សមាគម មនុស្សធម៌ និងទ្រទ្រង់សាសនា ចុះចែកអំណោយ ដល់លោកយាយ ទុរគតជន ពីរនាក់នៅរាជធានីភ្នំពេញ

(ភ្នំពេញ) ឯ.ឧ ម៉ៅ មុន្នី  ប្រធានក្រុមប្រឹក្សាភិបាល នៃសមាគម មនុស្សធម៌ និងទ្រទ្រង់សាសនា និងលោកជំទាវ ព្រមទាំងសហការី នៅរសៀលថ្ងៃអង្គារទី ១៤ ខែកញ្ញាឆ្នាំ២០២១ បានចុះសួរសុខទុក និងដឹកនាំអំណោយ ចែកជូនដោយផ្ទាល់ដៃ ដល់លោកយាយទុរគតជនពីនាក់ មានជីវភាពខ្វះខាត អត់មានអាហារ បរិភោគ គ្មានលំនៅដ្ឋានផ្ទាល់ខ្លួននោះទេ រស់នៅតាមសំយាបផ្ទះគេ និងមានជំងឺប្រចាំកាយទៀត ។

សម្ភារះដែលប្រគល់ជូនរួមមាន ទី១ លោកយាយ ជឹម អូន អាយុ៧៤ឆ្នាំ នៅម្តុំវត្ត អង្គពោធិ៍ញាណ រាជធានីភ្នំពេញ ទទួលបាន អង្ករ ៥០ គីឡូក្រាម. មី១កេស. ត្រីខ កំប៉ុង២យួរ ពងទា៣០គ្រាប់ ទឹកផ្លែឈើ ១កេស. ទឹកសុទ្ធ១កេស. ទឹកត្រី.ទឹកស៊ីអ៉ីវ.សាប៊ូ.ខ្ទឹម.ប៊ីចេង.ប្រេងឆា. សារុង.ក្រម៉ា និងគ្រឿងឧបភោគបរិភោគ ជាច្រើនមុខទៀតរួមនិងថវិកា១០០ $

ទី២ជូនលោកយាយ យួន កា អាយុ៧២ឆ្នាំ រស់នៅសំយាបផ្ទះគេ ដំបូលប្រក់សង្គសីធ្លុះធ្លាយ រស់នៅភូមិឫស្សីសាញ់ សង្កាត់ព្រៃសរ ខ័ណ្ឌ ដង្កោ រាជធានីភ្នំពេញ ទទួលបាន
អង្ករ ៥០ គីឡូក្រោម មី១កេស. ត្រីខ កំប៉ុង២យួរ ពងទា៣០គ្រាប់ ទឹកផ្លែឈើ ១កេស. ទឹកសុទ្ធ១កេស. សារុង.ក្រម៉ា និងគ្រឿងឧបភោគបរិភោគ ជាច្រើនមុខទៀត និង ថវិកា ៣៦០.០០០រៀល (សរុបថវិកា ២លានរៀល )។

ឯ.ឧ ម៉ៅ មុន្នី  ប្រធានក្រុមប្រឹក្សាភិបាល នៃសមាគម មនុស្សធម៌ និងទ្រទ្រង់សាសនា បានមានប្រសាសន៍ថា សូមអរគុណ សន្តិភាព ឯ.ឧ បន្តថា អំណោយដែលចែកជូនលោកយាយទាំង២នាក់នាពេលនេះ គឺកើតចេញពីរកំលាំងសាមគ្គីភាពគ្នា របស់ក្រុមការងារ សមាគម ដើម្បីចូលរួមចំណែកទ្រទ្រង់ គោរពបូជា និងប្រតិបត្តិឲ្យបានត្រឹមត្រូវតាមធម៌វិន័យតាមទម្រង់សាសនា ប្រកបដោយនិរន្តរភាព សំដៅការពារកិត្តិយសរបស់សាសនានីមួយៗ ក្នុងគោលដៅលើកកម្ពស់ ការអប់រំផ្នែកសីលធម៌ សុជីវធម៌ ចរិយាធម៌ និងគុណធម៌ ។

រួមចំណែក បណ្តុះបណ្តាល អភិវឌ្ឍន៍ធមធានមនុស្សក្នុងការអភិវឌ្ឍប្រទេសជាតិ និងថែរក្សាវប្បធម៌ អរិយធម៌ ប្រពៃណី ព្រមទាំងរួមចំណែកកសាង និងទ្រទ្រង់វប្បធម៌សន្តិភាព សម្រាប់ប្រទេសជាតិ តំបន់ និងពិភពលោក ។