ទីតាំងល្បែងសុីសង(ភ្នាល់ចាក់បាល់) ខុសច្បាប់ តាមប្រព័ន្ធអនឡាញ មួយកន្លែងនៅចំណុចផ្លូវលេខ ២៣១ ក្នុងសង្កាត់ផ្សារដើមគរ ទុកឲ្យបើកដំណើរការលេងបានយ៉ាងរំភើយ!

ភ្នំពេញ ÷ ទីតាំងល្បែងសុីសង(ភ្នាល់ចាក់បាល់)ខុសច្បាប់ តាមប្រពន្ធ័អនឡាញមួយកន្លែង កំពុងបើកដំណើរការលេងបានយ៉ាងរំភើយ! នៅចំណុចផ្លូវលេខ ២៣១ ស្ថិតនៅក្នុង សង្កាត់ផ្សារដើមគរ ខណ្ឌទួលគោក រាជធានីភ្នំពេញ អាជ្ញាធរមានសមត្ថកិច្ចមូលដ្ឋាន មិនហ៊ានធ្វើការបង្រ្កាប!ឲ្យស្របតាមគោលនយោបាយភូមិ ឃុំ មានសុវត្ថិភាព ទាំង៧ចំណុច នោះឡើយ!។

បើយោងតាមប្រភពច្បាស់ការណ៍ពីពលរដ្ឋបានឲ្យដឹងថា÷ ទីតាំងខាងលើនេះ បាននាំបក្សពួកមកជួបជុំ!បើកលេងល្បែងសុីសង(ភ្នាល់ចាក់បាល់)ខុសច្បាប់ ជារៀងរាល់ថ្ងៃគេសង្ស័យទំនង អាជ្ញាធរមានសមត្ថកិច្ចមូលដ្ឋាន សង្កាត់ផ្សារដើមគរ ខណ្ឌទួលគោក ជាអ្នកបើកភ្លើងខៀវឲ្យទេដឹង? ទើបម្ចាស់ទីតាំងមួយកន្លែងនេះហ៊ានបើកដំណើរការបានដោយរលូន ធ្វើឲ្យពលរដ្ឋរស់នៅមានការព្រួយបារម្ភអំពីបញ្ហាអសន្តិសុខ និងបទល្មើសផ្សេងៗ ដូចជា លួច ឆក់ ប្លន់ និងអំពើហិង្សាក្នុងគ្រួសារជាដើម។ សូមរំលឹកថាកន្លងមក រាជរដ្ឋាភិបាល បានអំពាវនាវ ដល់ប្រជាពលរដ្ឋ ទូទាំងប្រទេស កម្ពុជា ឲ្យអនុវត្ត បីកុំ បីការពារ និងចូលរួមលុបបំបាត់បញ្ហាការឆ្លងរីករាលដាល ជំងឺ កូវីដ-១៩,, បម្លែងថ្មីឈ្មោះថា (អូមីក្រុង) ឲ្យមានប្រសិទ្ធភាព។

ជុំវិញករណីនេះប្រជាពលរដ្ឋបាននាំគ្នាចាំមើល ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ ជាពិសេស ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ រួមទាំង លោកវរសេនីយ៍ឯក សុខ ហេង អធិការដ្ឋាននគរបាលខណ្ឌទួលគោក មានវិធានការចាត់កម្លាំងជំនាញចុះធ្វើការទប់ស្កាត់ឬមួយបង្ក្រាប!ទីតាំងល្បែងស៊ីសង(ភ្នាល់ចាក់បាល់)ខុសច្បាប់មួយកន្លែង តាមប្រព័ន្ធអនឡាញ កំពុងបើកលេងយ៉ាងរំភើយ នៅក្នុងភូមិសាស្រ្តខាងលើនេះ តាមនិតិវិធីច្បាប់ដែរឬទេ? ឬមួយទុកឲ្យក្រុមញៀនល្បែងទាំងអស់នេះផ្សងសំណាងហើយមើលទៅ ៕