ខេត្តពោធិ៍សាត់៖ បើតាមសេចក្តីរាយការណ៍ ពីពលរដ្ឋដែលប្រកបរបនេសាទ រស់នៅតំបន់បឹងទន្លេសាបនៃខេត្តពោធិ៍សាត់ បានប្រាប់ភ្នាក់ងារ VD7NEWS យើងឲ្យដឹងថា នេះជារដូវបើកនេសាទ មានក្រុមប្រឆាំងបទល្មើសសេដ្ឋកិច្ចមានគ្នាចំនួន៤នាក់ដែលគេស្គាល់ថា ទី១-លោករីរ:សេនីយ៍ទោ ង៉ែត សុខឡាយ នាយរងការិយាល័យប្រឆាំងបទល្មើសសេដ្ឋកិច្ច
ទី២-លោករីរ:សេនីយ៍ទោ សុខ សុខុម(ហាវក្បាលដែក)នាយរងការិយាល័យប្រឆាំងបទល្មើសសេដ្ឋកិច្ចនិងបក្សពួក២នាក់ទៀតដែលមិនស្គាល់ឈ្មោះកំពុងធ្វើសកម្មភាពដើរជំរិតទាប្រាក់ ពីបងប្អូន ប្រជាពលរដ្ឋ ដែលប្រកបរបនេសាទ ជាច្រើនកន្លែង ដូចជា នៅចំណុចភូមិសាស្រ្ត ទី១-ភូមិព្រែកក្រយក ប្រមូលលុយចំនួន ១០លានរៀល ទី២-ភូមិដីរនាតប្រមូលលុយចំនួន ២០លានរៀល ទី៣-ភូមិសាស្រ្តក្បាលតោ បងប្អូនប្រជានេសាទដាក់បែ យកមួយ១ឡុកពី១លានទៅមួយលានកន្លះ នឹងយកលុយ ពីឧបករណ៍ទូកមងបណ្តូលល្ពៅ មួយទូក ៥០ ម៉ឺនរៀល និងឧបករណ៍ឆ្នុកមួយកន្លែងយកលុយ ៥០ម៉ឺនរៀលជាច្រើនកន្លែង ប្រភពបានបន្តទៀតថា កាលពី ឯកឧត្តម ម៉ៅ ធនិន អភិបាលនៃគណៈអភិបាលខេត្តពោធិ៍សាត់ចាស់ ជំនាញទាំងនោះពុំហ៊ានយកលុយអញ្ចឹងទេ។ ពេលឯកឧត្តម ជាតាយ អភិបាលនៃគណៈអភិបាលខេត្តពោធិ៍សាត់ ទើបនឹងឡើងថ្មី ស្រាប់តែមានក្រុមប្រឆាំងបទល្មើសសេដ្ឋកិច្ច ដើរជំរិតទារប្រាក់ពីប្រជាពលរដ្ឋ ដែលប្រកបរបរនេសាទ ទង្វើទាំងនេះប្រហែលជា លោកអភិបាលខេត្តទើបនិងឡើងថ្មីមិនដឹងទេ ប្រជាពលរដ្ឋដែលប្រកបរបរនេសាទរស់នៅតាមដងទន្លេ សំណូមពរឲ្យសារព័ត៌មានយើង ជួយផ្សព្វផ្សាយ និងជូនដំណឹងទៅដល់ថ្នាក់លើ សូមមានវិធានការទប់ស្កាត់ ទៅលើក្រុម ប្រឆាំងបទល្មើសសេដ្ឋកិច្ចខេត្តពោធិ៍សាត់ទាំងនេះផង។
ពាក់ព័ន្ធករណីខាងលើនេះ លោករីរ:សេនីយទោ ង៉ែត សុខឡាយ នាយរងការិយាល័យប្រឆាំងបទល្មើសសេដ្ឋកិច្ចលោករីរ:សេនីយទោ សុខ សុខុម(ហាវក្បាលដែក)នាយរងការិយាល័យប្រឆាំងបទល្មើសសេដ្ឋកិច្ច មិនអាចទំនាក់ទំនងបានទេនៅថ្ងៃនេះ ពីព្រោះមិនស្គាល់លេខទូរសព្ទ។
លោកឧត្តមសេនីយ៍ទោ ស ថេង ស្នងការខេត្តពោធ៍សាត់បានប្រាប់ភ្នាក់ងារយើង
តាមទូរស័ព្ទកាលពីថ្ងៃទី០៥ ខែធ្នូឆ្នាំ២០២១ឲ្យដឹងថា (ចាំមើលខ្ញុំឲ្យសន្តិសុខចុះទៅដល់ មូលដ្ឋានតើរឿងនិងពិតដែរឬអត់)។
«សារព័ត៌មាន VD7NEWS យើងខ្ញុំរង់ចាំការបំភ្លឺច្បាស់លាស់ពី លោករីរ:សេនីយ៍ទោ ង៉ែត សុខឡាយ នាយរងការិយាល័យប្រឆាំងបទល្មើសសេដ្ឋកិច្ច និងលោករីរ:សេនីយ៍ទោ សុខ សុខុម ចំពោះការលើកឡើងរបស់ប្រជានេសាទនៅចំណុចខាងលើ ដើម្បីឲ្យថ្នាក់ដឹកនាំបានជ្រាប់ពីបញ្ហាទាំងនេះ»៕ ដោយ៖ រីភារិទ្ធ
Discussion about this post