំខេត្តព្រះសីហនុ ចូលទៅធ្វើឃ្លាំងដែកកាន់កាប់ដីដោយខុសច្បាប់ ចៅហ្វាយខេត្តបានចេញសេចក្តីសម្រេចឲ្យរះុរើចេញ តែរយៈពេលជាង២ឆ្នាំហើយ រហូតដល់ពេលនេះ ខែមេសាឆ្នាំ២០២២ មិនត្រឹមតែមិនរុះរើទេ គឺសាងសង់ថ្មីៗជាបន្តរបន្ទាប់ទៀត ហើយអ្វីដែលអ្នកស្រុកហួសចិត្តនោះនៅពេលនេះ គេឃើញទីតាំងឃ្លាំង អត់ច្បាប់ខាងលើមានលើកផ្លាកក្រុមហ៊ុនស្រាបៀរ ថែមទៀតផង នៅលើដីជម្លោះនោះជាប់អូរអារ៉េវ ស្ថិតក្នុងក្រុម១៧ ភូមិ២ សង្កាត់លេខ១ ក្រុងព្រះសីហនុ ។

ទាក់ទងបញ្ហារដ៏រសើបខាងលើ មន្ត្រីថ្នាក់ក្រោម បានឆ្លើយតបនិង VD7NEWS ថា ពួកគាត់រងចាំតែបទបញ្ជារ របស់ចៅហ្វាយខេត្តគឺឯកឧត្តម គួច ចំរើន ទេហើយបើលោកចង់ដឹងច្បាស់កន្លែងដីនោះមានតែសួរទៅខេត្តទេ។

ចំណែកអ្នកនាំពាក្យសាលាខេត្តព្រះសីហនុ លោក ឃាំង ភារម្យ បានឆ្លើយតបនិងសំនួរ តាមប្រពន្ធ័តេឡេហ្គ្រាមរបស់VD7NEWS នៅថ្ងៃសៅរ៍នេះថា ខ្ញុំបានបញ្ជូនសំនួររបស់លោកទៅក្រុមការងារខេត្តដើម្បីបំភ្លឺហើយអរគុណ។

គួររំលឹកផងដែរថា កាលពីថ្ងៃទី២៦ ខែកុម្ភៈ ឆ្នាំ២០២០ របស់រដ្ឋបាលខេត្តព្រះសីហនុ បានចេញលិខិតលេខ ០៤៤/២០ ស.ជ.ណ ជម្រាបមក លោក គិត ប៊ុន និងលោកស្រី ឡឹក លក្ខិណា (ប្ដី/ប្រពន្ធ) មានអាសយដ្ឋាន ស្ថិតនៅក្រុមទី១៧ ភូមិ៣ សង្កាត់លេខ៤ ក្រុង-ខេត្តព្រះសីហនុ។ កម្មវត្ថុ ស្តីពីការផ្អាកការសាងសង់ និងរុះរើសំណង់ ព្រមទាំងការ្យទាំងឡាយដែលបានសាងសង់ និងកំពុងសាងសង់ចេញពីទីតាំងដីបម្រុងរបស់រដ្ឋបាលខេត្ត និងដីដែលរដ្ឋបាលខេត្ត បានចែកជូនប្រជាពលរដ្ឋ ស្ថិតនៅភូមិ២ សង្កាត់លេខ១ ក្រុង-ខេត្តព្រះសីហនុ។ ក្នុងករណី លោក និងលោកស្រី មិនអនុវត្តតាម រដ្ឋបាលខេត្ត នឹងចាត់វិធានការតាម នីតិវិធីច្បាប់ ដោយមិនទទួលខុសត្រូវរាល់ការខូចខាតអ្វីឡើយ។ អាស្រ័យហេតុនេះ សូមលោក និងលោកស្រី អនុវត្តតាម ខ្លឹមសារខាងលើក្នុងស្មារតីទទួលខុសត្រូវខ្ពស់។

ក្រោយពីមានសេចក្តីជូនដំណឹងសម្រេចខាងលើហើយ ខេត្តមិនបានចុះអនុវត្តន៍ តាមការសម្រេចរបស់ខ្លួន បានក្លាយទៅជារឿងអាថកំបាំងរហូតដល់ថ្ងៃនេះ សង្ស័យមានអ្នកធំកាងយកផលប្រយោជន៍នៅពីក្រោយ៕

ដោយ៖ VD7NEWS